Дэпартыва Ля-Каруньня

«Дэпартыва» (па-гішпанску: Real Club Deportivo de La Coruña) ― гішпанскі футбольны клюб з гораду Ля-Каруньня з правінцыі Галісія. Заснаваны ў 1906 годзе. Хатнія гульні праводзіць на стадыёне «Рыясор», што ўмяшчае 34 600 гледачоў.

Дэпартыва
Поўная назва	Real Club Deportivo de La Coruña, S.A.D.
Заснаваны	1906
Горад	Ля-Каруньня, Гішпанія
Стадыён	«Рыясор» Умяшчальнасьць: 34 600
Прэзыдэнт	Антоніа Каўсейру[d]
Галоўны трэнэр	Óscar Gilsanz[d]
Чэмпіянат	Сэгунда
· 2023—2024	Прымэра дывізіён, група 1, 4 месца (падвышэньне)
Хатнія колеры Выязныя колеры
Галерэя здымкаў у Вікісховішчы rcdeportivo.es (гішп.)​ (галіс.)​ (анг.)

Пераможца чэмпіянату Гішпаніі (2000) й яшчэ пяць разоў фінішаваў другім (1950, 1994, 1995, 2001 і 2002). Двойчы выйграваў Кубак Гішпаніі й тройчы Супэркубак. Пяць разоў прымалі ўдзел у Лізе чэмпіёнаў і столькі ж разоў у Кубку УЭФА. Да правядзеньня чэмпіянату Гішпаніі клюб шэсьць разоў станавіўся чэмпіёнам Галісіі (1927, 1928, 1931, 1933, 1937, 1940).

Галоўным праціўнікам клюбу зьяўляеццца іншая каманда з Галісіі — «Сэльта» зь Віга. Традыцыйна гуляе ў бела-сініх паласатых кашулях і сініх шортах і гетрах.

Гісторыя

У 1902 годзе Хасэ Марыя Абаля вярнуўся дадому ў Ля-Каруньню пасьля навучаньня ў Ангельшчыне, дзе ён пазнаёміўся з гульнёй у футбол. У 1904 годзе ён разам зь сябрамі сабралі каманду, якую назвалі Каруньня (гішп. Coruña). Гульня ў горадзе стала больш папулярнай, калі ў прэстыжнай гімназіі гораду Sala Calvet футбол быў уведзены ў праграму навучаньня.

У сьнежні 1906 году вучні гімназіі згаданай вышэй стварылі сваю ўласную каманду, якую назвалі Club Deportivo da Sala Calvet. Праз два з паловай гады клюб атрымаў статус каралеўскага ад Альфонса XIII і з гэтага часу існуе цяперашні назоў каманды Real Club Deportivo de A Coruña.

Дасягненьні

• Чэмпіёны Гішпаніі (1): 2000
• Уладальнікі Кубку Гішпаніі (2): 1995, 2002
• Уладальнікі Супэркубку Гішпаніі (3): 1995, 2000, 2002

Вонкавыя спасылкі

• Афіцыйны сайт (гішп.)
• Неафіцыйны сайт заўзятараў (гішп.)