А1 (тэлекам-правайдэр)

Правайдэр тэлекамунікацыйных, ІКТ і кантэнт-паслуг у Беларусі

Унітарнае прадпрыемства «А1» (А1, да 12 жніўня 2019 — velcom) — прыватны правайдэр тэлекамунікацыйных, ІКТ і кантэнт-паслуг у Беларусі[2]. Прадастаўляе паслугі сувязі стандарту GSM 900/1800, UMTS (WCDMA/HSDPA/HSUPA/HSPA+) і 4G (празь сетку beCloud), другі паводле колькасьці абанэнтаў апэратар сотавай сувязі ў Беларусі[3]. Таксама А1 прадастаўляе паслугі доступу ў інтэрнэт па стандартах ADSL, Ethernet і GPON ва ўсіх абласных цэнтрах Беларусі, у Бабруйску, Жлобіне, Рэчыцы, Сьветлагорску, Наваполацаке і Добрушы, а таксама лічбавага тэлебачаньня IPTV пад брэндам VOKA.

Унітарнае прадпрыемства «А1»
A1 Logo Red.jpg
Тып унітарнае прадпрыемства
Заснаваная 30 ліпеня 1998 г. (камэрцыйная дзейнасьць — 16 красавіка 1999 г.)
Заснавальнікі «Самаві Бразэрз Тэлеком» (Кіпр)
Краіна Беларусь
Разьмяшчэньне Менск, вул. Інтэрнацыянальная, д. 36
Ключавыя фігуры Гэльмут Дуз (генеральны дырэктар)
Галіна сувязь
Прадукцыя Паслугі мабільнай і фіксаванай сувязі, анлайн-тэлебачаньне, выраб забаўляльнага кантэнту, паслугі ICT
Абарачэньне Green Arrow Up Darker.svg 426,1 млн (2019)[1]
Апэрацыйны прыбытак Green Arrow Up Darker.svg 190,9 млн (2019)[1]
Лік супрацоўнікаў ~3000 чал. (2019)
Матчына кампанія «A1 Telekom Austria Group» (Вена)

ГісторыяРэдагаваць

 
Лягатып кампаніі з 1999 па 2008 год

У ліпені 1998 году адбылося заснаваньне сумеснага беларуска-кіпрскага таварыства з абмежаванай адказнасьцю «Мабільная лічбавая сувязь», што атрымала дазвол на праектаваньне, будаўніцтва і выкарыстаньне агульнакраёвай сеткі сотавай сувязі стандарту GSM-900, а таксама на наданьне паслугаў сувязі стандарту GSM. Кампанія пачала ажыцьцяўляць камэрцыйную дзейнасьць па прадстаўленьні паслуг і тавараў мабільнай сувязі 16 красавіка 1999 году і стала першым сотавым апэратарам стандарту GSM у Беларусі (першы сотавы апэратар — NMT-апэратар «БелСел»).

Да старту камэрцыйнай эксплюатацыі былі запушчаныя 10 базавых станцыяў (9 у Менску, 1 — у Арэшніках па дарозе на Нацыянальны аэрапорт «Менск»). Да лета 2000 году да сеткі А1 былі падключаныя ўсе абласныя гарады Беларусі. Мабільная сувязь зьявілася на трасе Менск — Берасьце — Ворша і ў найбліжэйшых населеных пунктах. З 23 красавіка 2007 году мабільная сувязь А1 стала даступная ўсяму гарадзкому насельніцтву Беларусі. У красавіку 2019 апэратар запусьціў першую GSM-сетку на тэрыторыі Палескага дзяржаўнага радыяцыйна-экалягічнага запаведніка[4].

З 15 сакавіка 2001 году абанэнты А1 атрымалі магчымасьць адпраўляць і прымаць SMS[5], у чэрвені 2005 году — MMS.

2 чэрвеня 2003 году апэратар запусьціў паслугу GPRS. У сьнежні 2005 году ў трох абласьцёх Беларусі стала даступная тэхналёгія EDGE.[6]

19 траўня 2004 году стаў першым сотавым апэратарам, што займеў беларускамоўную вэрсію сайту[7][8].

30 сакавіка 2006 году кампанія А1 першай у Беларусі распачала тэставую эксплюатацыю сувязі трэцяга пакаленьня. 3G-сетка была разгорнута за 27 дзён. Камэрцыйны запуск сеткі 3G у Менску і Гомлі адбыўся 17 сакавіка 2010 г[9]. У лютым 2016-га А1 першым у Беларусі запусьціў 3G-сетку ў дыяпазоне 900 МГц, а ў траўні 2019 палепшыў прапускную здольнасьць 3G-сеткі, першым аснасьціўшы базавыя станцыі чацьвертай апорнай радыёчастатой у дыяпазоне 2100 МГц.[10]

 
Лягатып кампаніі «Вэлком» у 2008—2019 гадах

Зь лістапада 2007 году кампанія ўвайшла ў склад A1 Telekom Austria Group у выніку набыцьця спачатку 70% (лістапад 2007 г.), а потым астатніх 30% (кастрычнік 2010 году) акцыяў. Зь чэрвеня 2019 абанэнты A1 могуць карыстацца інтэрнэтам па дамашняй цане ў сетках апэратараў A1 Telekom Austria Group.[11]

У траўні 2008 году кампанія правяла рэбрэндынг, зьмяніўшы лагатып і назву на УП «Вэлком»[12].

У траўні 2009 году кампанія падпісала эксклюзіўны дагавор з ТАА СП «БелСел» аб прадстаўленьні паслуг шырокапалоснага доступу ў інтэрнэт на аснове тэхналёгіі CDMA2000 (EV-DO Rev.A). Паслугі прадастаўляліся да траўня 2013 году[13].

У 2014 годзе запушчанае лічбавае тэлебачаньне VOKA, распачатае будаўніцтва ўласнага дата-цэнтру кампаніі, адкрытая афіцыйная інтэрнэт-крама. У траўні 2020 году кампанія пашырыла каналы анлайн-продажаў і адчыніла першую віртуальную краму[14].

Да 2017 году А1 ператвараецца ў буйнога гульца на рынку фіксаванай сувязі Беларусі шляхам набыцьця шэрагу інтэрнэт-правайдэраў. У гэтым жа годзе кампанія А1 стала першым мабільным апэратарам у сьвеце, які запусьціў у камэрцыйную эксплюатацыю цалкам віртуальнае ядро мабільнай сеткі.

У 2017 годзе А1 атрымаў дазвол на камэрцыйны запуск першай у Беларусі вузкапалоснай сеткі NB-IoT[15], прызначанай для «інтэрнэту рэчаў». На 2019 год гэта тэхналёгія запушчаная ў Менску і ва ўсіх абласных гарадах Беларусі.

У красавіку 2018 году абанэнтам А1 сталі даступныя званкі па Wi-Fi з выкарыстаньнем тэхналёгіі VoWiFi (Voice over Wi-Fi, альбо Wi-Fi Calling)[16]. Улетку таго ж году А1 у партнэрстве з ЗАТ «Банк Рашэньне» і міжнароднай плацежнай сыстэмай Visa запусьціў віртуальную картку з кэшбэкам A1 banking для аплаты шырокага спэктру паслуг.

21 сакавіка 2019 году А1 пачаў прадастаўляць паслугі перадачы зьвестак па тэхналёгіі 4G[17]. Да канца 2019 году 4G-сетка стала даступна абанэнтам А1 ва ўсіх буйных гарадах у дыяпазоне радыёчастасьцяў 1800 МГц. У сьнежні 2019 году кампанія абьвясьціла аб стратэгічным партнэрстве з інфраструктурным апэратарам beCloud па разьвіцьці мабільнай сувязі стандарту 4G у Беларусі, якое разьлічана на 3 гады[18]. Пачынаючы з 2020 году А1 прадаставіць сваю інфраструктуру пад базавыя станцыі, а таксама тарнспартную сетку на аснове гібрыдных, радыёрэлейных і оптвалаконных ліній сувязі, каб 4G-сетка ў частотным дыяпазоне 800 МГц стала даступная ў сельскай мясцовасьці.

8 красавіка 2019 году кампанія аб’явіла аб пачатку рэбрэндынгу. У пераходны пэрыяд да жніўня ў камунікацыях выкарыстоўваўся дуал-брэнд «velcom | A1». З 12 жніўня — адзіны брэнд А1.

У красавіку 2019 году A1 забясьпечыў бясплатны доступ у інтэрнэт па тэхналёгіі Wi-Fi у 18 электрацягніках Беларускай чыгункі[19]. У чэрвені 2019 году апэратар запусьціў 38 новых базавых станцый уздоўж чыгуначных шляхоў для паляпшэньня якасьці мабільнай сувязі ў цягніках.

З красавіка па травень 2019 году А1 забясьпечыў мабільнай сувязьзю ўсі тунэлі Маскоўскай і Аўтазаводзкай ліній Менскага мэтрапалітэну.[20][21]

12 жніўня 2019 году А1 прадставіў першы смартфон пад уласнай гандлёвай маркай — А1 Альфа.[22] У гэты ж дзень кампанія першай у Беларусі запусьціла віртуальныя eSIM-карткі[23], а ў лістападзе 2019 дала магчымасьць перайсьці на eSIM он-лайн у асабістым кабінеце.

12 лістапада 2019 пры ўдзеле А1 была падпісана сумесная беларуска-аўстрыйская дэклярацыя па ўмацаваньні супрацоўніцтва ў сфэры сувязі, інфармацыйна-камунікацыйных тэхналогій і разьвіцьця тэхналёгіі 5G[24]. Кампанія падала заяўку на выдзяленьне радыёчастотнага спэктру, які адказвае патрабаваньням міжнародных стандартаў, а таксама вядзе распрацоўку архітэктуры сэткі 5G. 22 траўня 2020 года А1 у тэставым рэжыме запусьціла ў эксплуатацыю першую ў Беларусі сетку 5G SA (Standalone), створаную на аснове аўтаномнай архэтэктуры[25]. 25 траўня 2020 года ў гэтай сэткі быў здзейсьнены першы ў Беларусі і СНД званок па тэхналогіі VoNR[26].

У сьнежьні 2019 году А1 першым у краіне ўкараніў тэхналёгію VoLTE (Voice over LTE)[27].

14 траўня 2020 года кампанія прадставіла сістэму «А1 Разумны дом»[28].

Уладальнікі і кіраўніцтваРэдагаваць

Да студзеня 2005 году 69,9% акцыяў А1 належала кіпрскай кампаніі Samauwi Brothers Telecom (SB Telecom Ltd.), 30% — ЗАТ «Белтэхэкспарт», 0,1% — РУП «Белтэлекам». У студзені 2005 г. у лік трымальнікаў акцый кампаніі ўвайшла дзяржава: яна атрымала 30,9%, за SB Telecom засталося 49%, ЗАТ «Белтэхэкспарт» — 20%, «Белтэлекам» — 0,1%[29][30].

У жніўні 2007 году кіпрская кампанія SB Telecom выкупіла 100% акцыяў прадпрыемства за $556 млн[31].

У пачатку кастрычніка 2007 г. аўстрыйская кампанія A1 Telekom Austria Group падпісала дагавор аб куплі 70% акцыяў SB Telecom[32], а ў кастрычніку 2010 году — астатніх 30% акцыяў.

Генэральным дырэктарам кампаніі паводле стану на 2020 год зьяўляецца Гельмут Дуз.

ДзейнасьцьРэдагаваць

Мабільная сувязьРэдагаваць

Кампанія А1 прадастаўляе паслугі сувязі стандартаў GSM 900/1800, UMTS (WCDMA/HSDPA/HSUPA/HSPA+), 4G на тэрыторыі Беларусі.

Абанэнтам апэратара даступныя базавыя паслугі (галасавая сувязь, перадача зьвестак, SMS, MMS, галасавая пошта й інш.), а таксама дадатковыя сэрвісы (роўмінг, паслугі для бізнэсу і забаўляльныя паслугі).

Нумары абанэнтаўРэдагаваць

  • +375-29-1**-**-**
  • +375-29-3**-**-**
  • +375-29-6**-**-**
  • +375-29-9**-**-**
  • +375-44-4**-**-**
  • +375-44-5**-**-**
  • +375-44-7**-**-**

У сувязі з уводам у Рэспубліцы Беларусь паслугі па міграцыі нумароў нумары абанэнтаў могуць прымаць значэньні:

  • +375-25-***-**-**
  • +375-29-***-**-**
  • +375-33-***-**-**

Фіксаваная сувязьРэдагаваць

Кампанія пачала будаўніцтва ўласнай аптавалаконнай сеткі для кліентаў — юрыдычных асобаў у верасьні 2014 году[33].

У 2016—2018 гадах А1 правёў шэраг зьдзелак па набыцьці беларускіх інтэрнэт-правайдэраў — «Атлант Тэлекам» (Менск)[34], «Айчына плюс» (Менск)[35], «Белінфанэт» (Менск), «Гарант» (Гомель[36] і Віцебск[37]), «Ранак Мэдыя» (Сьветлагорск). А таксама большасьці прыватных і некаторых карпаратыўных абанэнтаў інтэрнэт-правайдэра «Дзелавая сетка» (Менск)[38].

У цяперашні час А1 прадастаўляе паслугі доступу ў інтэрнэт па стандартах GPON, Ethernet, ADSL ва ўсіх абласных цэнтрах Беларусі, а таксама ў Бабруйску, Жлобіне, Добрушы, Рэчыцы, Сьветлагорску, Наваполацаке.

На 30 чэрьвеня 2020 г. абанэнцкая база сеткі фіксаванай сувязі ад А1 складала каля 380,9 тыс. карыстальнікаў[39]. Большасьць інтэрнэт-тарыфаў апэратару зьяўляюцца комплекснымі, то бок маюць на ўвазе адначасовае атрыманьне і паслугі лічбавага тэлебачаньня пад брэндам VOKA[40].

Відэасэрвіс VOKAРэдагаваць

Відэасэрвіс ад А1 прадастаўляецца пад брэндам VOKA. Для кліентаў фіксаванага інтэрнэту А1 сэрвіс працуе па тэхналёгіі IPTV і прадастаўляе больш за 160 каналаў (у тым ліку 47 у HD-якасьці)[41]. У сетках іншых апэратараў мабільнай і фіксаванай сувязі паслуга прадстаўляецца па тэхналёгіі OTT і ўключае ў сябе больш за 140 тэлеканалаў (у тым ліку 39 у HD-якасьці). VOKA падтрымлівае розныя інтэрактыўныя функцыі: паўза, перамотка і архіў тэлеперадач, а таксама магчымасьць працягнуць прагляд на іншай прыладзе. Для ўсіх карыстальнікаў сэрвісу даступныя фільмы, мультфільмы і сэрыялы он-лайн-кінатэатраў MEGOGO, «Амедиатека», START, ivi, а таксама кантэнт студыі Disney. Сэрвіс даступны для мабільных прыладаў на Android і iOS, для SmartTV на Tizen, WebOS, Android TV, праз прыстаўкі Redbox Mini, Xiaomi Mi Box 3, Apple TV (праз AirPlay). На кампутарах карыстацца відэасэрвісам можна праз праграму VOKA для Windows або праз вэб-версію.

У 2018 г. у сэрвісе VOKA пачаў зьяўляцца ўласны мэдыякантэнт: разьдзелы «Наш футбол» і «Наш хакей» з трансьляцыямі матчаў з удзелам беларускіх клюбаў і зборных, live-трансьляцыі канцэртаў, музычных фэстываляў і іншых забаўляльных мерапрыемстваў, канфэрэнцый і форумаў, а таксама трансьляцыі кібэрспартовых турніраў у разьдзеле «Кіберспорт». Таксама для карыстальнікаў даступны разьдзел «CINEVOKA — кіно па-беларуску», у якім разьмяшчаюцца фільмы ў прафэсійнай агучцы на беларускую мову[42]. З чэрвеня 2019 г. у карыстальнікаў відэасэрвісу зьявілася магчымасьць глядзець у агучцы папулярныя сэрыялы НВО: першы сэзон сэрыяла «Сэкс у вялікім горадзе», міні-сэрыял «Чарнобыль» і заключны сэзон «Гульні тронаў».

У 2018 г. відэасэрвіс пачаў папаўняць профіль кантэнтам уласнай вытворчасьці. У разьдзеле VOKA SHOW можна знайсьці агляды, міні-рэаліці і ТБ-шоў, створаныя эксклюзіўна для плятформы.

28 студзеня 2019 г. у відэасэрвісе VOKA зьявілася самая вялікая ў краіне бібліятэка кантэнту ў ультравысокай разьдзяляльнасьці Ultra High-Definition (4K) [43].

VOKA CINEMAРэдагаваць

У жніўні 2017 г. у партнэрстве зь сеткай кінатэатраў Silver Screen адкрыўся мультыплекс VOKA CINEMA (да 2019 году — velcom cinema). Кінатэатар уключае ў сябе сем высокатэхналягічных кіназаляў[44].

У 2018 годзе на базе VOKA запушчаны праект па паказе артхаўснага кіно Silver ART[45], а ў 1019 адкрыты кінаклюб «Артфармат» для аматараў аўтарскага кіно[46].

У жніўні 2019 году ў кінатэатры адкрылася першая ва Ўсходняй Эўропе кіназала з вуглом агляду 270 градусаў па тэхналёгіі ScreenX[47].

У верасьні 2019 году VOKA і Silver Screen пачалі сумесны пражкт «Тутэйшын Студыя» па перакладу навінак кіно на беларускую мову[48]. Першымі былі агучаныя фільмы «Нулявуд» і «Шлюбная гарачка».

VOKA SmartfilmРэдагаваць

Пачынаючы з 2010 года кампанія А1 пры падтрымцы Міністэрства культуры Рэспублікі Беларусь штогод праводьзіць фестываль мабільнага кіно. З 2016 года фестываль набыў міжнародны статус[49]. З кожным годам колькасьць работ і геаграфія ўдьзельнікаў павялічваецца. У 2020 годьзе прайшоў дьзевяты Міжнародны фэстываль мабільнага кіно VOKA Smartfilm, у конкурснай праграме якога было прадстаўлена 356 караткамэтражных фільмаў з 75 краін сьвету[50].

КібэрспортРэдагаваць

У лютым 2020 году пры садьзейнічаньні кампаніі А1 было створана і зарэгістравана Рэспубліканскае грамадскае аб'яднаньне «Беларуская фэдэрацыя камп'ютэрнага спорту».[51]17 красавіка 2020 году зарэгістравана Беларуская асацыяцыя камп'ютэрнага спорту (БАКС) [52]. Членамі БАКС з'яўляюцца А1, відэасэрвіс VOKA і Беларуская фэдэрацыя камп'ютэрнага спорту. Асацыяцыя створана для развіцця і папулярызацыі камп'ютэрнага спорту ў Беларусі, развіцьця і падтрымькі прафесійных гульцоў, трэнераў і суддьзяў, правядьзеньня спаборьніцтваў і разьвіцьця міжнародных кантактаў.

4 траўня 2020 года ў тэставай сэткі 5G SA кампаніі А1 прайшоў першы кібэрспартыўны матч па мабільным анлайн-гульням. Падчас тэставаньня хуткасьць перадачы дадзеных склала 1,2 Гбіт / с, а ping - 10 мілісэкунд[53].

Дата-цэнтар і ІКТ-паслугіРэдагаваць

У верасьні 2017 г. у Менску А1 запусьціў адзін з найбуйнейшых у Беларусі цэнтраў апрацоўкі зьвестак (ЦАЗ). Дата-цэнтар займае плошчу ў 7,5 тыс. кв. м. Будаўніцтва дата-цэнтру заняло больш за 2 гады і абышлося ў $20 млн[54].

Дата-цэнтар А1 мае міжнародны сэртыфікат Uptime Institute (UI) па ўзроўні адмоваўстойлівасьці Tier III у катэгорыях Design і Facility. Чатыры модулі ЦАЗ разьлічаныя на 800 сэрвэрных стоек і маюць уласнае аптычнае колца — 43 кілямэтры сеткі з прапускной здольнасьцю 1 Тбіт/сек. На сёньняшні дзень[Калі?] запушчаны ў эксплюатацыю 1-ы модуль на 200 сэрвэрных стоек.

У цяперашні час дата-цэнтар прадастаўляе наступныя паслугі: разьмяшчэньне сэрвэрнага і сеткавага абсталяваньня (Colocation), арэнда віртуальных рэсурсаў для пабудовы IT-інфраструктуры (IaaS на базе плятформы VMware), рэзэрвовае капіяваньне і аднаўленьне зьвестак (Baas на базе прадуктаў Veeam Backup and Restore), прадастаўленьне сэрвэрнага і сеткавага абсталяваньня ў арэнду (паслуга HaaS), хмарнае сховішча на базе Veeam Cloud Connect, віртуальная інфраструктура voblaka на базе тэхналёгіі Exoscale, а таксама карыстаньне праграмнымі прадуктамі Microsoft на ўмовах падпіскі і пашыраная тэхнічная падтрымка і абслугоўваньне баз зьвестак Oracle.

У сакавіку 2019 г. спэктар паслуг, якія прадстаўляюцца, пашырыўся сэрвісамі бясьпекі. Дата-цэнтар А1 прайшоў атэстацыю Апэратыўна-аналітычнага цэнтру пры прэзыдэнце Рэспублікі Беларусь і запусьціў паслугу «Воблака-62», прызначаную для юрыдычных асобаў, якія працуюць з канфідэнцыйнай інфармацыяй з высокай ступеньню абароненасьці[55].

У жніўні 2019 году дата-цэнтар А1 падцьвердзіў адпаведнасьць стандарту ISO 27001.[56], у траўні 2020 году - дзяржаўнаму стандарту Рэспублікі Беларусь ISO / IEC 27001-2016[57].

Сонечная электрастанцыяРэдагаваць

Улетку 2016 году паблізу Брагіна (Гомельская вобласьць) А1 запусьціў сонечную электрастанцыю, якая складаецца з 85 тысячаў сонечных панэляў[58]. Станцыя пабудавана на тэрыторыі, якая пацярпела ад катастрофы на Чарнобыльскай АЭС і таму мала прыдатная для вядзеньня сельскай гаспадаркі. Для злучэньня паміж сабой усіх сонечных модуляў кампанія А1 праклала каля 800 км кабэльных ліній.

У кастрычніку 2017 г. у Любанскім раёне Менскай вобласьці А1 запусьціў першую ў Беларусі базавую станцыю сувязі, якая працуе на сонечнай энэргіі[59].

СтатыстыкаРэдагаваць

На 30 чэрьвеня 2020 году паслугамі мабільнай сувязі кампаніі карысталіся 4,864 млн абанэнтаў. Паслугамі фіксаванага доступу ў інтэрнэт і ТБ карысталіся 380,9 тыс. карыстальнікаў. Доля кампаніі на рынку мабільнай сувязі склала 42%[39].

Мабільнай сувязьзю 2G ахоплена 97,7% тэрыторыі краіны, на якой пражывае 99,9% насельніцтва (100% гарадзкіх жыхароў). 3G даступна на 97,1% тэрыторыі краіны. Паводле стану на чэрвень 2010 году ў сетцы А1 працавала 3301 базавая станцыя і 28754 прыёмаперадатчыкі ў 1360 населеных пунктах краіны[60], а таксама 8 камутатараў: 3 у Менску і па аднаму ў кожным абласным цэнтры.

Кліенты кампаніі могуць карыстацца паслугай міжнароднага роўмінгу ў 191 краіне сьвету ў сетках 382 апэратараў[61]. Унітарнае прадпрыемства «А1» мае ўласную сетку цэнтраў продажаў і абслугоўваньня, якая складаецца з 90 офісаў у 32 гарадах Беларусі[62]. Дылерская сетка налічвае больш за 500 салёнаў па ўсёй краіне.

Дата 1 сьнежня 2000 1 кастрычніка 2001 31 кастрычніка 2003 15 студзеня 2004 29 кастрычніка 2004 1 студзеня 2005 1 студзеня 2006 1 жніўня 2006 31 сьнежня 2007 31 сьнежня 2008 31 сьнежня 2009
Колькасьць (тыс.) і дзель сотавых абанэнтаў 26[63] (60,5%) 85 (80,9%[64]) 580 (61,7%[65]) 620 (56,8%[66]) 1000 (48,1%[67]) 1135 (46,6%[68]) 1885 (46,1%[69]) 2360 (45,8%[70]) 3059 (43,4%[39]) 3698 (44,8%[39]) 4102 (42,7%[39])
Ахоп насельніцтва 0,26%[71] 0,85%[72] 5,94%[73] 6,35% 10,31% 11,7% 19,57% 24,64% 38,89%
Дата 31 сьнежня 2010 31 сьнежня 2011 31 сьнежня 2012 31 сьнежня 2013 31 сьнежня 2014 31 сьнежня 2015 31 сьнежня 2016 31 сьнежня 2017 31 сьнежня 2018 31 сьнежня 2019
Колькасьць (тыс.) і дзель сотавых абанэнтаў 4354 (41,9%[39]) 4620 (41,1%[39]) 4800 (43,5%[39]) 4947 (42,5%[39]) 4950 (42,4%[39]) 4956 (42,5%[39]) 4945 (43,2%[39]) 4864 (42,5%[39]) 4873 (42%[39]) 4890 (41,8%[39])
Ахоп насельніцтва 48,81%
Абанэнтаў фіксаванай сувязі, млн - - - - - - 0,179 0,306 0,452 0,389

Выручка кампаніі (паводле зьвестак міжнароднай фінансавай справаздачнасьці) па выніках за 2 квартал 2020 г. склала 98,3 млн эўра, паказчык EBITDA (прыбытак да выліку выдаткаў па працэнтах, выплаты падаткаў і амартызацыйных адлічэньняў) — 45,2 млн эўра.

За 2019 год сума выручкі склала 997 млн рублёў, EBITDA — 446,8 млн рублёў[39].

Год Выручка, млн эўра EBITDA, млн эўра EBITDA Margin Апэрацыйны даход, млн эўра Capex
2011 260,9 106,6 40,9 % -255,2 44,9
2012 301,2 124,4 41,3 % 29,5 43,7
2013 331,7 155,9 47,0 % 71,6 34,0
2014 355,0 172,4 48,6 % 82,2 48,5
2015 332,2 163,7 49,3 % 86,6 66,1
2016 321,0 151,5 47,2 % 87,8 73,7
2017 390,5 181,3 46,4 % 123,1 47,1
2018 390,9 177,7 45,5 % 90,3 49,7
2019 426,1 190,9 44,8 % 100,7 105,1

Карпаратыўная сацыяльная адказнасьцьРэдагаваць

У сьпісе прыярытэтных напрамкаў карпаратыўнай сацыяльнай адказнасьці кампаніі — дапамога дзецям, садзейнічаньне захаваньню нацыянальных каштоўнасьцей і экалёгія [74].

Дапамога дзецямРэдагаваць

Дабрачынны праект #velcombegom — адна з найбольш маштабных сацыяльных ініцыятыў кампаніі: штогод з 2015 па 2019 праводзілася 2-3 дабрачынныя акцыі[75]. Мэта праекту — аказаньне дапамогі дзіцячым мэдыцынскім установам і садзейнічаньне прасоўваньня здаровага ладу жыцьця і папулярызацыі бегу. Бэнэфіцыярамі акцыі былі рэспубліканскія дзіцячыя цэнтры мэдыцынскай рэабілітацыі, Дом-інтэрнат для дзяцей-інвалідаў з асаблівасьцямі псыхафізычнага разьвіцьця й іншыя дзіцячыя мэдыцынскія ўстановы. За час правядзеньня праекту кампанія пералічыла ім больш за 700 000 беларускіх рублёў фінансавай дапамогі. У 2018 г. акцыя «Бягучыя гарады» #velcombegom стала пераможцам Міжнароднага конкурсу камунікацыйных праектаў Eventiada IPRA Golden World Awards 2018 у намінацыі «За найлепшы праект у сфэры здаровага ладу жыцьця»[76].

23 чэрьвеня 2020 года кампанія А1 і Нацыянальны алімпійскі камітэт Рэспублікі Беларусь запусьцілі дабрачынную спартыўную анлайн-акцыю «100 гадзін з А1: Падтрымай TEAM BY!»[77]. Па выніках акцыі А1 акажа фінансавую падтрымку Рэспубліканскаму клінічнаму цэнтру паліятыўнай мэдыцынскай дапамогі дзецям.

Падтрымкай людзей з аўтызмам А1 займаецца з 2015 г. У 2016 г. па ініцыятыве МДГА «Дзеці. Аўтызм. Бацькі» і кампаніі А1 на базе Студыі Пушкаровай быў створаны Сямейны інклюзіў-тэатар «і», якому кампанія аказвае фінансавую і інфармацыйную падтрымку ў якасьці генэральнага партнэра. З 2016 г. А1 прымае ўдзел у штогадовай міжнароднай акцыі Light It Up Blue 2 красавіка, накіраванай на падтрымку людзей з аўтызмам[78].

З 2016 па 2020 гады капманія А1 рэалізоўвала праект «Я бачу!» сумесна зь Беларускім дзіцячым фондам пры падтрымцы Міністэрства аховы здароўя Рэспублікі Беларусь. Мэта праекту — дапамога ў своечасовай дыягностыцы і выяўленьне раньніх парушэньняў зроку ў дзяцей школьнага веку, якія пражываюць у сельскай мясцовасьці. За 4 гады 35 лекараў-афтальмолагаў наведалі 693 школы ў Магілёўскай, Гомельскай, Берасьцейская і Віцебскай вобласцях і правялі дыягностыку зроку ў 51 474 школьнікаў[79]. Да фіналу праекта пры ўдзеле прадстаўнікоў творчага аб'яднаньня «Сучасны комікс» быў падрыхтаваны і выпушчаны зборнік коміксаў «Я бачу!» [80].

У верасьні 2019 г. А1 стаў генэральным партнёрам футбольнай школы «Юніёр». Супрацоўніцтва складацца зь некалькіх напрамкаў па разьвіцьці дзіцяча-юнацкага спорту, уключаючы распрацоўку брэнду «А1 Юніёр» і закупку новай экіпіроўцы для гульцоў клюбу[81].

Падтрымка беларускай мовы і культурыРэдагаваць

А1 падтрымлівае ініцыятывы, накіраваныя на павышэньне цікавасьці да беларускай нацыянальнай спадчыны, традыцый, гісторыі, культуры і мастацтва.

У 2015 годзе кампанія А1 пры падтрымцы Камітэту па адукацыі Менгарвыканкаму распачала сацыяльна арыентаваны і адукацыйны праект «Чытаем па-беларуску», а ў 2016 ініцыятыва ахапіла школы па ўсёй Беларусі. Перад вучнямі пачатковых клясаў выступалі Ўладзімер Ліпскі, Юры Жыгамонт, Раіса Баравікова, Тацяна Сівец, Андрусь Такінданг, Аліна Талай і іншыя. У 2017-2018 навучэнцам 7-8 класаў з усёй Беларусі прапанавалася запісаць відэа, на якім яны чытаюць адзін з твораў беларускай літаратуры. На прапанову арганізатараў праекту адгукнуліся таксама прадстаўнікі амбасадаў Швэцыі, Кыргыстану, Славаччыны, Чэхіі і Фінляндыі, яны прачыталі на відэа творы беларускіх аўтараў у падтрымку ўдзельнікаў конкурсу[82].

З 2016 па 2019 сумесна з «Кінаконг» кампанія праводзіла праект «Беларускія ўікэнды». За гэты час былі перакладзеныя і агучаныя па-беларуску такія фільмы, як «Хронікі Нарніі: Леў, Вядзьмарка і Гардэроб», «Маленькі прынц», «Форэст Гамп», «Шторм: палаючы ліст», «Кніга Ілая», «Таемнае жыцьцё Ўолтэра Міці», «Рыбка Поньё», «Падымаецца вецер», «Мой сябар жырафа», «Вогненыя калясьніцы», «Неверагодны містэр Фокс», «Цвёрды арэшак», «Адзін дома», «Тэрмінатар-2», «Хаціка» ды іншыя. Фільмы праекту былі паказаныя ў больш чым 60 кінатэатрах краіны, а сэансы наведалі больш за 50 тысячаў гледачоў[83].

У 2018-2019 кампанія А1 пры падтрымцы Міністэрства адукацыі Рэспублікі Беларусь, а таксама арганізатараў канфэрэнцый TEDxMinsk правяла сацыяльна-адукацыйны праект velcom YOUTH для старшаклясьнікаў, якія хочуць зьмяніць навакольны сьвет да лепшага. Уся камунікацыя ў ім вялася на беларускай мове. У праекце прынялі ўдзел больш за 800 старшаклясьнікаў[84] з 230 навучальных устаноў па ўсёй краіне. Дзесяць фіналістаў праекту 18 траўня 2019 сталі сьпікерамі моладзевай канфэрэнцыі TEDxYouth@Minsk.

У кастрычніку 2019 году стартаваў праект «Першыя», які рэалізуецца кампаніяй А1 пры падтрымцы арганізатараў канфэрэнцый TEDxMinsk[85].Больш за 1000 школьнікаў з усёй Беларусі прынялі ўдьзел у адукацыйных воркшопах, больш за 100 зь іх даслалі відэапрэзэнтацыі дьля ўдьзелу ў конкурьсе. Члэны журы адабралі 10 фіналістаў, якія публічна прадставяць свае сацыяльна значныя ідэі на моладьзевай канфэрэнцыі TEDxYouth@Minsk.[86].

У 2019 годзе А1 выступіў генэральным партнёрам 100-га сэзона Нацыянальнага акадэмічнага тэатру імя Янкі Купалы[87]. Дзякуючы партнэрству арганізаваная бясплатная прамая трансьляцыя знакавых спэктакляў тэатру на відэасэрвісе VOKA, такіх як «Радьзіва “Прудок”», «Дзьве душы», «Зямля Эльзы», «Людьзі на балоце», «Вечар», «Каханьне як мілітарызм», «Шабаны», «Паўлінка», «Школа падаткаплацельшчыкаў», «Вельтмайстар-акардэон» і «Ураджай». [88]

28 сьнежьня 2019 года А1 выступіў генэральным партьнёрам Венскага балю ў Палацы Незалежнасьці. Па выніках мерапрыемства кампанія аказала фінансавую дапамогу грамадскаму аб'яднаньню «SOS-Дзіцячыя вёські Беларусь»[89].

З кастрычьніка 2019 года кампанія А1 сумесна з Цэнтрам беларуска-яўрэйскай культурнай спадчыны і Музеем гісторыі Віцебскага народнага мастацкага вучылішча рэалізуе праект #UNOVIS100[90] у гонар 100-годдьзя мастацкага аб'яднаньня УНОВІС. 15 лютага 2020 года ў Нацыянальным мастацкім музэі Беларусі адкрылася першая ў краіне выстава мастака-супрэматыста Лазара Хідэкеля «Нас зразумеюць праз 100 гадоў»[91].

21 лютага кампанія А1 прадставіла новы праект, у рамках якога вясной 2020 года ў Мінску і найбуйнейшых гарадах страны з’явяцца наборы інтэрактыўных скульптур, якія ўтвараюць слова «МОВА» [92].

ЭкалёгіяРэдагаваць

У 2020 годзе кампаніяй А1 і грамадскай арганізацыяй «Ахова птушак Бацькаўшчыны» запушчана сацыяльная кампанія «Выйдзі на сувязь з прыродай»[93]. З 21 траўня кожны жадаючы можа патэлефанаваць па персанальным нумарах птушкам і паслухаць іх спевы.

Праца А1 у перыяд пандэміі COVID-19Рэдагаваць

У сакавіку 2020 года кампанія А1 запусьціла ініцыятыву #оставайсяонлайн з мэтай падтрымькі сваіх абанэнтаў і насельніцтва ва ўмовах распаўсюджваньня COVID-19[94] [95].

За час дзеяньня ініцыятывы #оставайсяонлайн кампанія аказала фінансавую дапамогу Мінскай гарадской клінічнай інфекцыйнай бальніцы, таксама забясьпечыла мэдыкаў смартфонамі і бясплатнай рабочай мабільнай сувязьзю. Кампаніяй запушчаны USSD-нумар і кароткі нумар для дабрачынных ахьвяраваньняў на карысьць мэдыцынськіх работнікаў. Зробьлены бясплатнымі званькі на гарачую лінію Міністэрства аховы здароўя па пытаньнях каранавіруснай інфекцыі, на нумары дыпламатычных прадстаўніцтваў Беларусі за мяжой для сваіх абанэнтаў, якія знаходзяцца ў роўмінгу, на гарачую лінію для пацярьпелых ад хатняга гвалту і на інфармацыйную лінію для пажылых людзей[96].

КрыніцыРэдагаваць

  1. ^ а б Interim Results - A1 Telekom Austria Group(анг.)
  2. ^ velcom объявил о репозиционировании на рынке и сменит бренд на А1
  3. ^ BELNETMON — Net Monitor in Belarus — Колькасьць абанэнтаў у Беларусі
  4. ^ В зоне отчуждения в Чернобыле запустили мобильную связь. www.onliner.by. Праверана 2019-04-23 г.
  5. ^ Девять БС и один человек в кол-центре. Как 20 лет назад начиналась GSM-связь в Беларуси. www.onliner.by. Праверана 2019-04-10 г.
  6. ^ velcom: технология EDGE доступна в трех областях Беларуси. A1.by. Праверана 2019-08-16 г.
  7. ^ Velcom па-беларуску. Беларускае пакаленьне Y (19 траўня 2004). Праверана 3 лістапада 2012 г.
  8. ^ Севярын Квяткоўскі (20 кастрычніка 2004) Расейская кампанія МТС афіцыйна заявіла пра беларусізацыю сваіх паслугаў у Беларусі Эканоміка. Радыё «Свабода»Праверана 13 лістапада 2012 г.
  9. ^ Аляксей Арэшка (9 чэрвеня 2010) Апэратар сотавай сувязі velcom пачаў камэрцыйную эксплюатацыю сеткі 3G/3G+ у Пінску Эканоміка. БелаПАН. Праверана 13 лістапада 2012 г.
  10. ^ velcom A1 получил четвертую частоту для 3G. Onliner.by. Праверана 2019-05-04 г.
  11. ^ За границей как дома: velcom | A1 предложил 1 ГБ трафика в роуминге всего за Br5,9. interfax.by. Праверана 2019-06-03 г.
  12. ^ ИП «МЦС» изменило своё официальное название на ИП «Велком» и модернизировало бренд Архіўная копія ад 19 траўня 2008 г.
  13. ^ О приостановлении оказания услуги «Высокоскоростной мобильный интернет» в некоторых областных и районных центрах. A1.by. Праверана 2019-08-15 г.
  14. ^ A1 запустил первый в Беларуси виртуальный магазин. interfax.by. Праверана 2020-05-8 г.
  15. ^ velcom запустил первую в стране сеть для «интернета вещей». A1.by. Праверана 2019-08-16 г.
  16. ^ velcom запустил для своих абонентов звонки по Wi-Fi. A1.by. Праверана 2019-08-16 г.
  17. ^ Абонентам телеком-оператора velcom стала доступна 4G-сеть. A1.by. Праверана 2019-08-16 г.
  18. ^ A1 и beCloud развернут в Беларуси 4G-сеть по всей стране. A1.by. Праверана 2019-12-13 г.
  19. ^ velcom | A1 завершил проект по улучшению качества связи вдоль «критских коридоров». A1.by. Праверана 2019-08-16 г.
  20. ^ Ян Альшэўскі (2019-04-29) velcom | A1 запустил в тестовом режиме связь в тоннелях Московской линии метро Праверана 2019-04-29 г.
  21. ^ velcom | A1 обеспечил связью тоннели Автозаводской линии минского метро Праверана 2019-05-14 г.
  22. ^ Уласны смартфон, «разумны дом», кіно ў панарамным фармаце: A1 распавёў, што будзе рабіць далей Праверана 2019-08-15 г.
  23. ^ A1 первым в Беларуси запустил eSIM Праверана 2019-08-15 г.
  24. ^ При участии А1 подписана декларация о развитии 5G между Австрией и Беларусью Праверана 2019-11-13 г.
  25. ^ A1 запустила в Минске тестовую зону «чистого» 5G Праверана 2020-06-29 г.
  26. ^ Первый в СНГ 5G-звонок совершен в сети А1 Праверана 2020-06-29 г.
  27. ^ A1 первым в Беларуси запустил VoLTE Праверана 2019-12-18 г.
  28. ^ Дома всё в порядке: А1 представил собственную систему умного дома Праверана 2020-06-29 г.
  29. ^ Часопіс «Стандарт», люты 2005
  30. ^ Дзядко Т. Першы прыватны апэратар // Ведомости, №157 (1931), 23 жніўня 2007
  31. ^ velcom действительно продали(рас.). Хартия’97 (22 жніўня 2007). Архіўная копія ад 30 верасня 2007 г.
  32. ^ Telekom Austria Group Enters the Belarusian Mobile Communications Market (анг.)
  33. ^ velcom предлагает бизнесу выгодный безлимитный фиксированный интернет. A1.by. Праверана 2019-08-17 г.
  34. ^ Официально: velcom покупает "Атлант Телеком"(рас.) Праверана 2018-03-31 г.
  35. ^ Провайдеры "Саммит", "Айчына Плюс" и "Драйв" передали активы velcom. tvnews.by. Праверана 2018-12-28 г.
  36. ^ Константин Сидорович velcom купил еще одного интернет-провайдера — гомельский «Гарант». Возможны новые поглощения - Технологии onliner.by. Onliner.by. Праверана 2018-03-31 г.
  37. ^ velcom сообщил о завершении сделки по покупке витебского «Гаранта». Народные новости Витебска. Праверана 2018-10-06 г.
  38. ^ velcom продолжает расширять базу клиентов фиксированного интернета. A1.by. Праверана 2019-08-17 г.
  39. ^ а б в г д е ё ж з і к л м н о п Interim Results — A1 Telekom Austria Group(анг.)
  40. ^ Абоненты домашнего интернета velcom переходят на единую платформу VOKA. A1.by. Праверана 2019-08-17 г.
  41. ^ velcom ввел «оптовый» тариф для телевидения VOKA
  42. ^ Самый интерактивный видеосервис Беларуси. История продвижения VOKA в 2018 году
  43. ^ В видеосервисе VOKA появился 4K-контент
  44. ^ Интерьер hi-tech, 7 кинозалов, билеты от 7 до 26 рублей. Как выглядит новый мультиплекс в Dana Mall. www.onliner.by. Праверана 2019-04-18 г.
  45. ^ В Минске покажут три фильма Альмодовара с общим мировым сбором почти $76 млн. officelife.media. Праверана 2019-04-18 г.
  46. ^ В VOKA CINEMA открывается киноклуб «Артформат». A1.by. Праверана 2019-11-13 г.
  47. ^ У Беларусі з'явілася кіназала з вуглом агляду 270 градусаў. 34Mag. Праверана 2019-09-14 г.
  48. ^ «Нулявуд» — новы фільм Джэймса Франка выходзіць па-беларуску адначасова з сусветнай прэм’ерай. Новы час. Праверана 2019-09-14 г.
  49. ^ velcom Smartfilm – старт в новом формате. smartfilm.by. Праверана 2020-02-20 г.
  50. ^ Гран-при фестиваля VOKA Smartfilm получил белорусский фильм «86». smartfilm.by. Праверана 2020-04-17 г.
  51. ^ В Беларуси создана федерация компьютерного спорта. naviny.by. Праверана 2020-03-27 г.
  52. ^ В Беларуси появилась ассоциация компьютерного спорта. naviny.by. Праверана 2020-05-8 г.
  53. ^ А1 испытала мобильный гейминг в тестовой сети 5G SA. interfax.by. Праверана 2020-06-29 г.
  54. ^ velcom открыл крупнейший в Беларуси дата-центр. a1data.by. Праверана 2019-08-17 г.
  55. ^ velcom запускает новый облачный сервис для хранения конфиденциальных данных. a1data.by. Праверана 2019-08-15 г.
  56. ^ A1 представил пакет новых продуктов и услуг. dev.by. Праверана 2020-06-29 г.
  57. ^ Дата-центр А1 подтвердил соответствие требованиям стандарта СТБ ISO/IEC 27001-2016. interfax.by. Праверана 2020-06-29 г.
  58. ^ velcom запустил солнечную электростанцию размером с 60 футбольных полей. www.onliner.by. Праверана 2018-11-11 г.
  59. ^ velcom запустил базовую станцию на солнечных батареях. naviny.by. Праверана 2019-04-03 г.
  60. ^ Новости развития сети в июне. A1.by. Праверана 2019-08-22 г.
  61. ^ velcom предоставил услуги интернет-роуминга абонентам ПРИВЕТ. A1.by. Праверана 2019-08-22 г.
  62. ^ Пра кампанію(бел.)
  63. ^ Тэрэза Хаюціна, БелТА «Privet» па мабільнаму // Зьвязда : газэта. — 21 сьнежня 2000. — № 259 (24110). — ISSN 1990-763x.
  64. ^ Welcome МТС! // Наша Ніва : Газэта. — 1 кастрычніка 2001. — № 40 (249). — С. 6. — ISSN 1819-1614.
  65. ^ Вікторыя Захарава Дзясятая частка беларусаў — «мабільныя» // Зьвязда : газэта. — 31 кастрычніка 2003. — № 273-274. — ISSN 1990-763x.
  66. ^ Вікторыя Захарава «Мабільных» беларусаў стала больш // Зьвязда : газэта. — 15 студзеня 2004. — № 10 (25023). — ISSN 1990-763x.
  67. ^ Вікторыя Целяшук Першаму апэратару — другі «мабільны» мільён // Зьвязда : газэта. — 29 кастрычніка 2004. — № 260-261. — ISSN 1990-763x.
  68. ^ Вікторыя Захарава Кожны чацьвёрты — мабільны // Зьвязда : газэта. — 6 студзеня 2005. — № 3 (25335). — ISSN 1990-763x.
  69. ^ Іна Арэхава «Мабільная» Беларусь // Зьвязда : газэта. — 10 студзеня 2006. — № 4 (25593). — ISSN 1990-763x.
  70. ^ Аляксей Раманчук, БелТА Нас, «мабільных», — 5 мільёнаў // Зьвязда : газэта. — 4 жніўня 2006. — № 171 (25760). — ISSN 1990-763x.
  71. ^ Сяргей Сьнегін, БелаПАН Насельніцтва Беларусі зьменшылася на 29,3 тысячы чалавек // Зьвязда : Газэта. — 2 сакавіка 2001. — № 46 (24162). — ISSN 1990-763x.
  72. ^ Галіна Абакунчык, Радыё «Свабода» (22 студзеня 2002) З-за эканамічнага крызісу ў Беларусі імкліва меншае насельніцтва Грамадзтва. Tut.byПраверана 13 лістапада 2012 г.
  73. ^ Памер і натуральны прырост насельніцтва Рэспубліка Беларусь у лічбах, 1995-2011. Нацыянальны статыстычны камітэт Рэспублікі БеларусьПраверана 13 лістапада 2012 г.
  74. ^ А1 начинает реализацию экологических проектов. interfax.by. Праверана 2020-01-16 г.
  75. ^ #velcombegom финиширует. A1.by. Праверана 2019-09-14 г.
  76. ^ «Бегущие города #velcombegom» стал победителем Международного конкурса коммуникационных проектов в Москве
  77. ^ Благотворительность и спорт онлайн: А1 и НОК Беларуси запускают акцию в помощь детям. belta.by. Праверана 2020-06-29 г.
  78. ^ «Зажги синим!»: в рамках социальной акции velcom минские здания включили синюю подсветку
  79. ^ Итоги проекта А1 и БДФ«Я вижу!»: осмотрено более 51 тыс. детей из 62 районов Беларуси. a1.by. Праверана 2020-03-04 г.
  80. ^ Три в одном: вышла коллекция комиксов про суперочки «Я вижу!». interfax.by. Праверана 2020-03-04 г.
  81. ^ А1 Юниор. fc-junior.by. Праверана 2019-10-03 г.
  82. ^ Паслы замежных дзяржаў масава загаварылі па-беларуску
  83. ^ 57 тысяч гледачоў «Беларускіх уікэндаў»: як у velcom атрымалася падтрымаць кіно на беларускай мове
  84. ^ Участники velcom YOUTH приступают к реализации своих идей
  85. ^ А1 начал приём заявок на конкурс идей для старшеклассников «Першыя». A1.by. Праверана 2019-10-09 г.
  86. ^ Определены 10 финалистов конкурса идей для белорусских старшеклассников «Першыя». A1.by. Праверана 2020-03-27 г.
  87. ^ А1 – генеральны партнёр 100-га сезона Нацыянальнага акадэмічнага тэатра імя Янкі Купалы. A1.by. Праверана 2019-09-14 г.
  88. ^ Спектакль «Шабаны» Купаловского театра покажут в прямом эфире на VOKA. naviny.by. Праверана 2020-03-27 г.
  89. ^ А1 приобрел статус партнера Венского бала во Дворце независимости, но вызвал возмущение пользователей. marketing.by. Праверана 2020-06-29 г.
  90. ^ Праект #UNOVIS100. kimpress.by. Праверана 2020-02-20 г.
  91. ^ В художественном музее открывается выставка Лазаря Хидекеля. Вот чем она крута. afisha.tut.by. Праверана 2020-02-20 г.
  92. ^ «МОВА» беларускіх гарадоў: вясной у Мінску і абласных цэнтрах з’явіцца серыя арт-інсталяцый. naviny.by. Праверана 2020-02-28 г.
  93. ^ У белорусских птиц появились телефонные номера. interfax.by. Праверана 2020-06-29 г.
  94. ^ #оставайсяонлайн: А1 предоставил бесплатный безлимитный интернет и открыл доступ к видеосервису VOKA абонентам. belta.by. Праверана 2020-06-29 г.
  95. ^ #оставайсяонлайн с А1. a1.by. Праверана 2020-06-29 г.
  96. ^ #оставайсяонлайн. Как А1 запустил кампанию в поддержку всех, кому приходится менять образ жизни. marketing.by. Праверана 2020-06-29 г.

Вонкавыя спасылкіРэдагаваць