24 сакавіка

24 сакавіка́ — 83-і дзень году (84-ы ў высакосным годзе) паводле Грыгарыянскага календару. Да канца году застаецца 282 дні.

Падзеі

• 1603 — Такугава Іеясу зрабіўся першым сёгунам Японіі
• 1623 — кароль і вялікі князь Жыгімонт Ваза надаў Рославу Магдэбурскае права і герб
• 1794 — Тадэвуш Касьцюшка прысягнуў на вернасьць вызвольнаму паўстаньню і абвясьціў, што будзе змагацца за непарушнасьць межаў Рэчы Паспалітае, усталяваньне ўлады народу і ўсеагульную свабоду
• 1882 — Робэрт Кох абвесьціў адкрыцьцё бактэрыі сухотаў
• 1919 — у Гомелі распачалося антыбальшавіцкае паўстаньне
• 1923 — Землятрус сілай 7,3 у Кітайскай Народнай Рэспубліцы, загінула каля 5.000 чалавек
• 1976 — Вайсковы пераварот у Аргентыне. Пачатак «Бруднай вайны»
• 1994 — усталяваньне памятнай дошкі Кастусю Каліноўскаму ў Вільні
• 1999 — Косаўскі канфлікт: пачатак бомбавых удараў НАТА па Югаславіі
• 2006 — Ліквідацыя намётавага гарадку пратэстуючых супраць вынікаў выбараў, пад час якога затрымана 460 чалавек

Нараджэньні

• 1441 — Эрнэст Саксонскі, курфюрст Саксоніі, герцаг Саксоніі, ляндграф Цюрынгіі і маркграф Мэйсэна
• 1494 — Георг Агрыкала, нямецкі навуковец, які лічыцца адным з бацькоў мінэралёгіі
• 1756 — Франчэска Лебрэн, нямецкая сьпявачка (сапрана), піяністка і кампазытар
• 1808 — Марыя Малібран, француская сьпявачка гішпанскага паходжаньня (калярутарнае мэцца-сапрана), легенда сусьветнага опэрнага мастацтва
• 1809 — Жазэф Ліўвіль, францускі матэматык
• 1834 — Ўільям Морыс, ангельскі паэт, сацыяліст
• 1837 — Філіп Бэльгійскі (граф Фляндрыі)
• 1903 — Ігар Абрамаў-Неверлі, польскі пісьменьнік і пэдагог
• 1908 — Аляксей Глебаў, беларускі скульптар
• 1924 — Сара Воан, афраамэрыканская джазавая сьпявачка, адна з найбольш выбітных у XX ст.
• 1926 — Дарыё Фо, італьянскі драматург, рэжысэр, тэарэтык сцэнічнага майстэрства, жывапісец
• 1945 — Аляксандар Козыр, беларускі палітык і дыплямат
• 1948 — Ежы Кукучка, вядомы польскі альпініст, другім пасьля Райнхольда Мэснэра скарыў усе 14 васьмітысячнікаў плянэты
• 1949 — Нік Лоу, брытанскі сьпявак
• 1956 — Стыў Балмэр, CEO і прэзыдэнт карпарацыі «Microsoft»
• 1963 — Тону Трубяцкі, эстонскі панк-рок-музыка, рэжысэр, анархіст-індывідуаліст
• 1981:
  • Моніка Ёццы, акторка з Бразыліі
  • Павал Лыжын, беларускі лёгкаатлет (штурханьне ядра)
• 1986 — Натальля Дыл, акторка з Бразыліі
• 1987 — Рамірэс, бразыльскі футбаліст, паўабаронца клюбу Палмэйрас і нацыянальнай зборнай Бразыліі
• 1988 — Жан-Гіём Бэатрыкс, францускі біятляніст, бронзавы прызэр Алімпійскіх гульняў 2014 году ў гонцы перасьледу, чатырохразовы срэбны прызэр чэмпіянатаў сьвету ў эстафэце
• 1989 — Азіз Шавэршан, аўстралійская інтэрнэт-знакамітасьць, пэрсанальны трэнэр, мадэль і стрыптызэр, які стаў культам пасьля разьмяшчэньня некалькіх відэа пра сябе на YouTube
• 1993 — Дыега Ралян, уругвайскі футбаліст, нападнік, гулец нацыянальнай зборнай Уругваю

Сьмерці

• 1455 — Мікалай V, рымскі папа
• 1644 — Цэцылія Рэната Габсбург, каралева польская й вялікая княгіня літоўская, жонка Ўладзіслава Вазы
• 1713 — Казімеж Людвік Бялінскі, маршалак вялікі каронны, падкаморы надворны каронны, маршалак сойму, дыплямат
• 1905 — Жуль Вэрн, францускі пісьменьнік-фантаст
• 1980 — Пятрусь Броўка, беларускі грамадзкі дзеяч, пісьменьнік, паэт і перакладчык

Сьвяты

• Сусьветны дзень барацьбы з сухотамі

24 сакавіка — сховішча мультымэдыйных матэрыялаў