Нарвілішкі (па-летувіску: Norviliškės) — невялікая вёска ў Салечніцкім раённым муніцыпалітэце Летувы. Яна знаходзіцца на 12 км на паўночны ўсход ад Дзевянішак амаль на мяжы зь Беларусьсю. У 1986 годзе ў Нарвілішках налічвалася 58 жыхароў, у 2001 годзе — 24.

Сядзіба ў Нарвілішках упершыню згадваецца ў 1586 годзе. У 1617 годзе ўладальнікі сядзібы перадалі частку зямлі ордэну францішканаў. Каля 1745 году яны пабудавалі кляштар і касьцёл ў стылі рэнэсанс. Кляштар быў рэканструяваны ў канцы XVIII стагодзьдзя Казімерам Камінскім. Пасьля Лістападаўскага паўстаньня расейскія ўлады зачынілі кляштар і касьцёл і ператварылі яго ў баракі, а пазьней у школу. Новая драўляная царква была пабудаваная ў 1929 годзе.

24—26 жніўня 2007 году ў Нарвілішках прайшоў буйны музычнага фэст be2gether з удзелам гуртоў зь Летувы (IR, Skamp, Mountainside), Польшчы (Myslovitz), Эстоніі (Tanel Padar & the Sun), Вялікабрытаніі (Joana & the Wolf), Беларусі (Drum Ecstasy, Ляпіс Трубяцкой, IQ48) і іншых краінаў. На 14—17 жніўня 2008 году заплянаванае правядзеньне чарговага фэсту be2gether.

Вонкавыя спасылкіРэдагаваць