5 траўня

5 тра́ўня — 125-ы дзень году (126-ы ў высакосным годзе) паводле Грыгарыянскага календару. Да канца году застаецца 240 дзён.

Падзеі

• 1543 — шлюб вялікага князя Жыгімонта Аўгуста з Альжбетай Габсбург
• 1581 — у Астрозе (Валынь) друкар Іван Фёдараў выдаў першы рускі каляндар
• 1836 — у Бэльгіі запрацавала першая ў Эўропе чыгунка
• 1921 — Како Шанэль прэзэнтавала парфуму Chanel No. 5
• 1933 — савецкія ўлады стварылі «Палітычную камісію для перагляду расейска-беларускага слоўніка і новых правілаў правапісу беларускай мовы»
• 1945 — Другая сусьветная вайна: завяршылася вызваленьне з-пад нацысцкае акупацыі Нідэрляндаў і Даніі
• 1949 — дзесяць эўрапейскіх краінаў падпісалі Лёнданскую дамову аб утварэньні Рады Эўропы
• 1951 — у Вялікабрытаніі адбылася прэзэнтацыя першага кампутара, створанага адмыслова для гульняў
• 1978 — адкрыўся Гарадзенскі дзяржаўны ўнівэрсытэт імя Янкі Купалы
• 1992 — пачатак грамадзянскай вайны ў Таджыкістане
• 2012 — у Менску ўпершыню адбыліся міжнародныя майстар-клясы пад кіраўніцтвам Сокэ Кубота Такаюкі

Нараджэньні

• 1747 — Леапольд II, кароль Нямеччыны, імпэратар Сьвятой Рымскай Імпэрыі
• 1818 — Карл Маркс, нямецкі філёзаф і эканаміст
• 1819 — Станіслаў Манюшка, беларускі кампазытар
• 1831 — Уладзіслаў Борзабагаты, паўстанцкі камісар Наваградзкага павету ў 1863 годзе, удзельнік Парыскай Камуны, мэмуарыст
• 1846 — Генрык Сянкевіч, польскі пісьменьнік
• 1921 — Рыгор Булацкі, беларускі пэдагог, гісторык, журналіст
• 1934 — Аляксей Гардзіцкі, беларускі літаратуразнаўца
• 1936 — Васіль Цімафеевіч Якавенка, беларускі пісьменьнік
• 1937  — Мікалай Карцель, беларускі генэтык-вынаходнік трансгеннай бульбы
• 1941 — Уладзімер Ярэц, беларускі матацыкліст, вандроўца
• 1945 — Казімер Велікаселец, дапаможны біскуп Пінскае дыяцэзіі
• 1952 — Вілем Вітэвээн, нідэрляндзкі палітык
• 1960 — Юры Беленькі, беларускі палітык
• 1966 — Сяргей Станішаў, баўгарскі палітык, журналіст і гісторык, зьяўляецца кіраўніком Баўгарскай Сацыялістычнай партыі, прэм’ер-міністар Баўгарыі
• 1971 — Брэд Фрыдэль, амэрыканскі футбольны гулец, які зараз прадстаўляе клюб ангельскае Прэм’ер Лігі Астан Вілу
• 1988 — Адэль, ангельская поп-соўл і джазавая сьпявачка

Сьмерці

• 1821 — Напалеон I Банапарт, генэрал францускай рэвалюцыйнай арміі, першы консул Першай Францускай Рэспублікі імпэратар Французаў
• 2007 — Тэадор Мэйман, амэрыканскі фізык, стваральнік першай практычнай мадэлі лязэра
• 2016 — Аляксандар Талерчык, беларускі краязнавец, гісторык, пэдагог, мэцэнат

Сьвяты

• Дзень Эўропы
• Мэксыка: 5 траўня
• Беларусь: Дзень друку

5 траўня — сховішча мультымэдыйных матэрыялаў