Тым Штуцле
Тым Шту́цле (па-нямецку: Tim Stützle; нар. 15 студзеня 2002 году) — нямецкі хакеіст, нападнік клюбу «Атава Сэнатарз» з Нацыянальнай хакейнай лігі. У 2020 годзе быў абраны на драфце НХЛ клюбам «Атава Сэнатарз» у першым раўндзе пад агульным трэцім нумарам.
| Тым Штуцле | ||
|---|---|---|
| ||
| Грамадзянства | ||
| Дата нараджэньня | 15 студзеня 2002 (22 гады) | |
| Месца нараджэньня | ||
| Клюб | Атава Сэнатарз | |
| Выступаў за | ||
| Драфт НХЛ | 3, 2020 Атава Сэнатарз | |
| Гульнявая кар’ера | 2017 — цяпер | |
Кар’ера
рэдагавацьЮнаком быў у структуры клюбу «Крэфэльд Пінгвін», але ў наступным пераехаў у Мангайм. У 2019 году дамовіўся аб пераезьдзе ў Паўночную Амэрыку, каб прабіцца праз канадзкія юніёрскія лігі[2]. Тым ня менш, Штуцле застаўся на радзіму, узгадніўшы трохгадовы кантракт з «Адлерам» у чэрвені 2019 году[3]. Дэбютаваў на прафэсійным узроўні ў веку 17 гадоў у стартавым туры Лігі чэмпіёнаў 30 жніўня 2019 году ў матчы супраць «Вены Кэпіталз». Удала згуляў пачатковы сэзон у нямецкай лізе.
6 кастрычніка 2020 году гулец быў абраны камандай «Атава Сэнатарз» пад трэцім нумарам на драфце НХЛ 2020 году. 13 кастрычніка, працягваючы трэнавацца ў Нямеччыне з мангаймскім клюбам дзеля падрыхтоўкі да новага сэзону, Штуцле атрымаў пералом рукі, пасьля чаго яму спатрэбілася апэрацыя з часам аднаўленьня ў 6—8 тыдняў[4]. 27 сьнежня 2020 году немец склаў трохгадовы кантракт пачаткоўца з «Атавай Сэнатарз»[5]. Свой першы гол у НХЛ закінуў 16 студзеня 2021 году ў матчы супраць «Таронта Мэйпл Ліфс»[6]. 8 траўня зрабіў свой першы хет-трык у лізе ў матчы супраць «Вініпэг Джэтс», забясьпечыўшы перамогу клюбу зь лікам 4:2[7]. 7 верасьня 2022 году спартовец падпісаў новы васьмігадовы кантракт з «Сэнатарз» на 66,8 мільёнаў даляраў, што стала найбуйнейшым кантрактам у гісторыі франшызы[8].
Крыніцы
рэдагаваць- ^ а б Hockey Reference
- ^ «2022 CHL Import Draft — July 1st 11am ET». Canadian Hockey League.
- ^ «Adler verpflichten Tim Stützle». Adler Mannheim.
- ^ «Sens’ Stutzle to undergo hand surgery». TSN.
- ^ «Senators sign forward Tim Stuetzle to a three-year, entry-level contract». NHL.
- ^ «Thornton scores 1st goal for Toronto in win over Senators». AP News.
- ^ «Tim Stutzle has first NHL hat trick, Senators beat Jets 4-2». ESPN.
- ^ «Stutzle signs eight-year, $66.8 million contract with Senators». NHL.