Залаты Купідон

«Залаты́ Купідо́н» — літаратурная прэмія рэспубліканскага конкурсу «Лепшая кніга году», якая ўручалася ў 2006—2013 гадах на Дні беларускага пісьменства.

«Залаты Купідон»
Арганізатар	Саюз пісьменьнікаў Беларусі
Правядзеньне	Дзень беларускага пісьменства
Краіна	Беларусь
Узнагарода	бронзавая статуэтка
Першае прысуджэньне	2006
Апошняе прысуджэньне	2013
Бягучы ўладальнік	Алесь Савіцкі (проза)
Нацыянальная літаратурная прэмія →

У 2006 годзе Савет міністраў Рэспублікі Беларусь зацьвердзіў літаратурную прэмію. Заснавальнікамі конкурсу сталі Міністэрства адукацыі Беларусі, Міністэрства інфармацыі Беларусі і Міністэрства культуры Беларусі, а таксама Саюз пісьменьнікаў Беларусі (СПБ) і Менскі гарадзкі выканаўчы камітэт. 2 верасьня 2007 году адбылося першае ўзнагароджаньне на 14-м Дні беларускага пісьменства, які праходзіў у Шклове (Магілёўская вобласьць). У Палажэньні конкурсу згадваліся прэміі за прозу, паэзію, драматургію, дзіцячую літаратуру і крытыку. Творы праходзілі экспэртную ацэнку профільнай сэкцыі СПБ. Пераможцы атрымлівалі бронзавую статуэтку «Залаты Купідон», дыплём і грашовую ўзнагароду ў памеры 15 базавых велічыняў. За 2-е і 3-е месца давалі па 10 і 5 базавых велічыняў адпаведна. Заснаваць прэмію прапанаваў старшыня СПБ Мікалай Чаргінец. Статуэтку выканалі паводле эскізу скульптара Ўладзімера Жбанава, які ўвасобіў яе ў выглядзе Купідона. Статуэтка мела вышыню 30 см і вагу каля 4 кг.

Ляўрэаты

2006

• Уладзімер Гніламёдаў (проза)
• Віктар Шніп (паэзія)
• Іван Муравейка (дзіцячая літаратура)
• Алесь Марціновіч (крытыка і літаратуразнаўства)

2007

• Раіса Баравікова (паэзія)
• Уладзімер Гаўрыловіч (проза)
• Анатоль Дзялендзік (драматургія)
• Віктар Гардзей (крытыка і літаратуразнаўства)
• Уладзімер Ліпскі (дзіцячая літаратура)
• Уладзімер Вялічка, Алесь Марціновіч і Васіль Шырко (публіцыстыка)
• Іван Чарота (пераклад)
• Анатоль Зэкаў (сатыра і гумар)
• Сяргей Трахімёнак (дэтэктыў)
• Уладзімер Карызна (песенны жанр)

2008

• Валянціна Паліканіна (паэзія)
• Іван Канановіч (проза)
• Натальля Марчук (драматургія)
• Уладзімер Мазго (дзіцячая літаратура)
• Алесь Карлюкевіч (крытыка і літаратуразнаўства)
• Алесь Бадак (публіцыстыка)
• Натальля Голубева (краязнаўства)
• Мікола Шабовіч (сатыра і гумар)
• Андрэй Скарынкін (песенны жанр)

2009

• Аляксандар Сакалоў (проза)
• Рыгор Сакалоўскі (паэзія)
• Ірына Масьляніцына (драматургія)
• Мікола Чарняўскі (дзіцячая літаратура)
• Анатоль Мясьнікоў (крытыка і літаратуразнаўства)
• Васіль Шырко (публіцыстыка)
• Міхась Сьліва (сатыра і гумар)
• Людміла Кебіч (песенны жанр)

2010

• Віктар Праўдзін (проза)
• Мікола Мятліцкі (паэзія)
• Алена Папова (драматургія)
• Алена Масла (дзіцячая літаратура)
• Тацяна Шамякіна (крытыка і літаратуразнаўства)
• Уладзімер Саўліч (публіцыстыка)
• Казімер Камейша (краязнаўства)
• Валеры Грышкавец (пераклад)
• Канстанцін Нілаў (песенны жанр)

2011

• Мікалай Ільлінскі (проза)
• Алег Салтук (паэзія)
• Фёдар Палачанін (драматургія)
• Мікола Маляўка (дзіцячая літаратура)
• Зіновій Прыгодзіч (крытыка і літаратуразнаўства)
• Анатоль Статкевіч-Чабаганаў (краязнаўства)
• Уладзімер Скарынкін (пераклад)
• Юлія Зарэцкая (сатыра і гумар)
• Іван Юркін (песенны жанр)

2012

• Васіль Макарэвіч (паэзія)
• Андрэй Карэлін (драматургія)
• Яўген Хвалей (дзіцячая літаратура)
• Іван Саверчанка (крытыка і літаратуразнаўства)
• Мікола Мікуліч (публіцыстыка)
• Мікалай Барысенка (краязнаўства)
• Ірына Качаткова (пераклад)
• Барыс Кавалерчык (сатыра і гумар)
• Іван Юркін (песенны жанр)

У намінацыі «проза» пераможца ня выяўлены.

2013

• Аляксандар Быкаў (паэзія)
• Алесь Савіцкі (проза)
• Тацяна Сівец (дзіцячая літаратура)
• Яўген Гарадніцкі (крытыка і літаратуразнаўства)
• Уладзімер Навумовіч (публіцыстыка)
• Аляксандар Валковіч (краязнаўства)
• Андрэй Цяўлоўскі (пераклад)
• Анатоль Андрэеў (прыгодніцкая літаратура)
• Іван Цітавец (песенны жанр)