14 лютага

14 лю́тага — 45-ы дзень году паводле Грыгарыянскага календару. Да канца году застаецца 320 дзён (321 у высакосным годзе).

Падзеі

• 1477 — першае вядомае валянцінава віншаваньне ў сьвеце
• 1779 — на Гавайскіх астравах абарыгены забілі (і — паводле легенды — зьелі) брытанскага капітана Джэймза Кука
• 1792 — кароль і вялікі князь Станіслаў Аўгуст Панятоўскі надаў Жыжмарам Магдэбурскае права і герб
• 1876 — Аляксандар Грэм Бэл запатэнтаваў тэлефон
• 1924 — у Вільні пачала выдавацца газэта «Голас беларуса»
• 1924 — заснаваная кампанія IBM
• 1928 — у Савецкім Саюзе пачынаюць ужываць грыгарыянскі каляндар
• 1929 — Рэзаніна ў Дзень Сьвятога Валянтына ў Чыкага (ЗША)
• 1930 — заснаванае жаночае аддзяленьне Опус Дэі
• 1948 — утварылася Згуртаваньне беларусаў у Аўстрыі
• 1949 — першае паседжаньне ізраільскага парлямэнту — Кнэсэту
• 1956 — пачаўся XX зьезд КПСС, дзе прагучаў даклад Мікіты Хрушчова з асуджэньнем культу асобы Сталіна
• 1980 — у амэрыканскім Лэйк Плэсідзе пачаліся зімовыя Алімпійскія гульні
• 1984 — ізраільскі міністар абароны Арыель Шарон сышоў з пасады пасьля таго, як быў пацьверджаны ягоны ўдзел у гвалтах у Сабры і Шаціле
• 1989 — іранскі рэлігійны правадыр аятала Хамэйні абвясьціў фатву на брытанскага пісьменьніка Салмана Рушдзі за абразу ісламу ў кнізе «Сатанінскія вершы»
• 2000 — касьмічны зонд NEAR Shoemaker увайшоў на арбіту вакол малой плянэты 433 Эрас

Нараджэньні

• 1483 — Бабур, заснавальнік Імпэрыі вялікіх маголаў
• 1863 — Пётар Пятровіч Ізвольскі, расейскі дзяржаўны дзяяч, обэр-пракурор Найсьвяцейшага Сыноду
• 1869 — Чарлз Ўілсан, ангельскі фізык
• 1891 — Павал Корчык, беларускі нацыянальны дзяяч, удзельнік Слуцкага збройнага чыну
• 1901 — Павал Буцько, беларускі рэвалюцыянэр, камуніст
• 1906 — Мікалай Улашчык, беларускі гісторык і археограф
• 1907 — Алесь Звонак, беларускі паэт
• 1931 — Гэнры Тэафілус Гаванец, каталіцкі дзяяч ЗША й Казахстану, біскуп, францішканін
• 1945 — Ганс-Адам II, князь Ліхтэнштайну
• 1950 — Аляксандар Паўлоўскі, беларускі вайсковец і дыплямат
• 1969 — Антоні Клімантовіч, беларускі рэлігійны дзяяч, ксёндз
• 1970 — Вадзім Сашурын, беларускі біятляніст
• 1977 — Кэдэл Эванс, прафэсійны аўстралійскі раварыст
• 1983 — Бакары Санья, францускі футбаліст
• 1988 — Анхэль ды Марыя, аргентынскі футбаліст
• 1989 — Адам Матушчык, польскі футбаліст
• 1989 — Аляксандар Карніцкі, беларускі футбаліст
• 1992 — Крыстыян Эрыксэн, дацкі футбаліст
• 1995 — Аляксандар Янчанка, беларускі футбаліст

Сьмерці

• 1407 — Якуб Пліхта, віленскі біскуп, францішканін
• 1984 — Язэп Найдзюк, беларускі нацыянальны дзяяч
• 1989 — Вінцэнт Жук-Грышкевіч, старшыня Рады БНР
• 2014 — Гаўрыла Вашчанка, Народны мастак БССР

Сьвяты

• у каталікоў — дзень сьвятых Кірыла і Мятода, а таксама дзень сьвятога Валянціна