Вікіпэдыя:Адміністрацыя/Абраньне

	*Гэтая старонка плянуецца* ў якасьці правіла Вікіпэдыі.** Прапанова можа быць у працэсе распрацоўкі, абмеркаваньня, дасягненьня кансэнсусу ці галасаваньня, таму не спасылайцеся на яе, як на дзейнае правіла.

Адміністратары і бюракраты абіраюцца на тры гады. Па заканчэньні тэрміну яны губляюць паўнамоцтвы, калі адмаўляюцца ад паўторнага вылучэньня, а таксама калі не адпавядаюць патрабаваньням для абраньня. Вынік галасаваньня для іх абавязковы: пры атрыманьні меншасьці галасоў у падтрымку, адміністратар (бюракрат) мае пакінуць сваю пасаду.

Патрабаваньні пры вылучэньні рэдагаваць

Знаёмасьць зь Вікіпэдыяй і прыняцьцё яе мэтаў.
Прытрымліваньне прынцыпаў Вікіпэдыі і рашэньняў, прынятых падчас апытаньняў, нават пры нязгодзе зь імі.
Чынны ўнёсак у Беларускую Вікіпэдыю цягам 4-х месяцаў да вылучэньня.
Прынамсі 1000 рэдагаваньняў у Беларускай Вікіпэдыі.

Хада вылучэньня рэдагаваць

Галасаваньне доўжыцца тры тыдні. Пры галасаваньні ўлічваюццца толькі галасы за і супраць. Права галасаваць маюць удзельнікі, якія на пачатак галасаваньня:

зрабілі прынамсі 100 рэдагаваньняў у Беларускай Вікіпэдыі;
не заблякаваныя ад рэдагаваньня;
мелі прынамсі 20 рэдагаваньняў цягам трох апошніх месяцаў у Беларускай Вікіпэдыі;
ня робаты.

У выніку ўзьнікненьня супярэчнасьцяў, ва ўсіх выпадках перавага заўсёды застаецца за патрабаваньнямі зь Вікіпэдыя:Галасаваньні.

Зваротная сіла рэдагаваць

На гэтае правіла распаўсюджваецца норма зваротнай сілы. Гэта значыць, што патрабаваньні гэтага правіла не распаўсюджваюцца на адносіны, якія ўзьніклі да яго ўхваленьня супольнасьцю.