Голя
вёска ў Камянецкім раёне Берасьцейскай вобласьці Беларусі
(Перанакіравана з «Пагранічная (вёска)»)
Го́ля[1] (з 1964[2] году — Паграні́чная[3]) — вёска ў Камянецкім раёне Берасьцейскай вобласьці. Голя ўваходзіць у склад Расьнянскага сельсавету. Да 1964 году вёска мела назву Голя. Полаўцы — першапачатковая назва паселішча.
Голя | |
трансьліт. Holia | |
Краіна: | Беларусь |
Вобласьць: | Берасьцейская |
Раён: | Камянецкі |
Сельсавет: | Расьнянскі |
Насельніцтва: | 453 чал. (2010) |
Часавы пас: | UTC+3 |
Тэлефонны код: | +375 1631 |
Паштовы індэкс: | 225071 |
СААТА: | 1240870056 |
Нумарны знак: | 1 |
Геаграфічныя каардынаты: | 52°27′11″ пн. ш. 23°22′13″ у. д. / 52.45306° пн. ш. 23.37028° у. д.Каардынаты: 52°27′11″ пн. ш. 23°22′13″ у. д. / 52.45306° пн. ш. 23.37028° у. д. |
± Голя | |
Галерэя здымкаў у Вікісховішчы |
Гісторыя
рэдагаваць- 1512: у пісьмовых крыніцах згадваецца Палавецкі дзясятак. Дзясятак — самая дробная адміністрацыйна-тэрытарыяльная адзінка ў Вялікім Княстве Літоўскім.
- 1515: у лісьце берасьцейскага старосты Аляксандра Хадкевіча да мілейчыцкага намесьніка згадваецца Палавецкая царква. Дакумэнт засьведчыў вызваленьне кірмашоў, якія ладзіліся пры парафіяльнай царкве на дзень Міхала Арханёла і іншыя сьвяты, ад усялякіх збораў.
- 1566: паселішча згадваецца ў рэвізіі Берасьцейскага староства пад назвай Полаўцы. Населены пункт уваходзіў у склад Палавецкага войтаўства. Жыхары вёскі належалі да катэгорыі дзяржаўных (вялікакняскіх) сялянаў.
- XVII ст.: населены пункт вядомы ў пісьмовых крыніцах пад састаўной назвай Голя-Полаўцы.
- Пач. XVIIІ ст.: за вёскай замацоўваецца назва Голя.
- 1810: узьведзены новы драўляны будынак уніяцкай царквы Міхала Арханёла. Побач з царквой месьцілася драўляная званіца. Пляцоўка вакол храму была абгароджаная каменным мурам. Каля царквы знаходзілася каменная крапільніца. Уніяцкая парафія, акрамя Голі, ахоплівала вёскі Пясчатка, Сухадол, Хлявішча, Церахі (не існуе, выселена па прычыне абсталяваньня савецка-польскай дзяржаўнай мяжы пасьля Другой сусьветнай вайны), Сухары (зьлілася з Ставішчамі), Ставішча, Волька Церахоўская (Палавецкая). Апошнія два населеныя пункты зараз знаходзяцца ў складзе Польшчы.
- 2-я палова XIX ст.: вёска ў Палавецкай воласьці Берасьцейскага павету Гарадзенскай губэрні Расейскай імпэрыі.
- 1921: у выніку польска-савецкай вайны па Рыскай мірнай дамове ў складзе Польшчы, вёска ў Палавецкай гміне Берасьцейскага павету Палескага ваяводзтва.
- 1928: Палавецкая гміна скасаваная: вёска Голя перададзена ў склад Вярховіцкай гміны.
- 1939: у выніку пакту Молатава — Рыбэнтропа ў складзе Берасьцейскай вобласьці БССР.
- 1940: у Галянскім сельсавеце Кляшчэльскага раёну Берасьцейскай вобласьці.
- 1941—1945: цягам Другой сусьветнай вайны на франтах загінулі 4 жыхары вёскі.
- 1945—1948: паселішча знаходзілася ў складзе Польшчы. Вёска Голя вернута БССР у выніку ўдакладненьня савецка-польскай дзяржаўнай граніцы.
- 1954: вёска ў складзе Расьнянскага сельсавету.
- Пач. 1960-х гг.: царква Міхала Арханёла была разбурана камуністычнымі ўладамі. Цяпер вернікі наведваюць Варварынскую царкву ў суседняй в. Сухадол.
- 1962: у Камянецкім раёне.
- 1964: населены пункт пераназваны ў Пагранічную.
Насельніцтва
рэдагаваць- 1999 год — 501 чалавек
- 2010 год — 453 чалавекі
Асобы
рэдагаваць- Міхась Белямук (1924—2014) — беларускі грамадзкі дзяяч, гісторык, рэдактар і выдавец часопісу «Полацак».
Крыніцы
рэдагаваць- ^ Рапановіч, Я. Н. Слоўнік назваў населеных пунктаў Брэсцкай вобласці / Рэд. П. П. Шуба. — Мн.: Навука і тэхніка, 1980. — 176 с. С. 96
- ^ Краткий топонимический словарь Белоруссии / В.А. Жучкевич. — Мн.: Изд-во БГУ, 1974. — 448 с.
- ^ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 174