Колё-Колё Сант’яга-дэ-Чылі

«Колё-Колё» (па-гішпанску: Colo-Colo) — чылійскі футбольны клюб з Сант’яга-дэ-Чылі. Быў заснаваны ў 1925 годзе, з моманту стварэньня Прэм’ер Дывізіёну ў 1933 годзе клюб ніколі не вылятаў з гэтага турніру. Свае хатнія матчы праводзіць на стадыёне «Манумэнталь Давід Арэльяна» з 1989 году. «Колё-Колё» зьяўляецца самым пасьпяховым чылійскім клюбам, адзіным клюбам з гэтай краіны які стаў пераможцам Кубку Лібэртадорэс.

Колё-Колё
Поўная назва	Club Social y Deportivo Colo-Colo
Заснаваны	19 красавіка 1925
Горад	Сант’яга-дэ-Чылі, Чылі
Стадыён	Манумэнталь Давід Арэльяна Умяшчальнасьць: 47 347
Чэмпіянат	Прымэра
· 2023	3 месца
Галерэя здымкаў у Вікісховішчы colocolo.cl (гішп.)

Сваю назву клюб атрымаў у гонар індзейскага правадыру Колёколё, які ўзьняў паўстаньне супраць гішпанскіх заваёўнікаў у XVI стагодзьдзі. «Колё-Колё» зьяўляецца самым папулярным чылійскім клюбам. Супрацьстаяньне з другой паводле папулярнасьці камандай краіны, «Унівэрсыдад Дэ Чылі», зьяўляецца «супэрклясыкам» чылійскага футболу.

Гісторыя

Давід Арэльяна. Адзін з заснавальнікаў клюбу.

Клюб быў створаны групай футалістаў, які ў 1925 годзе вырашылі пакінуць клюб «Магальянэс», з-за канфлікту з кіраўніцтвам і вэтэранамі клюбу. Узначальваў гэтую групу Давід Арэльяна.

Пасьля заснаваньня «Колё-Колё» стала ўдзельнікам першага дывізіёну мясцовай футбольнай лігі. Першы матч у сваёй гісторыі клюб правёў 31 траўня 1925]году, які скончыўся перамогай зь лікам 6:0. У тым жа сэзоне яны перамаглі свой першы «клясыка» супраць «Магальянэсу» (2:0), і ў канцы чэмпіянату «Колё-Колё» стаў непераможаным чэмпіёнам і атрымаў ганаровую мянушку — «непераможны». У канцы году каманда нават зьдзейсьніла невялікі тур па поўдні краіны, дзе згуляла некалькі матчаў зь мясцовымі камандамі.

28 сакавіка 1927 году «Колё-Колё» стаў першым чылійскім клюбам, які наведаў Эўропу, а менавіта Партугалію і Гішпанію. «Непераможныя» згулялі свой першы матч у Ля-Каруньні 3 красавіка супраць «Эйрыньні». 2 траўня 1927 году адбылася падзея, якая паўплывала на далейшае разьвіцьцё клюбу. На 35-й хвіліне таварыскага матчу супраць «Рэал Уніян» з Вальядаліду, капітан і заснавальнік клюбу Давід Арэльяна атрымаў ад праціўніка вельмі моцны ўдар нагой у жывот. Арэльяна адвезьлі ў шпіталь, але на наступны дзень ён памёр. Яму было ўсяго 24 гады. Пасьля гібелі футбаліста гульцамі было прынята рашэньне зьмясьціць чорную паласу на клюбную эмблему.

Дасягненьні

• Чэмпіён Чылі: 34

1937, 1939, 1941, 1944, 1947, 1953, 1956, 1960, 1963, 1970,

1970, 1979, 1981, 1983, 1986, 1989, 1990, 1991, 1993, 1996,

1997(К), 1998, 2002(К), 2006(А), 2006(К), 2007(А), 2007(К), 2008(К), 2009(К), 2014(К),

2015(А), 2017, 2022, 2024

• Кубак Чылі: 13

1958, 1974, 1981, 1982, 1985, 1988, 1989, 1990, 1994, 1996,

2016, 2019, 2021, 2023

• Супэркубак Чылі: 4

2017, 2018, 2022, 2024

• Кубак Лібэртадорэс: 1

1991

• Міжамэрыканскі кубак: 1

1991

• Рэкопа Паўднёвай Амэрыкі: 1

1992

• Удакладненьне: А — Апэртура, К — Кляўсура

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Браян Картэс 1995 2 Аб Хонатан Вільягра 2001 3 Аб Даніель Гут’ерэс 2003 4 Аб Алян Сальдывія 2002 5 ПА Леанарда Хіль 1991 6 ПА Сэсар Фуэнтэс 1993 7 Нап Карляс Палясіяс 2000 8 ПА Эстэбан Павэс (капітан) 1990 9 Нап Хавіер Карэа 1992 11 Нап Маркас Балядас 1996 13 Аб Бруна Гут’ерэс 2002 14 Нап Крыстыян Саваля 1999 15 Аб Эміліяна Амор 1995 16 Аб Оскар Апаса 1990 17 Аб Крыстыян Рыкельмэ 2003

№ Пазыцыя Імя Год нараджэньня 18 Аб Давід Таці 2002 19 ПА Гансалё Кастэльяні 1987 20 Нап Аляксандар Арос 2002 21 Аб Эрык Вімбэрг (ар. Ля-Калера) 1994 22 Аб Маўрысіё Ісьля 1988 23 ПА Артура Відаль 1987 25 Бр Хуліё Ф’ера 2002 26 Нап Матыяс Моя 1998 28 ПА Люкас Сота 2003 29 Нап Гільерма Пайва (ар. Алімпія) 1997 30 Бр Фэрнанда дэ Паўль 1991 32 Нап Люкас Сэпэда 2002 33 Аб Раміра Гансалес 1990 34 ПА Вісэнтэ Пісара 2002 37 Аб Максіміляна Фалькон 1997

Вонкавыя спасылкі

• Афіцыйны сайт