Філадэлфія Флаерз

Філадэлфія Флаерз (па-анґельску: Philadelphia Flyers) — прафэсійны хакейны клюб, які гуляе ў Нацыянальнай хакейнай лізе. Клюб месьціцца ў горадзе Філадэлфія (Пэнсыльванія, ЗША), прадстаўляючы горад у Сталічным дывізіёне Ўсходняй канфэрэнцыі. Двухразовы ўладальнік Кубка Стэнлі ў 1974 і 1975 гадах. «Флаерз» лічыцца адным з самых пасьпяховым клюбаў, калі лічыць агульны адсотак здабытых пунктаў за ўсю гісторыі лігі. Свае хатнія матчы каманда ладзіць на Ўэлз-Фарга-Цэнтар арэне, на якой таксама гуляюць матчы клюб НБА «Філадэлфія Сэвэнці Сыксэрз» і лякросавы клюб «Філадэлфія Ўінгс».

«Лётнікі» маюць даўняе суперніцтва зь некалькімі камандамі на працягу многіх гадоў. Гістарычна склалася так, што найбольшае дэрбі клюб мае зь «Нью-Ёрк Рэйнджарз». Акрамя таго дэрбі лічацца гульні супраць «Нью-Ёрк Айлэндэрз», «Нью-Джэрзі Дэвілз», а таксама «Пітсбург Пінгвінз». Таксама пэўны час мелася суперніцтва з «Вашынгтон Кэпіталз».

Статыстыка Рэдагаваць

Папярэднія пяць сэзонаў.

Сэзон	Г	В	П	ПОТ	Пт	ГЗ	ГП	Месца (дывізіён)	Кубак Стэнлі
2008—2009	82	44	27	11	99	264	238	3-е, Атлянтычны	Прайгралі ў 1/8 фіналу, 2:4 (Пінгвінз)
2009—2010	82	41	35	6	88	235	225	3-е, Атлянтычны	Прайгралі ў фінале, 2:4 (Блэкгокс)
2010—2011	82	47	23	12	106	259	223	1-е, Атлянтычны	Прайгралі ў чвэрцьфінале, 0:4 (Бруінз)
2011—2012	82	47	26	9	103	264	232	3-е, Атлянтычны	Прайгралі ў чвэрцьфінале, 1:4 (Дэвілз)
2012—2013	48	23	22	3	49	133	141	4-е, Атлянтычны	Ня трапілі ў плэй-оф