Эльчэ (футбольны клюб)

«Эльчэ» (па-гішпанску: Elche Club de Fútbol, S.A.D.) — прафэсійны гішпанскі футбольны клюб з гораду Эльчэ. Клюб быў заснаваны ў 1923 годзе ў выніку зьліцьця ўсіх клюбаў гораду. Хатнія матчы каманда праводзіць на стадыёне «Мануэль Мартынэс Валера», умяшчальнасьцю 36 017 месцаў.

Эльчэ
Поўная назва	Elche Club de Fútbol, S.A.D.
Заснаваны	1923
Горад	Эльчэ, Гішпанія
Стадыён	Мануэль Мартынэс Валера Умяшчальнасьць: 36 017
Галоўны трэнэр	Франсіска Радрыгес[d]
Чэмпіянат	Ля Ліга
· 2021—2022	13 месца
Хатнія колеры Выязныя колеры Трэція колеры
elchecf.es​(гішп.)

Гісторыя

Раньнія гады

«Эльчэ» быў заснаваны ўлетку 1923 году, пасьля аб’яднаньня ўсіх футбольных камандаў гораду. Першая ў гульня новага клюбу прайшла супраць каманды «Манавар», дзе «Эльчэ» атрымаў перамогу над гаспадарамі поля зь лікам 4:0. Але першым афіцыйным быў матч супраць клюбу «Крэвільлентэ Дэпартыва», дзе «Эльчэ» зноўку быў мацнейшым зь лікам 2:0. Свой першы сэзон 1929—1930 гадоў клюб правёў у Тэрсэры, дасягнуўшы прасоўваньня ў Сэгунду ў 1934 годзе. Праз шэсьць гадоў клюб вылецеў зь лігі, аднак на наступны год зноўку вярнуўся ў яе.

У канцы 1950-х гадоў «Эльчэ» пасьлядоўна прасунулася з трэцяга дывізіёну ў Ля Лігу, забясьпечыўшы выніковы посьпех перамогай зь лікам 3:0 над клюбам «Тэнэрыфэ» ў 1959 годзе.

Ля Ліга

«Эльчэ» распачаў свае выступы ў Ля Лізе нічыёй зь лікам 1:1 супраць «Рэал Аўеда», першым узяцьцем брамы суперніка адзначыўся Вісэнтэ Пает. Клюб фінішаваў на 10 месцы з 16, на дзевяць пунктаў апярэдзіўшы «Асасуну», якая паводле выніках вылецела зь лігі. Першы сэзон уключаў у сабе гэткія падзеі, як хатняя перамога над «Барсэлёнай» зь лікам 2:1 і буйную паразу мадрыдзкаму «Рэалу» зь лікам 2:11. У наступным сэзоне клюб заняў 14 месца й прыняў удзел у матчах за права застацца ў найвышэйшым дывізіёне, дзе сустракаўся з клюбам «Атлетыка» з Сэўты, атрымаўшы паразу 0:1 у першай гульні й перамогшы клюб з афрыканскага берагу зь лікам 4:0.

Свайго найлепшага выніку «Эльчэ» дасягнуў у сэзоне 1963—1964 гадоў, калі клюб заняў выніковы 5 радок у табліцы. Сэзон таксама сьведчыў у посьпех рэзэрвовай каманды, якая здолела прасунуцца ў Сэгунду. У 1969 годзе клюб дасягнуў свайго першага й пакуль адзінага фіналу Кубку Гішпаніі, пасьля пасьлядоўнымі перамогамі над «Пантэвэдрай», «Валенсіяй» і «Рэал Сасьедадам». У паўфінале супраць апошняга «Эльчэ» атрымаў перамогу зь лікам 2:0 у перагулёўцы на нэўтральным полі ў Мадрыдзе. Фінал прайшоў 15 чэрвеня на стадыёне «Сант’яга Бэрнабэў», дзе ўладальнікам прэстыжнага трафэю стаўся басконскі клюб «Атлетык» зь Більбао.

Склад

Актуальны на 11 лютага 2023 году

№ Пазыцыя Імя Год нараджэньня 1 Бр Аксэль Вэрнэр 1996 2 Аб Ляўтара Блянка 1999 3 Аб Энца Рока 1992 4 Аб Дыега Гансалес 1995 5 Аб Гансалё Вэрду (капітан) 1988 6 Аб Пэдра Бігас 1990 7 Аб Лісандра Магальян 1993 8 ПА Рауль Гуці 1996 9 Нап Люкас Бае 1996 10 Нап Пэрэ Мільля 1992 11 Нап Тэтэ Марэнтэ 1996 13 Бр Эдгар Бадыя 1992 14 Аб Элібэльтан Палясіяс 1993

№ Пазыцыя Імя Год нараджэньня 15 Нап Алекс Кальяда (ар. Барсэлёна) 1999 16 Нап Фідэль Чавэс 1989 17 Нап Хасэ Памарэс 1989 18 ПА Рандзі Нтэка (ар. Раё) 1997 19 Нап Эсэк’ель Понсэ 1997 20 ПА Жэрар Гумбаў 1994 21 ПА Амар Маскарэль 1993 22 Аб Нікаляс Фэрнандэс 2000 23 Аб Карляс Клерк 1992 24 Аб Поль Ліроля (ар. Марсэль) 1997 26 Аб Джон Нванква 2000 40 Аб Хасэ Анхэль Кармона (ар. Сэвільля) 2002

Вонкавыя спасылкі

• Афіцыйны сайт клюбу^(гішп.)
• Профіль клюбу^(гішп.) на сайце Futbolme
• Профіль клюбу^(анг.) на сайце BDFutbol