Маладэчна (футбольны клюб)

	Маладэчна-2018
Поўная назва	Футбольны клюб «Маладэчна-2013»
Заснаваны	1989
Горад	Маладэчна, Беларусь
Стадыён	Гарадзкі; Умяшчальнасьць: 4800
Галоўны трэнэр	Аляксандар Храпкоўскі[d];
Чэмпіянат	Першая ліга
· 2023	11 месца
Хатнія колеры	Выязныя колеры
	Афіцыйны сайт

«Маладэчна-2018» — футбольны клюб зь Беларусі, з гораду Маладэчна. Свае хатнія матчы ладзіць на Гарадзкім стадыёне, які здольны зьмясьціць 4800 гледачоў. Таксама зрэдку клюб гуляе на Школьным стадыёне ў Чысьці.

Гісторыя

За польскім і савецкім часам

Футбол у горадзе зьявіўся падчас існаваньня міжваеннай Польшчы, калі быў сфармаваны клюб «ВКС Маладэчна». За савецкім часам клюб некалькі разоў закладваўся і спыняў сваё існаваньне, выступаючы пад назвамі «Дынама», «Маладэчна», «Спартак», «Нарач», «Чырвоны сьцяг», «Хваля», «Селена», «Мэталіст», «Праца» і «Станкабудаўнік».

Клюб быў у чарговы раз створаны ў 1989 годзе пад назвай «Мэталюрг» пры падтрымцы тагачаснага дырэктара Маладэчанскага заводу парашковай мэталюргіі Генадзя Карпенкі. «Мэталюрг» адразу выйшаў у наймацнейшы дывізыён чэмпіянату БССР, а ў 1991 годзе стаў апошнім пераможцам чэмпіянату і Кубка БССР.

Па здабыцьці незалежнасьці

У 1992—2003 гадах гуляў у найвышэйшай лізе чэмпіянату Беларусі (акрамя 2000 году). У клюбе пачыналі кар’еру такія гульцы, як Аляксандар Вяжэвіч, Уладзімер Карыцька, браты Ўладзімер і Міхаіл Макоўскія. У сярэдзіне 2000-х празь фінансавыя праблемы клюб апусьціўся да другой лігі, дзе стаў займаць месца ў канцы табліцы. У сэзонах 2009—2011 гадоў каманда паказвала добрыя вынікі, але не змагла атрымаць павышэньне. У 2011 клюб, які доўгі час быў вядомы пад назвай «Маладэчна», стаў менавацца «Забудова» — ад назвы спонсару. У 2012 праблемы зь фінансаваньнем прывялі да чарговага падзеньня ў ніжнюю частку табліцы. У 2013 годзе зноў зьмяніў назву на «Маладэчна-2013». У 2013 годзе ў клюбу зьявілася новая эмблема на беларускай мове^[1], пры гэтым ад самага пачатку стварэньня было заяўлена, што эмблема клюбу будзе толькі на беларускай мове, да таго ж на эмблеме будзе ўказаны год заснаваньня — 1949^[2].

«Маладэчна-ДЮСШ-4»

Пасьля сэзону 2014 году клюб спыніў існаваньне, а з 2015 году ў другую лігу заявілася іншая маладэчанская каманда «Маладэчна-ДЮСШ-4»^[3], якая фактычна ёсьць пераемніцай клюбу. У лютым 2015 году стала вядома, што «Маладэчна-ДЮСШ-4» будзе выступаць у другой лізе замест «Маладэчна-2013»^[4]. Новая каманда стала выступаць значна больш пасьпяхова і адразу ачоліла табліцу групы А, дзе ў выніку перамагла. У фінальным этапе «Маладэчна-ДЮСШ-4» саступіла асноўным канкурэнтам і ня здолела выйсьці ў першую лігу, заняўшы чацьвертае месца. Перад сэзонам 2016 году «Маладэчна-ДЮСШ-4» мела мажлівасьць заявіцца ў першую лігу замест спыніўшых існаваньне камандаў, але адмовілася і працягнула выступы ў другой лізе. У сэзоне 2016 годзк клюб доўгі час рухаўся на трэцім месцы, якое забясьпечвала выхад у першую лігу, але ў двух апошніх турах атрымала паразу ад сваіх асноўных канкурэнтаў — «Клецку» і «Нёману-Агра» — і скончыла сэзон на пятым месцы. У сэзоне 2017 году маладэчанскі клюб стаў супрацоўнічаць з Андрэем Іваненкам, які раней працаваў з такімі клубамі, як «Рагачоў-МК» і «Крумкачы». Дзякуючы Іваненку каманду папоўніў шэраг гульцоў з досьведам выступаў у найвышэйшай лізе, былі арганізаваныя замежныя перадсэзонныя зборы і іншае. Аднак, у чэмпіянаце «Маладэчна-ДЮСШ-4» ня здолела адолець асноўных канкурэнтаў і заняла выніковае шостае месца. Па заканчэньні сэзону стала вядома, што маладэчанскі клюб спыняе супрацоўніцтва з Іваненкам.

У сэзоне 2018 году дружына ў асноўным складалася з маладэчанскіх футбалістаў, да якіх дадалася невялікая колькасьць запрошаных гульцоў, сярод якіх быў дасьведчаны Алег Страхановіч. Доўгі час «Маладэчна-ДЮСШ-4» займала апошні радок, а першая перамога была здабытая толькі ў 13-м туры. Аднак, пазьнейшыя посьпехі дазволілі камандзе ўзьняцца ў сярэдзіну табліцы і скончыць сэзон на 9 радку з 15 дружанаў. У сэзоне 2019 году каманда стала называцца «Маладэчна». Захаваўшы лідэраў, маладэчанскі клюб умацаваўся шэрагам новых гульоў, у тым ліку з досьведам выступаў ў найвышэйшай лізе. Стаўшы адным з фаварытаў, маладэчанцы дзякуючы добра праведзенай другой палове сэзону стаў трэцім, што ў сувязі з спыненьнем існаваньня менскага «Тарпэда» давала права на выхад у першую лігу.

У пачатку 2020 году доўгі час заставалася адкрытым пытаньне аб удзеле «Маладэчна» ў першай лізе. У сувязі з тым, што права ўдзельнічаць у першай лізе таксама атрымаў і «Андэрдог» з Маладэчанскага раёну, у лютым зьявілася інфармацыя аб магчымым аб’яднаньні «Андэрдога» з «Маладэчнам», каб аб’яднаны клюб узяў удзел у першай лізе. Плянавалася, што бюджэт будзе фармавацца напалову з прыватнага капіталу ўласьнікаў «Андэрдога», аднак пазьней праз рознагалосьсяў «Андэрдог» увогуле зьняўся з роызыгрышаў беларускіх пяршынстваў, а «Маладэчна» заявілася ў другую лігу. Не зважаючы на дрэнны старт, «Маладэчна» зь цягам часам захапіла лідэрства ў сваёй групе і выйшла ў фінальны этап. У жніўні падчас пратэстаў у Беларусі быў знойдзены мёртвым фанат маладэчанскага клюбу Мікіта Крыўцоў^[5]. У фінальным этапе другой лігі маладэчанская каманда заняла трэцяе месца і атрымала права на пераходныя матчы супраць шацілавіцкага «Хіміка» за месца ў першай лізе на наступны сэзон, але саступіла (0:0, 0:4) і засталася ў другой лізе.

У пачатку сэзона 2021 году фан-рух адмовіўся падтрымліваць «Маладэчна», пакуль у краіне працягваюцца палітычныя судовыя справы, зьбіцьцё і забойства людей за ўласныя меркаваньні^[6]. Маладэчанскі клюб добра ўзмацніўся і здолеў перамагчы ў Менскім дывізіёне другой лігі, аднак у плэй-оф выбыў з далейшай барацьбы ўжо на стадыі 1/8 фіналу, саступіўшы па пэнальці менскаму БДУ (0:0, 0:0, пэн. 1:4). У студзені 2022 году ў выніку недахопу камандаў для першай лігі АБФФ прапанавала «Маладэчна» месца ў другім дывізіёне^[7]. У лютым 2022 году клуб падаў дакумэнты дзеля праходжаньня ліцэнзаваньня да ўдзелу ў першай лізе. «Маладэчна» стала серадняком турніру і завяршыла сэзон на 8 месцы з 13 клюбаў. Сэзон 2023 году «Маладэчна» таксама пераважна была ў сярэдзіне табліцы і фінішавала на 11-м месцы пры 17 удзельніках.

Папярэднія назвы

1989—1992: «Мэталюрг»
1993—2000: «Маладэчна»
2001—2003: «Маладэчна-2000»
2004—2010: «Маладэчна»
2011—2012: «Забудова»
2013—2014: «Маладэчна-2013»
2015—2018: «Маладэчна-ДЮСШ-4»
з 2019: «Маладэчна-2018»

Дасягненьні

БССР

Пераможца Кубка БССР: 1990, 1991
Пераможца Чэмпіянату БССР: 1991

Беларусь

Пераможца першай лігі чэмпіянату Беларусі: 2000
Найлепшае дасягненьне ў найвышэйшай лізе — 4 месца (1994—1995)
Паўфіналіст Кубка Беларусі: 1992, 1993—1994

Склад

Актуальны на 11 жніўня 2024 году

№	Пазыцыя	Імя	Год нараджэньня
1	Бр	Даніла Трацяк	2004
7	ПА	Глеб Гулецкі	2002
8	ПА	Кірыл Ганчарык	2004
10	ПА	Юры Казлоў (капітан)	1991
11	Нап	Уладзіслаў Фядосаў	1998
14	Аб	Ільля Коваль	1998
17	Аб	Артур Кац	1994
20	ПА	Абдулазіз Лавал	1992
21	ПА	Арцём Уласаў	2003
22	Аб	Герман Кутковіч	2002
23	Нап	Ігар Моніч	2000

№	Пазыцыя	Імя	Год нараджэньня
25	Бр	Раман Сьцяпанаў	1991
27	Аб	Сяргей Усеня	1988
44	Аб	Арцём Дылеўскі	1997
55	ПА	Ягор Імеракоў	2002
66	Аб	Сіна Абсамадаў	2000
70	ПА	Павал Цесьлюкевіч	1995
73	Нап	Ягор Нікіпаронак	2002
88	ПА	Дзьмітры Герман	1988
92	ПА	Багдан Куцы (ар. Шахцёр)	2003
97	Нап	Вадзім Фаставец	2002
99	Аб	Станіслаў Быліновіч	2004

Статыстыка

Чэмпіянат БССР

Сэзон	Ліга	Месца	Г	В	Н	П	РМ	Пкт
1989	Другая	1 ▲	22	15	4	3	53–19	34
1990	Першая	4	30	17	6	7	44–26	40
1991	Першая	1	28	17	7	4	68–24	41

Чэмпіянат і Кубак Беларусі

Сэзон	Ліга	Месца	Г	В	Н	П	РМ	Пкт	Кубак
1992	Першая	9	15	5	5	5	11–12	15	1/2
1992—1993	Першая	13	32	7	10	15	34–40	24	1/4
1993—1994	Першая	9	30	10	11	9	35–31	31	1/2
1994—1995	Першая	4	30	12	11	7	48–30	35	1/4
1995	Першая	5	15	8	1	6	33–19	25	1/4
1996	Першая	8	30	11	8	11	42–33	41	1/8
1997	Першая	13	30	7	9	14	28–44	30	1/4
1998	Найвышэйшая	14	28	4	4	20	21–51	16	1/4
1999	Найвышэйшая	16 ▼	30	2	5	23	21–71	11	1/8
2000	Першая	1 ▲	30	23	5	2	76–16	74	1/32
2001	Найвышэйшая	10	26	8	5	13	23–47	29	1/8
2002	Найвышэйшая	13	26	3	3	20	23–59	13	1/8
2003	Найвышэйшая	16 ▼	30	3	7	20	19–52	16	1/8
2004	Першая	13	30	9	4	17	27–54	31	1/16
2005	Другая	12	26	5	3	18	21–54	18	1/32
2006	Другая	16	32	5	5	22	33–71	20	1/32
2007	Другая	14	30	7	4	19	28–71	25	1/32
2008	Другая	8	30	11	10	9	55–43	43	1/32
2009	Другая	3	26	15	3	8	55–31	48	1/16
2010	Другая	4	34	17	6	11	69–52	57	1/16
2011	Другая	4	30	17	7	6	58–38	58	1/32
2012	Другая	15	36	12	2	22	45–86	38	1/32
2013	Другая	10	24	6	4	14	32–51	22	1/64
2014	Другая	16	24	10	1	13	47–46	31	1/32
2015	Другая	4	26	15	5	6	55–23	50	1/32
2016	Другая	5	24	13	4	7	60–22	43	1/32
2017	Другая	6	26	13	6	7	70–37	45	1/16
2018	Другая	9	28	8	7	13	46–64	31	1/32
2019	Другая	3	28	22	1	5	91–26	67	1/32
2020	Другая — група А	1	20	15	3	2	59–18	48	1/64
2020	Другая — за 1—6 месца	3	10	4	1	5	15–20		1/64
2021	Другая — Менскі (поўнач)	1	18	17	0	1	99–12	51	1/16
2021	Другая — плэй-оф	9—16 ▲	2	0	2	0	0–0		1/16
2022	Першая	8	24	7	8	9	30–45	29	1/16
2023	Першая	11	32	11	8	13	51–56	29	1/16

Галоўныя трэнэры

Крыніцы

^ Футбол. «Молодечно-2013» сменило эмблему
^ Новая эмблема клуба «Маладзечна» — толькі на беларускай мове!
^ «Молодечно-2013» будет ликвидировано (рас.)
^ Команда «Молодечно-ДЮСШ-4» заявилась во вторую лигу
^ Таямнічы сведка сцвярджае, што бачыў Мікіту Крыўцова жывым, але збітым. Сябры аднавілі апошнія дні хлопца (рас.) Наша Ніва Праверана 2021-02-28 г.
^ Фанаты белорусских футбольных клубов массово объявляют о бойкоте матчей (рас.) TUT.BY Праверана 2021-02-28 г. Архіўная копія ад 28 лютага 2021 г.
^ Первая лига собрана! Не БГУ, "Стэнлес" и "Бумпром", а "Осиповичи", "Малорита" и "Молодечно" (рас.) football.by Праверана 2022-03-07 г.
^ Дорохович возглавил «Молодечно-ДЮСШ-4» (рас.)
^ Вергеенко возглавит «Молодечно» (рас.)

Вонкавыя спасылкі

[1] Футбол. «Молодечно-2013» сменило эмблему

[2] Новая эмблема клуба «Маладзечна» — толькі на беларускай мове!

[3] «Молодечно-2013» будет ликвидировано (рас.)

[4] Команда «Молодечно-ДЮСШ-4» заявилась во вторую лигу

[5] Таямнічы сведка сцвярджае, што бачыў Мікіту Крыўцова жывым, але збітым. Сябры аднавілі апошнія дні хлопца (рас.) Наша Ніва Праверана 2021-02-28 г.

[6] Фанаты белорусских футбольных клубов массово объявляют о бойкоте матчей (рас.) TUT.BY Праверана 2021-02-28 г. Архіўная копія ад 28 лютага 2021 г.

[7] Первая лига собрана! Не БГУ, "Стэнлес" и "Бумпром", а "Осиповичи", "Малорита" и "Молодечно" (рас.) football.by Праверана 2022-03-07 г.

[8] Дорохович возглавил «Молодечно-ДЮСШ-4» (рас.)

[9] Вергеенко возглавит «Молодечно» (рас.)

[1]

[2]

[3]

[4]

[5]

[6]

[7]

[8]

[9]