Сонечная электрастанцыя

устаноўка пераўтварэньня сонечнай радыяцыі ў цеплыню або электраэнэргію

Со́нечная электраста́нцыя (СЭС) — устаноўка пераўтварэньня сонечнай радыяцыі ў цеплыню або электраэнэргію.

Меленская фотаэлектрычная станцыя ў Корасьценскім раёне (Жытомірская вобласьць, Украіна; 2020 год)

Віды: 1) тэрмадынамічная — сонечная энэргія пасьлядоўна пераўтвараецца ў цеплавую, а затым у электрычную (магутнасьцю звыш 30 мэгават па цыкле: геліяканцэнтратар, паравы кацёл, турбіна і генэратар); 2) фотаэлектрычная — сонечная батарэя пераўтварае сонечную энэргію ў электрычную (магутнасьць звыш 10 мэгават). Выкарыстоўваецца для апрасьненьня вады і электразабесьпячэньня, у тым ліку касьмічных апаратаў[1].

Беларусь рэдагаваць

На 1 траўня 2021 году ў Беларусі дзейнічала 70 сонечных электрастанцыяў агульнай магутнасьцю 160 мэгават. Найбольшай зь іх была фотаэлектрычная станцыя ў Рэчыцкім раёне (Гомельская вобласьць) магутнасьцю 55,2 мэгаваты. За 2020 год іх агульны аб’ём выпрацоўкі склаў 175, млн кіляват-гадзіна[2]. 13 сьнежня 2021 году ў Мазырскім раёне запусьцілі прыватную сонечную электрастанцыю магутнасьцю 2,5 мэгаваты і плошчай 5,5 гектары. На яе будоўлю пазычыў «Белінвэстбанк»[3]. У лютым 2022 году каля вёсцы Рэчыца Чэрыкаўскага раёну (Магілёўская вобласьць) запрацавала сонечная электрастанцыя плошчай 220 га і магутнасьцю 109 мэгават, што зрабіла яе найбольш магутнай у Беларусі. Яна складалася з Паўночнага і Паўднёвага паркаў ды мела разьліковы гадавы аб’ём выпрацоўкі электраэнэргіі 156 960 МВт/гадзіна[4].

Крыніцы рэдагаваць