Рэал Сасьедад Сан-Сэбастыян

гішпанскі футбольны клюб з Сан-Сэбастыяну

«Рэал Сасьеда́д» (па-гішпанску: Real Sociedad de Futbol) — гішпанскі футбольны клюб з гораду Сан-Сэбастыян, прадстаўляе краіну баскаў. Заснаваны 7 верасьня 1909 году, быў адным з заснавальнікаў Ля Лігі ў 1928 годзе. Хатнія гульні праводзіць на арэне «Анаэта».

Рэал Сасьедад
Поўная назва Real Sociedad de Fútbol, S.A.D.
Заснаваны 1909
Горад Сан-Сэбастыян, Гішпанія
Стадыён Анаэта
Умяшчальнасьць: 32 076
Прэзыдэнт Хакін Апэрыбай[d]
Галоўны трэнэр
Чэмпіянат Ля Ліга
 · 2022—2023 4 месца
Хатнія колеры
Выязныя колеры
Галерэя здымкаў у Вікісховішчы
realsociedad.eus (баск.)​ (гішп.)​ (анг.)​ (фр.)​ (кіт.)

Найлепшыя гады каманды прыйшліся на 1980-я, калі клюб двойчы станавіўся чэмпіёнам краіны. «Рэал Сасьедад» доўгі час браў у каманду толькі баскаў, накшталт «Атлетыка» зь Більбао, але гэтая традыцыя была скасавана ў 1989 годзе, калі ў клюб быў запрошаны гулец нацыянальнай зборнай Ірляндыі й клюбу «Лівэрпул» Джон Элдрайдж.

«Рэал Сасьедад» акркамя футбольнай каманды мае такасама некалькі спартовых сэкцыяў, як то жаночы футбол, лёгкая атлетыка, хакей на траве і каманду ў басконскую гульню пэлёту.

Гісторыя рэдагаваць

Пачатак рэдагаваць

Футбол зьявіўся ў Сан-Сэбастыяне ў пачатку 1900-х, дзякуючы намаганьням студэнтаў і мігрантаў, якія вярнуліся зь Вялікабрытаніі й прывезьлі на радзіму гульню. У 1904 годзе яны ўтварылі ў San Sebastian Recreation Club. Клюб у 1905 годзе браў удзел у спаборніцтве на Кубак Гішпаніі. У траўні 1905 году быў утворны футбльны клюб «Сан-Сэбастыян» як асобная структура клюбу San Sebastian Recreation Club. У 1909 годзе кіраўніцтва новага клюбу зьвярнуліся да арганізатараў Кубку Гішпаніі аб рэгістрацыі клюбу ў турніры, але дазвол ня быў атрыманы з-за магчымасьці блытаніны з клюбам Club Ciclista de San Sebastian. Каб пазьбегнуць гэтай сытуацыі клюб быў перайменаваны ў Sociedad de Futbol 7 верасьня 1909 году. У 1910 кароль Гішпаніі Альфонса XIII, які выкарыстоўваў Сан-Сэбастыян у якасьці сваёй летняй рэзыдэнцыі, надаў клюбу сваё апекунства, дзякуючы чаму да назва была аздоблена словам «Рэал». У 1928 годзе «Рэал Сасьедад» быў у ліку заснавальнікаў Ля Лігі. У першым жа розыгрышу спаборніцтва клюб заняў выніковае чацьвертае месца, а ягоны гулец Франсыска «Пака» Біенсабас стаў найлепшым бамбардзірам чэмпіянату. Назва каманды была зьменена на Donostia Club de Futbol у 1931 годзе разам са стварэньнем Другой гішпанскай рэспублікі, але была зьменена назад на «Рэал Сасьедад» пасьля сканчэньня Грамадзянскай вайны ў Гішпаніі ў 1939 годзе. Каманда ў цэлым вагаліся паміж Ля Лігай і Сэгундай, толькі ў 1940-х гадох клюб сем разоў вылятаў і вяртаўся ў Прымэру. Прыкладна ў гэты ж час за каманду ў якасьці брамніка гуляў скульптар Эдуарда Чыльліда, пакуль траўма не паклала канец ягонай футбольнай кар’еры.

Посьпехі 1980-х рэдагаваць

Каманда заняла другое месца ў Ля Лізе ў першы раз у сэзоне 1979—1980 гадоў, набраўшы 52 пункты. У той жа час пераможца чэмпіянату «Рэал» Мадрыд атрымаў 53 пункты, а бронзавы прызэр «Спортынг Хіхон» адстаў ад басконскага клюбу нна 13 пунктаў. На наступны сэзон «Рэал Сасьедад» стаў пераможцам чэмпіянату, атрымаўшы свой ​​першы тытул і не дазволіўшы мадрыдзкаму «Рэалу» чацьверты раз запар стаць чэмпіёнам. Адобва клюбы атрымалі па 45 пунктаў, але па розьніцы мячоў клюб з Сан-Сэбастыяна апярэдзіў сталічных гульцоў[1]. Кваліфікаваўшы такім чынам у розыгрыш Кубка эўрапейскіх чэмпіёнаў сэзону 1981—1982 гадоў, «Рэал Сасьедад» быў выбіты ў першым раўндзе баўгарскім клюбам ЦСКА Сафія. Атрымаўшы паразу ў Баўгарыі зь лікам 1:0, у Гішпаніі клюбы галоў гэтак і ня здолелі забіць[2].

Дасягненьні рэдагаваць

Склад рэдагаваць

Актуальны на 11 лютага 2024 году
Пазыцыя Імя Год нараджэньня
1   Бр Алекс Рэміра 1995
2   Аб Альвара Адрыясоля 1995
3   Аб Аен Муньяс 1997
4   ПА Мартын Субімэндзі 1999
5   Аб Ігар Субэльдыя 1997
6   Аб Арыц Элюстонда 1994
7   Нап Андэр Барэнэчэа 2001
8   ПА Мікель Мэрына 1996
9   Нап Карляс Фэрнандэс 1996
10   Нап Мікель Аярсабаль (капітан) 1997
11   Нап Шэральда Бэкер 1995
12   ПА Арсэн Захаран 2003
13   Бр Унаі Марэра 2001
Пазыцыя Імя Год нараджэньня
14   Нап Такефуса Кубо 2001
15   ПА Урка Гансалес 2001
16   ПА Ён Андэр Алясагасьці 2000
17   Аб К’еран Тырні (ар. Арсэнал) 1997
18   Аб Амары Траарэ 1992
19   Нап Умар Садык 1997
20   Аб Ён Пачэка 2001
21   Нап Андрэ Сылва (ар. РБ Ляйпцыг) 1995
22   ПА Бэньят Тур’ентэс 2002
23   ПА Браіс Мэндэс 1997
24   Аб Рабэн Лё Нарман 1996
25   Аб Хавіер Галян (ар. Атлетыка) 1994
  Нап Мартын Мэркелянс 1995

Крыніцы рэдагаваць

Вонкавыя спасылкі рэдагаваць