Алексіс Санчэс
Але́ксіс Аляха́ндра Са́нчэс Са́нчэс (па-гішпанску: Alexis Alejandro Sánchez Sánchez; нарадзіўся 19 сьнежня 1988 году; Такапільля, Чылі) — чылійскі футбаліст, нападнік італьянскага клюбу «Ўдынэзэ» і нацыянальнай зборнай Чылі.
| Алексіс Санчэс | ||
| ||
| Пэрсанальная інфармацыя | ||
|---|---|---|
| Нарадзіўся | 19 сьнежня 1988[1][2][3][…] (35 гадоў)
| |
| Рост | 168 см | |
| Вага | 62 кг | |
| Пазыцыя | флянгавы паўабаронца | |
| Клюбная інфармацыя | ||
| Клюб | Удынэзэ | |
| Нумар | 7 | |
| Клюбы | ||
| Гады | Клюб | Гульні (галы)¹ |
| 2005—2006 2006—2011 2006—2007 2007—2008 2011—2014 2014—2018 2018— 2019—2020 2020—2022 2022—2023 2023—2024 2024— |
Кабрэлёа Удынэзэ → Колё-Колё (арэнда) → Рывэр Плэйт (арэнда) Барсэлёна Арсэнал Манчэстэр Юнайтэд → Інтэрнацыянале (арэнда) Інтэрнацыянале Алімпік Марсэль Інтэрнацыянале Удынэзэ |
47 (12) 95 (20) 32 (5) 23 (4) 88 (39) 122 (60) 32 (3) 18 (3) 61 (13) 35 (14) 23 (2) 0 (0) |
| Зборныя | ||
| 2006— | Чылі | 166 (50) |
|
¹ Колькасьць гульняў і галоў за прафэсійны клюб лічыцца толькі | ||
Клюбная кар’ера
рэдагавацьРаньнія гады
рэдагаваць
Санчэс ёсьць выхаванцам чылійскага клюбу «Кабрэлёа». Дэбютаваў за клюб у вельмі юным узросьце й ужо да 18 гадоў стаў важным гульцом асновы й лічыўся адным з самых таленавітых гульцоў Паўднёвай Амэрыкі.
«Удынэзэ»
рэдагавацьУ 2006 годзе ён быў набыты «Ўдынэзэ» за 3 мільёны даляраў і адразу быў аддадзены ў арэнду клюбу «Колё-Колё». Санчэс правёў за клюб амаль 50 матчаў і забіў 9 галоў. Наступны сэзон ён правёў у аргентынскім клюбе «Рывэр Плэйт». У 2008 годзе «Ўдынэзэ» ня стаў аддаваць Санчэса ў арэнду, і гулец паступова заваяваў месца ў аснове італьянскага клюбу. Летам 2008 году хадзілі чуткі аб ягоным пераходзе ў «Манчэстэр Юнайтэд», дзе Санчэс павінен быў замяніць Крыштыяну Раналду ў выпадку пераходу апошняга ў «Рэал», але пераход Алексіса не адбыўся.
«Барсэлёна»
рэдагаваць21 ліпеня 2011 году быў набыты каталёнскай «Барсэлёнай», па словах прадстаўнікоў «Барсэлёны» за 26, а па словах прадстаўнікоў «Удынэзэ» за 43 млн эўра[4][5]. У новым клюбе футбаліст абраў 9 нумар[6].
Алексіс, такім чынам, стаў першым чылійцам, які гуляў за «Барсэлёну»[7]. У інтэрвію галоўны трэнэр каталёнцаў заявіў, што Санчэс яму спадабаўся тым, што можа згуляць на ўсіх трох атакавалых пазыцыях, ён паказвае інтэнсіўныя абарончыя навыкі[8].
Ягоны дэбютны сэзон у «Барсэлёне» быў часткова змрочаны кароткатэрміновымі траўмаў. Санчэс дэбютаваў 14 жніўня 2011 году ў матчы Супэркубка Гішпаніі, аднак атрымаў траўму сьцягна пасьля барацьбы з Марсэла[9]. Ужо праз два тыдня Санчэс вярнуўся ў асноўную групу гульцоў і выйшаў на замену ў матчы Супэркубку Эўропы, дзе «Барса» трывала перамогу зь лікам 2:0. У верасьні Алексіс дэбютаваў у Ля Лізе й нават забіў гол у пераможным зь лікам 5:0 матчы супраць «Вільярэалу». Аднак праз тыдзень, 10 верасьня 2011 году чыліец пакінуў пляцоўку на насілках пасьля 30 хвілінаў матчу ў супрацьстаяньні з «Рэал Сасьедадам». Санчэс вярнуўся да гульняў 1 лістапада 2011 году ў выязным матчы супраць чэскай «Вікторыі»[10]. 10 сьнежня 2011 году ён забіў гол у браму «Рэалу» ў пераможным матчы (1:3).
14 лютага 2012 году Санчэс забіў свае першыя галы ў Лізе чэмпіёнаў, дзякуючы чаму «Барсэлёна» атрымала перамогу зь лікам 3:1 у матчы супраць «Баеру».
10 лютага 2013 году Санчэс забіў свой першы гол у Ля Лізе сэзону 2012—2013 гадоў у хатнім матчы супраць «Хэтафэ», які скончыўся зь лікам 6:1[11]. Зь лютага Санчэс забіў у матчах супраць «Дэпартыва», «Мальёркі», басконскага «Атлетыка», «Бэтыса», мадрыдзкага «Атлетыка» й «Эспанёлу» да канца сэзону.
5 студзеня 2014 году нападнік аформіў свой першы хет-трык у складзе «Барсэлёны» ў перамжным зь лікам 4:0 матчы супраць «Эльчэ»[12].
«Арсэнал»
рэдагаваць10 ліпеня 2014 году Санчэс падпісаў доўгатэрміновы кантракт з «Арсэналам», як паведамляецца, сума трансфэру склала каля 30—35 млн фунтаў стэрлінгаў[13][14].
Міжнародныя выступы
рэдагаваць
Санчэс дэбютаваў за зборную, калі яму яшчэ не было 18 і заклікаецца ў ейны склад і да гэтага часу. У 2010 годзе быў уключаны ў заяўку чылійцаў на чэмпіянат сьвету.
Дасягненьні
рэдагаваць«Колё-Колё»:
- Чэмпіён Чылі: 2006(а), 2007(а)
«Рывэр Плэйт»:
- Чэмпіён Аргентыны: 2008(к)
«Барсэлёна»:
- Чэмпіён Гішпаніі: 2013
- Уладальнік Кубка Гішпаніі па футболе: 2012
- Уладальнік Супэркубка Гішпаніі па футболе: 2011, 2013
- Уладальнік Супэркубка УЭФА: 2011
- Пераможца клюбнага чэмпіяната сьвету: 2011
«Арсэнал»:
- Уладальнік Кубка Ангельшчыны: 2015, 2017
- Уладальнік Супэркубка Ангельшчыны: 2014
«Інтэрнацыянале»:
- Чэмпіён Італіі: 2021, 2024
- Уладальнік Кубка Італіі: 2022
- Уладальнік Супэркубка Італіі: 2021, 2023
Чылі:
- Уладальнік Кубка Амэрыкі: 2015, 2016
Крыніцы
рэдагаваць- ^ а б в http://www.fifa.com/fifa-tournaments/players-coaches/people=228627/index.html
- ^ а б в Alexis Sánchez // Transfermarkt (мн.) — 2000.
- ^ а б в Alexis Sánchez // FBref (мн.)
- ^ Санчес обошелся «Барсе» гораздо дороже, чем все думают. Чемпионат.com
- ^ El Barça fitxa Alexis Sánchez(недаступная спасылка). Lloc web oficial del FC Barcelona
- ^ Алексис Санчес выбрал себе номер в «Барселоне» Футбольные трансферы
- ^ Barça sign Alexis Sánchez. FC Barcelona
- ^ Alexis Sanchez joins Barcelona from Udinese for £23m. BBC Sport
- ^ Alexis Sanchez sidelined one week with injury. Barcaloco.com.
- ^ Report: Viktoria Plzen v Barcelona(недаступная спасылка). Soccernet.espn.go.com
- ^ Sanchez relieved to break goal drought. ESPN
- ^ First hat trick for Alexis Sánchez. FC Barcelona.
- ^ Alexis Sanchez agrees to join Arsenal. Arsenal.com.
- ^ Alexis Sanchez: Barcelona forward signs for Arsenal. BBC Sport.
Вонкавыя спасылкі
рэдагаваць- Профіль на афіцыйным сайце ФК «Арсэнал»
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Статыстыка на National Football Teams
- Профіль на сайце Sports.ru