Кінаконг
Кінаконг — беларускі кінапраект, які зьдзяйсьняе прафэсійны пераклад фільмаў, мультфільмаў, трэйлераў і вірусных ролікаў на беларускую мову, робіць агляды і рэцэнзіі на розныя сусьветныя кінастужкі, а таксама ладзіць рэгулярныя кінапаказы.
| Кінаконг | |
 | |
| Слоган | Кіно па-беларуску |
|---|---|
| Тып | кінадыстрыбутар |
| Даступныя мовы | беларуская |
| Уладальнік | Андрэй Кім |
| Пачатак працы | 5 верасьня 2012 (10 гадоў таму)[1] |
| Рэгістрацыя | няма |
| Актуальны стан | дзейны |
| Рэйтынг Alexa | 10 921 (2019 год, у Беларусі) |
| kinakong.by | |
МінуўшчынаРэдагаваць
У 2010 годзе Андрэй Кім зьезьдзіў у Маскву (Расея), дзе навучыўся рабіць кінаагучку. Па вяртаньні ў Менск распачаў гэтую справу з акторам Паўлам Харланчуком. Першай кінастужкай з агучкай па-беларуску стала «Цудоўная ласка»[2]. 5 кастрычніка 2012 году зьявілася старонка «Кінаконг» на Ютубе, якая да 2019 году займела звыш 991 тысячы праглядаў[3]. У 2013 годзе праект атрымаў адразу тры адзнакі фэстывалю беларускамоўнай рэклямы «Аднак», заняўшы 1, 2 і 3 месца ў розных намінацыях.
14 лютага 2016 году «Кінаконг» паказаў па-беларуску фільм «Вогнетрывалы» ў менскім бізнэс-клюбе «Імагуру» (вул. Фабрыцыюса, д. 4)[4]. У сакавіку 2016 году зладзілі паказы стужкі «Караль: Чалавек, які стаўся Папам», у тым ліку ў Чырвоным касьцёле Менску 13 сакавіка[2]. У 2016 годзе распачалі 3-дзённыя «Беларускія ўікэнды» ў менскім кінатэатры «Масква» (прасп. Пераможцаў, д. 13) пры ўдзеле сотавага апэратара «Вэлком» («А1»). У чэрвені 2017 году мультфільм «Маленькі прынц» паказалі ў кінатэатрах Менску, Гомелю, Горадні і Магілёва, дзе сабралі поўныя залі. На верасень 2017 году «Кінаконг» налічваў каля 20 чалавек, сярод якіх жонка Надзея Кім загадвала перакладамі[5]. На 2019 год звыш 50 000 гледачоў наведалі кінапаказы ў 35 гарадах Беларусі[6].
КрыніцыРэдагаваць
- ^ Вынікі праверкі дамэна kinakong.by // cctld.by, 20 кастрычніка 2019 г. Праверана 20 кастрычніка 2019 г.
- ^ а б Аксана Ючкавіч. Андрусь Кім: Мы агучваем па-беларуску тыя фільмы, якія дапамагаюць задумацца пра самае важнае // Каталіцкі касьцёл у Беларусі, 12 сакавіка 2016 г. Праверана 20 кастрычніка 2019 г.
- ^ Кінаконг - кіно па-беларуску // Відэапартал «Ютуб» (ЗША), 20 кастрычніка 2019 г. Праверана 20 кастрычніка 2019 г.
- ^ «Вогнетрывалы»: кінапаказ па-беларуску // Газэта «Наша ніва», 12 лютага 2016 г. Праверана 20 кастрычніка 2019 г.
- ^ Якія людзі ў Галівудзе // Часопіс «34mag», 13 верасьня 2017 г. Праверана 20 кастрычніка 2019 г.
- ^ Пра нас // «Кінаконг», 2019 г. Праверана 20 кастрычніка 2019 г.