23 лютага

23 лю́тага — 54-ы дзень году паводле Грыгарыянскага календару. Да канца году застаецца 312 дзён (311 у невысакосным годзе).

Падзеі

• 1563 — расейскія войскі на чале з царом Іванам IV пасьля аблогі ўзялі Полацак падчас Лівонскай вайны
• 1792 — кароль і вялікі князь Станіслаў Аўгуст Панятоўскі надаў Радашкавічам мескі герб, а Майшаголе — Магдэбурскае права і герб
• 1854 — афіцыйнае абвяшчэньне незалежнасьці Аранжавай Свабоднай дзяржавы
• 1866 — Аўстрыя і Прусія заключылі праскі мір, заклаўшы падмурак фармаваньня Нямеччыны
• 1887 — на Лазурным Беразе (Францыя) адбыўся спусташальны землятрус
• 1893 — нямецкі вынаходнік Рудольф Дызэль атрымаў патэнт на дызэльны рухавік
• 1917 — пачатак Лютаўскай рэвалюцыі ў Расеі
• 1919 — у Маскве быў заснаваны рабочы клюб «Беларус». Стварылі гэтую ўстанову культурна-асьветны аддзел Беларускага нацыянальнага камітэту разам з Маскоўскай беларускай сэкцыяй расейскай кампартыі
• 1928 — у Вільні распачаўся г.зв. «працэс 56-ці» — суд, зладжаны ўладамі міжваеннае Польскае Рэспублікі над дзеячамі БСРГ
• 1935 — на пост старшыні камісіі партыйнага кантролю ВКП(б) прызначаны Мікалай Яжоў, будучы кіраўнік НКВД
• 1941 — амэрыканскі хімік Глен Тэадор Сыбарг упершыню сынтэзаваў плютон
• 1944: 
  • заснаваньне Беларускае краёвае абароны.
  • Сталін скасаваў Чачэна-Інгускую АССР, у выніку 493 269 чачэнцаў і інгушаў былі дэпартаваныя ў Сярэднюю Азію і Казахстан, 6544 чалавекі сыйшлі ў горы
• 1945 — амэрыканскі фатограф Джо Разэнталь зрабіў славутую фатаграфію «Узьняцьце сьцягу над Івадзімай»
• 1947 — заснаваная Міжнародная арганізацыя па стандартызацыі (ISO)
• 1953 — у Вялікабрытаніі амніставалі дэзэртыраў Другой сусьветнай вайны
• 1955 — першае паседжаньне Арганізацыі дамовы Паўднёва-Ўсходняй Азіі (SEATO)

Нараджэньні

• 1443 — Мацяш Корвін, кароль Вугоршчыны
• 1685 — Георг Гендэль, нямецкі кампазытар
• 1743 — Мэір Ротшыльд, нямецкі банкір
• 1808 — Пётар Кірэеўскі, расейскі фальклярыст
• 1840 — Усевалад Крэстоўскі, расейскі пісьменьнік, журналіст
• 1878 — Казімер Малевіч, мастак, тэарэтык мастацтва, дызайнэр
• 1883 — Віктар Флемінг, амэрыканскі рэжысэр
• 1891 — Міхаіл Піятуховіч, беларускі літаратуразнавец, крытык, пэдагог
• 1903 — Юліюс Фучык, чэскі пісьменьнік
• 1907 — Станіслаў Станкевіч, беларускі літаратуразнаўца, грамадзкі дзяяч у Заходняй Беларусі й на эміграцыі
• 1929 — Аляксій II, біскуп Расейскай Праваслаўнай Царквы, патрыярх Маскоўскі і ўсея Русі
• 1931 — Яўген Бабосаў, беларускі філёзаф
• 1944 — Алег Янкоўскі, савецкі, расейскі актор
• 1954 — Віктар Юшчанка, украінскі прэзыдэнт

Сьмерці

• 1447 — Эўгеніюш IV, папа рымскі
• 1608 — Канстантын Астроскі (малодшы), гетман войска ВКЛ
• 1766 — Станіслаў Ляшчынскі, вялікі князь літоўскі, кароль Рэчы Паспалітай
• 1796 — Жан-Нікаля Стафле, лідар Вандэйскага паўстаньня супраць першай Францускай рэспублікі
• 1812 — Эт’ен Люі Малюс, францускі інжынэр, фізык, матэматык.
• 1821 — Джон Кітс, вялікі ангельскі паэт-рамантык
• 1917 — Вінцэнт Ключынскі, рымска-каталіцкі дзеяч
• 1855 — Карл Фрыдрых Гаўс, нямецкі матэматык, астраном і фізык
• 1908 — Сватаплук Чэх, чэскі пісьменьнік, паэт
• 1945 — Аляксей Талстой, расейскі пісьменьнік
• 1959 — П’ер Фрыдэн, прэм’ер-міністар Люксэмбургу
• 1965 — Гербэртс Цукурс, латыскі авіятар
• 2007 — Ганна Барысевіч, адна з сусьветных доўгажыхарак, якая пражыла 118 гадоў і 281 дзень
• 2008 — Ірына Казуліна, беларуская грамадзкая дзяячка
• 2008 — Янэз Дрноўшэк, прэзыдэнт Славеніі

Сьвяты

• у Беларусі традыцыйна ўшаноўваўся Прохар, а назаўтра — Улас. Таму нашыя продкі казалі: «Прыйшоў Прохар ды Ўлас — хутка вясна ў нас».
• Дзень абаронцаў айчыны
• Дзень бананавага хлеба ў ЗША