Клецак (футбольны клюб)
«Клецак» — беларускі футбольны клюб з гораду Клецку. З 2014 году выступае ў Другой лізе чэмпіянату Беларусі.
| Клецак | |
 | |
| Заснаваны | 2014 |
|---|---|
| Горад | Клецак, Беларусь |
| Стадыён |
Гарадзкі Умяшчальнасьць: 1000 |
| Чэмпіянат | Другая ліга |
| · 2022 | 9 месца (Менскі дывізіён) |
Гісторыя рэдагаваць
У 1992—1994 клецкі клюб гуляў у Другой лізе пад назвамі «Хімік», «Вікторыя» і «Рада». Пазьней стаў браць удзел у чэмпіянаце Менскай вобласьці пад назвамі «Камунальнік» і «Дарожнік». У 2008 годзе ў Другую лігу быў заяўлены асобны клюб «Клечаск», у той час «Клецак» працягваў выступаць у абласным першынстве.
У 2014 годзе, ужо пасьля таго як «Клечаск» спыніў існаваньне, «Клецак» перайшоў у Другую лігу. Спачатку каманда камплектавалася пераважна мясцовымі футбалістамі. У сэзоне 2014 году «Клецак» заняў 14-е месца. У сэзоне 2015 году ў склад каманды было запрошана больш іншагародніх гульцоў, у выніку «Клецак» здолеў заняць трэцяе месца ў групе і выйсьці ў фінальны этап, дзе атрымаў шостае выніковае месца.
У 2016 годзе галоўным трэнэрам «Клецку» быў прызначаны Мікалай Бранфілаў, які раней ачольваў сталічнае «Тарпэда» і запрасіў у каманду шэраг былых тарпэдаўцаў. Каманда пасьпяхова пачала сэзон, але пазьней апусьцілася ў сярэдзіну турнірнай табліцы. Тым ня менш, пасьпяховы фініш, у тым ліку перамогі ў двух апошніх турах над беспасярэднымі канкурэнтамі, як то «Асіпавічамі» і «Маладэчна-ДЮСШ-4», дазволіў камандзе заняць выніковае трэцяе месца і атрымаць месца ў Першай лізе. У лютым 2017 году стала вядома, што «Клецак» адмовіўся ад выступу ў Першай лізе[1]. У сакавіку клюб пацьвердзіў свой удзел у Другой лізе ў сэзоне 2017 году[2]. «Клецак» пасьпяхова пачаў новы сэзон, апынуўшыся сярод лідэраў, пазьней доўгі час утрымліваў другі радок, аднак няўдалы фініш адкінуў каманду на чацьвертае месца.
У сэзоне 2018 году каманду ачоліў малады трэнэр Міхаіл Дземянцей. Большу частку сэзону каманда знаходзілася ўнізе турнірнай табліцы, пазьней вынікі сталі паляпшацца, аднак у выніку «Клецак» завяршыў турнір на 12-м радку. У сэзоне 2019 году «Клецак» ужо быў адным з аўтсайдэраў, праз каманду прайшло шмат гульцоў, большасьць зь якіх не затрымлівалася. Некалькі разоў «Клецак» меў намер зьняцца з чэмпіянату, аднак у выніку дагуляў да фінішу, дзе стаў 14-м пры 15 удзельніках.
У пачатку 2020 году «Клецак» адмовіўся ад удзелу ў Другой лізе, правёў сэзон у чэмпіянаце Менскай вобласьці, дзе стаў пераможцам. У 2021 годзе ў выніку аб’яднаньня Другой лігі з чэмпіянатамі абласьцей «Клецак» зноў далучыўся да Другой лігі.
Статыстыка рэдагаваць
Чэмпіянат і Кубак Беларусі рэдагаваць
| Сэзон | Ліга | Месца | Г | В | Н | П | РМ | Пкт | Кубак |
|---|---|---|---|---|---|---|---|---|---|
| 2014 | Другая — Б | 7 | 22 | 8 | 4 | 10 | 36–56 | 28 | 1/128 |
| Другая — за 13 месца | 14 | 2 | 1 | 0 | 1 | 4–8 | |||
| 2015 | Другая — Б | 3 | 18 | 12 | 2 | 4 | 45–21 | 38 | 1/64 |
| Другая — фінальны этап | 6 | 14 | 5 | 2 | 7 | 14–19 | 17 | ||
| 2016 | Другая | 3  |
24 | 13 | 6 | 5 | 68–34 | 45 | 1/32 |
| 2017 | Другая | 4 | 26 | 16 | 3 | 7 | 74–37 | 51 | 1/64 |
| 2018 | Другая | 12 | 28 | 9 | 4 | 15 | 37–54 | 31 | 1/16 |
| 2019 | Другая | 14 | 28 | 4 | 7 | 17 | 34–92 | 19 | 1/16 |
| 2021 | Другая — Менскі (поўдзень) | 5 | 20 | 10 | 4 | 6 | 36–51 | 34 | 1/64 |
| Другая — за 9 месца | 10 | 1 | 0 | 0 | 1 | 4–11 | |||
| 2022 | Другая — Менскі (поўдзень) | 5 | 14 | 5 | 3 | 6 | 30–35 | 18 | 1/128 |
| Другая — за 9 месца | 9 | 2 | 1 | 0 | 1 | 4–4 | |||
| 2023 | Другая — Менскі (поўдзень) | 1/128 |
Галоўныя трэнэры рэдагаваць
- Яўген Лінёў (да 2015 году)
- Мікалай Бранфілаў (2016)
- Дзьмітры Калечыц (2017)[3]
- Міхаіл Дземянцей (красавік 2018 — травень 2019)
- Аляксей Гурко (травень — сьнежань 2019)
- Дзьмітры Буйвіла (з 2021 году)