Уладзімер Пяцігорац
Уладзімер Пяцігорац (нарадзіўся 12 красавіка 1990 году) — беларускі футбаліст, брамнік гомельскага «Паперпраму».
| Уладзімер Пяцігорац | ||
| Пэрсанальная інфармацыя | ||
|---|---|---|
| Нарадзіўся | 12 красавіка 1990[1] (34 гады) | |
| Рост | 187 см | |
| Вага | 80 кг[2] | |
| Пазыцыя | брамнік | |
| Клюбная інфармацыя | ||
| Клюб | Колас Ігумен[d] | |
| Нумар | 12 | |
| Клюбы | ||
| Гады | Клюб | Гульні (галы)¹ |
| 2008—2011 | Партызан Менск | 43 (0) |
| 2012 | Гарадзея | 12 (0) |
| 2013 | Тарпэда-БелАЗ | 1 (0) |
| 2014—2015 | Гарадзея | 6 (0) |
| 2016—2018 | Тарпэда Менск | 37 (0) |
| 2019 | Белшына | 14 (0) |
| 2020—2021 | Спадарожнік | 25 (0) |
| 2021 | Арсэнал Койданаў | 12 (0) |
| 2022 | Дняпро Магілёў | 7 (0) |
| 2023 | Менск | 5 (0) |
| 2024 | Паперпрам | 3 (0) |
| 2024— | Колас Ігумен[d] | 3 (0) |
| Зборныя | ||
| 2010 | Беларусь (да 21) | 3 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьПачынаў кар’еру ў менскім МТЗ-РІПА (пазьней «Партызан»). Спачатку гуляў за дубль, а ў сэзоне 2010 году стаў асноўным брамнікам каманды. Па спыненьні існаваньня «Партызана» ў пачатку 2012 году перайшоў у «Гарадзею». У студзені 2013 году склаў угоду з жодзінскім «Тарпэда-БелАЗ»[3]. У жодзінскім клюбе стаў трэцім брамнікам. Свой адзіны матч у аснове згуляў 7 ліпеня 2013 году супраць «Гомля». У гэтым матчы прапусьціў гол з чужой паловы поля ад Аляксандра Карніцкага.
У лютым 2014 году вярнуўся ў «Гарадзею»[4], дзе стаў другім брамнікам пасьля Сімаса Скіндэрыса. У студзені 2015 году падоўжыў кантракт з «Гарадзеяй»[5]. У сэзоне 2015 году зьявіўся на полі толькі двойчы, абодва разы ў матчах Кубка Беларусі.
У лютым 2016 году праходзіў прагляд у гарадзенскім «Нёмане» і «Лідзе», але беспасьпяхова[6][7]. У выніку, узмацніў склад менскага «Тарпэда»[8], дзе быў галоўным брамнікам. У сьнежні 2017 году паводле пагадненьня бакоў пакінуў сталічны клюб[9], аднак у лютым 2018 году вярнуўся ў каманду і неўзабаве падпісаў новае пагадненьне[10]. Сэзон 2018 году пачынаў у дублі тарпэдаўцаў, але пазьней стаў рэзэрвовым брамнікам, на полі зьявіўся ў адным матчы.
У сакавіку 2019 году на ўзаемную згоду скасаваў кантракт з «Тарпэда»[11] і неўзабаве далучыўся да бабруйскай «Белшыны»[12]. У складзе каманды чаргаваўся на полі зь Сяргеем Туранком, дапамог бабруйчанам перамагчы ў Першай лізе. У студзені 2020 году стала вядома, што брамнік пакідае «Белшыну»[13]. У лютым 2020 году стаў гульцом рэчыцкага «Спадарожніка»[14]. Быў першым брамнікам каманды, разам зь ёй выйшаў у Найвышэйшую лігу. У лютым 2021 году падоўжыў кантракт з «Спадарожнікам»[15]. У першай палове 2021 году быў другім брамнікам «Спадарожніка» пасьля Канстанціна Рудзянка.
У ліпені 2021 году перайшоў у койданаўскі «Арсэнал»[16]. У складзе каманды чаргаваўся з Данілам Сокалам, разам з «Арсэналам» трэці раз запар перамог у Першай лізе. У студзені 2022 году па заканчэньні кантракту пакінуў клюб[17], пасьля чаго некаторы час праходзіў прагляд у петрыкаўскім «Шахцёры». У лютым 2022 году пачаў трэнавацца з магілёўскім «Дняпром», зь якім у сакавіку падпісаў кантракт[18]. Стаў другім брамнікам каманды, саступіўшы канкурэнцыю Уладзімеру Жураву. У лютым 2023 году па заканчэньні дамовы пакінуў магілёўскі клюб[19].
У сакавіку 2023 году стаў футбалістам «Менску»[20]. У камандзе быў другім брамнікам пасьля Аляксандра Нячаева. Пакінуў сталічны клюб у сьнежні 2023 году[21]. У лютым 2024 году далучыўся да гомельскага «Паперпраму»[22].
Міжнародная
рэдагавацьУ 2010 годзе выступаў за моладзевую зборную Беларусі.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Тарпэда Менск | 2016 | Першая ліга | 19 | –26 |
| 2017 | Першая ліга | 17 | –16 | |
| 2018 | Найвышэйшая ліга | 1 | –3 | |
Крыніцы
рэдагаваць- ^ а б в Vladimir Pyatigorets // Transfermarkt (мн.) — 2000.
- ^ а б https://www.pressball.by/footballstat/vladimir_pjatigorets/
- ^ Голкипер Владимир Пятигорец подписал контракт с жодинским «Торпедо-БелАЗ» (рас.)
- ^ Лучший бомбардир первой лиги перешел в "Городею" (рас.)
- ^ Семеро футболистов продлили контракты с "Городеей" (рас.)
- ^ Пятигорец покинул "Неман", на просмотр приехал голкипер могилевского "Днепра" (рас.)
- ^ Пятигорец и Ходенков на просмотре в "Лиде" (рас.)
- ^ Пятигорец, Алексиян, Шепетовский и Сапон стали игроками минского "Торпедо" (рас.)
- ^ Пятигорец покинул минское "Торпедо" (рас.)
- ^ Пятигорец вернулся в минское "Торпедо" (рас.)
- ^ УЛАДЗIМIР ПЯЦIГОРАЦ ПАКIДАЕ МIНСКАЕ “ТАРПЕДА” (бел.) Афіцыйны сайт менскага «Тарпэда»
- ^ Пятигорец перешел в «Белшину» (рас.)
- ^ Пятигорец покинул "Белшину" (рас.)
- ^ Пятигорец пришел в "Спутник" (рас.)
- ^ "Спутник" подписал контракт с Пятигорцем (рас.)
- ^ Владимир Пятигорец - игрок дзержинского «Арсенала» (рас.)
- ^ Пятигорец и Васильев покинули "Арсенал" (рас.)
- ^ Владимир Пятигорец - футболист Днепра (рас.) Афіцыйны сайт магілёўскага «Дняпра»
- ^ Пятигорец расстался с "Днепром" (рас.)
- ^ Пятигорец перешел в "Минск" (рас.)
- ^ "Минск" объявил о расставании с Пятигорцем (рас.)
- ^ Вратарь "Минска" перешел в "Бумпром" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)