Карляс Тэвэс

**Карляс Тэвэс**
	Карляс Тэвэс
Пэрсанальная інфармацыя
Нарадзіўся	5 лютага 1984[…] (40 гадоў); Сьюдадэля[d], Трэс-дэ-Фэбрэра[d], Буэнас-Айрэс, Аргентына;
Рост	173 см
Вага	75 кг
Пазыцыя	нападнік
Клюбы
Зборныя

Ка́рляс Альбэ́рта Тэ́вэс (па-гішпанску: Carlos Alberto Tévez; нарадзіўся 5 лютага 1984 году, Буэнас-Айрэс, Аргентына) — былы аргентынскі футбаліст. Гуляў на пазыцыі нападніка. Мае на сваім рахунку матчы ў складзе нацыянальнай зборнай Аргентыны.

Кар’ера

Клюбная

Тэвэс пачаў сваю прафэсійную кар’еру ў клюбе «Бока Хуніёрс» ва ўзросьце шаснаццаці гадоў. У першы раз ён выйшаў на поле 21 кастрычніка 2001 году ў матчы супраць «Тальерэс». У складзе аргентынскага клюбу Тэвес дасягнуў прыкметнага посьпеху, некалькі разоў стаўшы чэмпіёнам краіны й некалькі міжнародных кубкаў.

У сьнежні 2004 году Тэвэс перайшоў у табар бразыльскага клюбу «Карынтыянс» за 20 млн даляраў. Гэтая ўгода стала самым гучным трансфэрам за ўсю гісторыю амэрыканскага футбола. Першапачаткова Тэвэс ня быў добра сустрэты заўзятарамі «Карынтыянса» — уключаючы прэзыдэнта Бразыліі Лулу да Сылву. Аднак неўзабаве ён стаў капітанам і зоркай каманды, якая пад ягоным кіраўніцтвам выйграла ў 2005 годзе чэмпіянат Бразыліі.

23 жніўня 2006 году выданьне «Sky Sports» абвесьціла, што Тэвэс вырашыў скончыць свой выступ за «Карынтыянс»^[5]. У артыкуле сьцьвярджалася, што ён, верагодна, адправіцца ў Эўропу, у «Чэлсі» альбо «Манчэстэр Юнайтэд». Але 31 жніўня, у дзень закрыцьця эўрапейскага трансфэрнага вакна, Тэвэс паведаміў на сваім ўэб-сайце, што ён і Хавіер Маскерана пераходзяць ва «Ўэст Гэм Юнайтэд» за 12 млн фунтаў стэрлінгаў^[6]. Гэтая ўгода шакавала футбольны сьвет і спарадзіла мноства чутак ў прэсе адносна сапраўднай прыроды й умоваў трансфэру^[7].

Пераход Тэвэса ў «Манчэстэр Юнайтэд» быў спалучаны зь вялікімі цяжкасьцямі, паколькі першапачаткова кіраўніцтва «Ўэст Гэму» не жадала вызваляць аргентынца ад клюбнай рэгістрацыі. Аднак, разарваўшы кантракт з «малатабойцамі» Тэвэс узгадніў умовы сваёй двухгадовай арэнды з «Манчэстар Юнайтэд» падпісаўшы новы кантракт 10 жніўня 2007 году^[8]. Ужо празь пяць дзён, 15 жніўня 2007 году аргентынец дэбютаваў за «Юнайтэд» выйшаўшы на замену ў матчы супраць «Портсмуту». У гэтай гульні ён адзначыўся галявой перадачай на Пола Скоўлза, што дазволіла зрабіць выніковы лік матчу 1:1. Свой першы гол за «Юнайтэд» Тэвэс забіў 23 верасьня 2007 году ў пераможным хатнім паядынку супраць «Чэлсі».

30 чэрвеня 2009 году тэрмін дзеяньня арэнднай дамовы паміж «Media Sports Investments» (MSI) і «Манчэстэр Юнайтэд» скончыўся, і Тэвэс пакінуў клюб на правах вольнага агента. Праз два тыдні, 14 ліпеня, ён перайшоў у «Манчэстэр Сіці» падпісаўшы з клюбам пяцігадовы кантракт. На працягу свайго першага сэзону ў «Сіці» Тэвэс быў тройчы прызнаны гульцом месяца ў клюбе, а таксама ўганараваны прэстыжнай узнагародай гульца месяца ангельскай Прэм’ер-лігі.

26 чэрвеня 2013 году афіцыйны сайт «Ювэнтуса» паведаміў аб падпісаньні трохгадовага кантракту з Тэвэсам. У новым клюбе аргенцінец атрымаў 10 нумар, пад якім да яго гуляў легендарны футбаліст клюбу Алясандра Дэль П’ера. Паводле паведамленьняў СМІ сума трансфэра склала 12 млн эўра.

18 жніўня 2013 году Тэвэс дэбютаваў у складзе італьянскага клюбу, забіўшы чацьвёрты гол у браму «Ляцыё» ў матчы за Супэркубак Італіі, які скончыўся зь лікам 4:0^[9]. А 24 жніўня ён дэбютаваў у матчах Сэрыі А, забіўшы пераможны гол у браму «Сампдорыі» ў стартавым матчы сэзону 2013—2014 гадоў^[10]. У выніку Тэвэс скончыў сэзон як лепшы бамбардзір каманды з 21 галамі ва ўсіх спаборніцтвах, і быў названы лепшым гульцом клюбу^[11].

26 чэрвеня 2015 году стала вядома, што Тэвэс вернецца ў свой родны клюб «Бока Хуніёрс», каб зьдзейсьніць сваю мару перамагчы ў чэмпіянаце Аргентыны^[12]. 13 ліпеня 2015 году «Ювэнтус» пацьвердзіў, што трансфэр пасьпяхова прайшоў і Тэвэс рушыў на радзіму. Паводле крыніцаў сума склала 6,5 млн эўра^[13]. Дзякуючы 9 галам у 15 матчаў Карляс значна дапамог свайму клюбу атрымаць перамогу ў чэмпіянаце Аргентыны, акрамя таго «Бока» стала ўладальнікам кубка краіны.

Напрыканцы 2016 году Тэвэс перайшоў у кітайскі клюб «Шанхай Шэньхуа», аднак пэрыяд праведзены ў Азіі быў непасьпяховым. Карляс стала крытыкаваўся за залішнюю вагу і дрэнную гульню, таму ўжо 5 студзеня 2018 году гулец у другі раз вярнуўся ў родны аргентынскі клюб — «Бока Хуніёрс».

Міжнародная

Дэбют Тэвэса за зборную Аргентыны адбыўся 30 сакавіка 2004 году ў матчы адборачнага тура чэмпіянату сьвету 2006 году супраць зборнай Эквадору. Зборная Аргентыны шчасна прайшла кваліфікацыю й атрымала пуцёўку ў фінальную стадыю турніру.

Дасягненьні

У кашулі клюбу «Бока Хуніёрс».

«Бока Хуніёрс»:

Чэмпіён Аргентыны: 2003(а), 2015, 2017, 2018, 2020
Уладальнік Кубка Аргентыны: 2015
Уладальнік Супэркубка Аргентыны: 2018, 2020
Уладальнік Кубка Лібэртадорэс: 2003
Уладальнік Паўднёваамэрыканскага кубка: 2003
Уладальнік Міжкантынэнтальнага кубка: 2003

«Карынтыяс»:

Чэмпіён Бразыліі: 2005

«Манчэстэр Юнайтэд»:

Чэмпіён Ангельшчыны: 2008, 2009
Уладальнік Кубка футбольнай лігі: 2009
Уладальнік Супэркубка Ангельшчыны: 2008
Пераможца Лігі чэмпіёнаў: 2008
Пераможца клюбнага чэмпіянату сьвету: 2008

«Манчэстэр Сіці»:

«Ювэнтус»:

Чэмпіён Італіі: 2014, 2015
Уладальнік Кубка Італіі: 2015
Уладальнік Супэркубка Італіі: 2013

«Шанхай Шэньхуа»:

Уладальнік Кубка Кітаю: 2017

Зборнай Аргентыны:

Алімпійскі чэмпіён: 2004

Крыніцы

^ ^а ^б ^в Carlos Tévez // Transfermarkt (мн.) — 2000.
^ ^а ^б ^в Carlos Tevez // FBref (мн.)
^ ^а ^б ^в CARLOS ALBERTO TEVEZ // Argentine Soccer Database (гішп.)
^ ^а ^б ^в ^г http://www.juventus.com/juve/it/campo/giocatori-e-staff/prima/giocatori/attaccanti/010tevez
^ Tevez goes on strike(недаступная спасылка). Sky Sports
^ Star pair to sign for Hammers(недаступная спасылка). Sky Sports
^ West Ham only club to agree to MSI’s terms. football365.com
^ Man Utd set to wrap up Tévez deal. BBC
^ «Tevez and Pogba strike in Supercup as racist taunts turns Serie A curtain-raiser sour». Daily Mail.
^ «Serie A: Carlos Tevez scores as Juventus beat Sampdoria». BBC Sport.
^ «A starring role: Tevez is this season's MVP». Juventus F.C.
^ «Carlos Tevez joins Boca Juniors from Juventus». BBC Sport.
^ «Carlos Tevez says he wants to write history after returning to Boca Juniors». Guardian.

Вонкавыя спасылкі

Профіль на афіцыйным сайце «Манчэстэр Сіці»
Статыстыка на сайце National Football Teams
Профіль на сайце soccerbase.com

[_fd660bb196ec5952-1] а ^б ^в Carlos Tévez // Transfermarkt (мн.) — 2000.

[_0990b6ad4c27f44e-2] а ^б ^в Carlos Tevez // FBref (мн.)

[_d7fac6fa3de7180b-3] а ^б ^в CARLOS ALBERTO TEVEZ // Argentine Soccer Database (гішп.)

[_33bfb9c28ecd5c63-4] а ^б ^в ^г http://www.juventus.com/juve/it/campo/giocatori-e-staff/prima/giocatori/attaccanti/010tevez

[5] Tevez goes on strike(недаступная спасылка). Sky Sports

[6] Star pair to sign for Hammers(недаступная спасылка). Sky Sports

[7] West Ham only club to agree to MSI’s terms. football365.com

[8] Man Utd set to wrap up Tévez deal. BBC

[9] «Tevez and Pogba strike in Supercup as racist taunts turns Serie A curtain-raiser sour». Daily Mail.

[10] «Serie A: Carlos Tevez scores as Juventus beat Sampdoria». BBC Sport.

[11] «A starring role: Tevez is this season's MVP». Juventus F.C.

[12] «Carlos Tevez joins Boca Juniors from Juventus». BBC Sport.

[13] «Carlos Tevez says he wants to write history after returning to Boca Juniors». Guardian.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

Пэрсанальная інфармацыя
Карляс Тэвэс

Нарадзіўся	5 лютага 1984(1984-02-05)^[1]^[2]^[3]^[…] (40 гадоў) Сьюдадэля^[d], Трэс-дэ-Фэбрэра^[d], Буэнас-Айрэс, Аргентына
Рост	173 см^[4]
Вага	75 кг^[4]
Пазыцыя	нападнік
Клюбы
Гады	Клюб	Гульні (галы)¹
2002—2005 2005—2006 2006—2009 2007—2009 2009—2013 2013—2015 2015—2017 2017—2018 2018—2021	Бока Хуніёрс Карынтыянс Ўэст Гэм Юнайтэд → Манчэстэр Юнайтэд (арэнда) Манчэстэр Сіці Ювэнтус Бока Хуніёрс Шанхай Шэньхуа Бока Хуніёрс	75 (26) 38 (25) 26 (7) 63 (19) 113 (58) 66 (39) 34 (14) 16 (4) 66 (22)
Зборныя
2004—2015	Аргентына	76 (13)