28 траўня

28 тра́ўня — 149-ы дзень году (148-ы ў невысакосным годзе) паводле Грыгарыянскага календару. Да канца году застаецца 218 дзён.

Падзеі

• 1431 — запалоненая Жанна д’Арк пагадзілася насіць жаночую сукенку
• 1570 — кароль і вялікі князь Жыгімонт Аўгуст надаў Лагішыну Магдэбурскае права
• 1625 — кароль і вялікі князь Жыгімонт Ваза надаў Дарагабужу (Смаленшчына) Магдэбурскае права і герб Дарагабужу
• 1742 — у Лёндане прыняў наведвальнікаў першы ў сьвеце крыты плавальны басэйн. Даўжыня яго складала каля 13 м. Вада час ад часу зьмянялася, і тэмпэратура яе была сталай
• 1863 — Нацыянальна-вызвольнае паўстаньне: у баі пад Уладыкамі загінуў Вінцэнт Козел, адзін з кіраўнікоў выступленьня
• 1871 — пасьля тыдня крывавых баёў разгромлена Парыская камуна
• 1918 — абвяшчэньне незалежнасьці Армэніі і Азэрбайджану
• 1904 — прэм’ера клясычнае вэрсіі опэры «Мадам Батэрфляй» з украінскай сьпявачкай Соф’яй Крушальніцкай у галоўнай ролі
• 1928 — аб’яднаньне аўтамабільных канцэрнаў «Крайсьлер» і «Додж»
• 1936 — ангельскі матэматык Элан Т’юрынг апублікаваў канцэпцыю абстрактнае вылічальнае машыны
• 1961 — утварэньне міжнароднае праваабарончае арганізацыі «Міжнародная амністыя»
• 1985 — «Дынама» (Кіеў) забіла свой 2000-ы гол у чэмпіянатах СССР
• 1987 — 19-гадовы заходненямецкі пілёт Маціяс Руст саджае прыватны самалёт «Сэсна-173П» на Чырвонай плошчы ў Маскве

Нараджэньні

• 1779 — Томас Мур, ірляндзкі паэт
• 1795 — Ламбэрт Хічкок, амэрыканскі бізнэсмэн, стваральнік першай у сьвеце мэблевай фабрыкі
• 1836 — Ян Карловіч, лінгвіст, этнограф, фальклярыст, музыказнаўца
• 1877 — Оскар Мілаш, францускі паэт беларускага паходжаньня
• 1881 — Іван Луцкевіч, пачынальнік беларускага нацыянальнага руху, беларускі археоляг
• 1908 — Ян Флемінг, брытанскі пісьменьнік
• 1915 — Ёзэф Грынбэрг, амэрыканскі лінгвіст
• 1918 — Кастусь Маскалік, беларускі сьвятар
• 1924 — Леанід Побаль, беларускі археоляг
• 1942 — Стэнлі Прузінэр, амэрыканскі нобэлеўскі ляўрэат беларускага паходжаньня
• 1960 — Алесь Аркуш, беларускі пісьменьнік
• 1968 — Кайлі Міноўг, аўстралійская сьпявачка й акторка
• 1982 — Міхал Зых, польскі фігурыст

Сьмерці

• 1357 — Афансу IV, кароль Партугаліі
• 1549 — Аляксандар Хадкевіч, дзяржаўны дзеяч Вялікага Княства Літоўскага
• 1805 — Люіджы Бакерыні, італьянскі кампазытар
• 1863 — Вікенці Козел, адзін з кіраўнікоў паўстаньня 1863—1864 гг загінуў у баі каля вёскі Ўладыкі (цяпер Вялейскі раён)
• 1916 — Іван Франко, украінскі пісьменьнік
• 1968 — Томас Оліў Мэбат, амэрыканскі прафэсар і дасьледчык літаратуры, шырока вядомы сваімі дасьледаваньнямі па Эдгару Алану По
• 2001 — Мікалай Яроменка-малодшы, беларуска-расейскі актор
• 2018 — Арсень Ліс, беларускі фальклярыст, літаратуразнаўца, літаратар. Доктар філялягічных навук

Сьвяты

• Армэнія — Дзень незалежнасьці
• Азэрбайджан — Дзень рэспублікі
• Беларусь — Дзень памежніка

Прыметы

• Пахом (Пахвінай Бокагрэй, Пахомій Цёплы) — «Сьвяты Пахом павее цяплом». Калі на Пахома цеплыня — усё лета цёплае. З Пахомія ўсталёўваецца цалкам летняе надвор’е. З Пахомія сеюць позьнія авёс і пшаніцу. На Пахома сеюць ячмень. Прападобны Пахом Вялікі — заснавальнік манаства ў Эгіпце (IV стагодзьдзе)

28 траўня — сховішча мультымэдыйных матэрыялаў