Банкаўскі працэсінгавы цэнтар
Каардынаты: 53°51′55″ пн. ш. 27°29′18″ у. д. / 53.86528° пн. ш. 27.48833° у. д.
«Банкаўскі працэсінгавы цэнтар» — прадпрыемства безнаяўных разьлікаў Беларусі, заснаванае ў жніўні 2002 году найбольшымі банкамі і прамысловымі прадпрыемствамі краіны.
 | |
 | |
| Тып | адкрытае акцыйнае таварыства |
|---|---|
| Заснаваная | 20 жніўня 2002 (22 гады таму)[1] |
| Заснавальнікі | «Белаграпрамбанк», «Беларусбанк» і «Белінвэстбанк» |
| Уласьнікі | 11 банкаў Беларусі |
| Краіна | Беларусь |
| Разьмяшчэньне | Менск |
| Адрас | Маскоўскі раён, прасп. Дзяржынскага, д. 69, корп. 1[2] |
| Ключавыя фігуры | Аляксандар Сотнікаў (генэральны дырэктар)[3] |
| Галіна | сфэра паслугаў |
| Прадукцыя | безнаяўны разьлік[d][4] |
| Паслугі | безнаяўны разьлік |
| Даччыныя кампаніі | Белкарт[5] |
На 2022 год «БПЦ» аказваў паслугі: пацьверджаньня разьлікаў з выкарыстаньнем банкаўскіх аплатных картак, вядзеньня базаў зьвестак гэтых картак, банкаматаў і аплатных тэрміналаў, вызначэньня картак і разьліку з карткамі аплатных сыстэмаў, падлучэньня і абслугоўваньня банкаматаў і тэрміналаў у крамах. «БПЦ» падтрымліваў карткі 6 аплатных сыстэмаў: «Белкарт» і «Амэрыкан Экспрэс», «Віза» (ЗША) і «Майстаркард» (ЗША), «Мір» (Расея) і «ЮніёнПэй» (Кітай)[6].
Будова
рэдагавацьНа 2022 год «Банкаўскі працэсінгавы цэнтар» меў:
- 5 абласных аддзяленьняў у абласных цэнтрах Беларусі;
- 16 мясцовых прадстаўніцтваў ва ўсіх 6 абласьцях — па 3 у Берасьцейскай (Баранавічы, Бяроза і Пінск) і Віцебскай (Ворша, Глыбокае і Полацак), 3 у Гарадзенскай (Ваўкавыск, Ліда і Смаргонь) і 2 у Гомельскай (Жлобін і Мазыр), 2 у Магілёўскай (Бабруйск і Крычаў) і 3 у Менскай (Барысаў, Вялейка і Слуцак)[7].
Мінуўшчына
рэдагаваць20 жніўня 2002 году найбуйнейшыя банкі і прамысловыя прадпрыемствы Беларусі стварылі адкрытае акцыйнае таварыства «Банкаўскі працэсінгавы цэнтар» («БПЦ») для разьвіцьця безнаяўных разьлікаў з выкарыстаньнем банкаўскіх плястыкавых картак і разьвіцьця інфраструктуры абслугоўваньня трымальнікаў гэтых картак. На 2011 год «БПЦ» абслугоўваў большасьць банкаматаў і інфакіёскаў у Беларусі. Пры гэтым, «БПЦ» пацьвярджаў карткавыя грашовыя пераводы і вёў базы зьвестак гэтых картак, банкаматаў і аплатных тэрміналаў, а таксама вызначэньне картак і разьлік імі праз аплатныя сыстэмы. Урэшце, падлучаў і абслугоўваў банкаматы і аплатныя тэрміналы ў крамах[8]. У 2012 годзе «БПЦ» упершыню правёў грашовы перавод бескантактнай карткай пры дапамозе зносінаў блізкага поля(hr) (ЗБП)[9]. У жніўні 2013 году «Банкаўскі працэсінгавы цэнтар» і «Белаграпрамбанк», «Беларусбанк» і «Белінвэстбанк» заключылі Дамову аб стварэньні закрытага акцыйнага таварыства «Белкарт». На той час на долю «Белакарт» прыпадала 46 % аплатных картак Беларусі ў абарачэньні. Удзельнікамі гэтай аплатнай сыстэмы былі 20 банкаў Беларусі[10]. На ліпень 2014 году карыстальнікамі паслугаў «БПЦ» былі «Белаграпрамбанк» і «Беларусбанк», «Белінвэстбанк» і «БПБ-Ашчадбанк», а таксама «Прыёрбанк»[11].
На сакавік 2016 году карыстальнікамі паслугаў «БПЦ» сталі больш як 10 банкаў Беларусі, у тым ліку «Белгазпрамбанк» і «Парытэтбанк»[12]. 1 чэрвеня 2016 году «БПЦ» укараніў праграмны модуль «Прадухіленьне махлярства», які пры дапамозе статыстычнага анлайн-аналізу адмаўляў у правядзеньні грашовага пераводу пры спробе махляра выкарыстаць банкаўскую картку[13]. Праграмны модуль «Прадухіленьне махлярства» адмаўляў у плацяжы, калі той быў незвычайным паводле месца і краіны, вялікай колькасьці выплатаў за дзень і памеру, а таксама пры зьняцьці ўсіх грошай з банкаўскага рахунку[14]. На кастрычнік 2016 году «Банкаўскі працэсінгавы цэнтар» абслугоўваў каля 10 млн банкаўскіх картак праз амаль 70 000 прадпрыемстваў гандлю, а таксама звыш 2500 банкаматаў і каля 3000 інфакіёскаў[15].
На травень 2017 году «БПЦ» абслугоўваў звыш 9,6 млн картак праз 71 200 прадпрыемстваў гандлю і паслугаў, звыш 112 000 аплатных тэрміналаў, 2600 банкаматаў і каля 2800 інфакіёскаў[16]. На люты 2018 году абслугоўвалі каля 10 млн картак праз больш як 76 000 прадпрыемстваў гандлю, 3100 банкаматаў і звыш 2700 інфакіёскаў[17]. За 2003—2018 гады «Банкаўскі працэсінгавы цэнтар» пашырыў ахоп сваімі паслугамі з 761 700 да 9,434 млн банкаўскіх картак і з 2,23 млн да 113 млн фінансавых разьлікаў за месяц, з 558 да 71 451 прадпрыемства гандлю і з 3148 да 122 109 аплатных тэрміналаў, з 350 да 2446 банкаматаў і з 53-х да 2512 інфакіёскаў. Па выніках 2018 году 95 % незаконных разьлікаў прыпала на выкарыстаньне выдадзененых махлярам рэквізытаў аплатных картак у абслугоўваньні «БПЦ» (тэлефоннывішынг). Яшчэ 3 % прыпала на падробленыя карткі і 2 % на згубленыя і скрадзеныя карткі, па якіх 68 % скімінгу ажыцьцявілі ў Санкт-Пецярбургу. Рэшта прыпадала на Ўкраіну і Турэччыну, Італію і Вялікабрытанію, а таксама Баўгарыю. Пры гэтым, за 2018 год лік махлярскіх разьлікаў зьнізіўся на 13 % дзякуючы апавяшчэньню праз аплатныя сыстэмы і банкі пра небясьпечнасьць паведамленьня пры тэлефанаваньні такіх зьвестак, як: поўны нумар банкаўскай аплатнай карткі і тэрмін яе дзеяньня, 3-лічбавы код праверкі карткі (КПК) на адваротным баку карткі і аднаразовы смс-код пацьверджаньня аплаты[18].
У лютым 2019 году лік грашовых пераводаў бескантактнымі карткамі пры дапамозе зносінаў блізкага поля (ЗБП) зраўняўся зь пераводамі па мікрачыпе, бо доля такіх пераводаў павялічылася да 31 %. За папярэднія 12 месяцаў лік бескантактных пераводаў вырас у 2,8 разы, а сума такіх пераводаў — у 2,7 разы. Доля бескантактных картак сярод вызначаных «БПЦ» дасягнула 77 % у сувязі з пашырэньнем дадаткаў для аплаты смартфонам і інфраструктуры прыёму бескантактных картак[9]. На сакавік 2019 году абслугоўвалі звыш 9,4 млн картак праз 80 000 прадпрыемстваў, 122 000 тэрміналаў, звыш 2400 банкаматаў і 2500 інфакіёскаў[19]. У 2019 годзе апрацавалі 11-кратна больш такенізаваных разьлікаў у сувязі з укараненьнем дадаткаў аплаты на смартфонах «Самсунг» (Паўднёвая Карэя) і «Эпл» (ЗША). У сакавіку 2020 году доля аплаты бескантактнымі банкаўскімі карткамі пры дапамозе зносінаў блізкага поля (ЗБП) вырасла ў 2,5 разы да звыш 50 %. 9 красавіка 2020 году «БПЦ» павысіў магчымасьць аплаты бескантактнымі карткамі праз тэрміналы без уводу пэрсанальнага ідэнтыфікацыйнага нумару (ПІН) з 20 да 80 рублёў. Доля бескантактных картак у абслугоўваньні «БПЦ» перавысіла 90 %. Такія карткі выпускалі 4 аплатныя сыстэмы: «Белкарт» і «Віза» (ЗША), «Майстаркард» (ЗША) і «Мір» (Расея) праз 5 банкаў — «Белаграпрамбанк» і «Беларусбанк», «БПБ-Ашчадбанк» і «Беларуска-швайцарскі банк», а таксама «Прыёрбанк». У выніку абнаўленьня тэрміналаў на прадпрыемствах гандлю для прыёму бескантактных картак доля адпаведных тэрміналаў склала каля 80 %[20].
На красавік 2020 году «Банкаўскі працэсінгавы цэнтар» абслугоўваў каля 9,4 млн картак праз амаль 85 000 прадпрыемстваў гандлю і 97 500 аплатных тэрміналаў, 2440 банкаматаў і 2550 інфакіёскаў[21]. 23 красавіка 2020 году «БПЦ» укараніў паслугу «Наяўныя кодам» у банкаматах «Беларусбанка», што дазваляла зьняць наяўныя грошы без выкарыстаньня банкаўскай карткі і наведваньня банкаўскага аддзяленьня, у тым ліку іншай асобе. Наяўныя кодам заказвалі праз інтэрнэт-банкінг і банкамат шляхам уводу сумы і нумара мабільнага тэлефона атрымальніка. Код з 2-х частак дастаўляўся 2-ма спосабамі і быў сапраўдны цягам 24-х гадзінаў для аднаго зьняцьця наяўных грошай[22]. 13 траўня 2020 году Сходы пайшчыкаў «БПЦ» і «Белкарт» ухвалілі Рашэньне аб далучэньні ЗАТ «Белкарт» да «БПЦ». Паі «Белкарт» абменьвалі на дадаткова выпушчаныя звычайныя паі «БПЦ», якія разьмяркоўвалі сярод пайшчыкаў «БПЦ». Па 2 паі атымлівалі «Белаграпрамбанк» і «Беларусбанк», а таксама «Белінвэстбанк». На 1 красавіка 2020 году аплатная сыстэма «Белкарт», створаная ў 1994 годзе, мела звыш 4,95 млн картак у абарачэньні[23].
На люты 2021 году «БПЦ» абслугоўваў 11 банкаў Беларусі: «Белаграпрамбанк» і «Беларусбанк», «Беларускі народны банк» і «Белінвэстбанк», «БПБ-Ашчадбанк» і «БТА Банк», «Парытэтбанк» і «Рашэньне», «Франсабанк» і «Цэптар Банк»[24], а таксама «Беларуска-швайцарскі банк». На сакавік 2021 году абслугоўвалі звыш 8,7 млн картак праз больш за 75 000 прадпрыемстваў гандлю і 121 200 аплатных тэрміналаў, звыш 2500 банкаматаў і 2400 інфакіёскаў[25]. На красавік 2022 году «БПЦ» абслугоўваў 9,6 млн картак праз 76 600 прадпрыемстваў і 125 000 тэрміналаў, 2500 банкаматаў і каля 2000 інфакіёскаў[26]. 11 жніўня 2022 году «БПЦ» запусьціў дадатак «Белкарт» для бескантактнай аплаты з дапамогай смартфона празь лічбавы код. Паслуга стала даступнай трымальнікам картак 6 банкаў: «Белаграпрамбанк» і «Беларусбанк», «БТА Банк» і «Парытэтбанк», «Рашэньне» і «Цэптар Банк». Дадатак працаваў на апэрацыйнай сыстэме «Андроід» (ад вэрсіі 6.0) пры дапамозе зносінаў блізкага поля (ЗБП). Для ўліку карткі ў дадатку патрабавалася падлучэньне да Сеціва[27].
18 кастрычніка 2022 году кіраўнік «БПЦ» Аляксандар Сотнікаў паведаміў пра даступнасьць плацяжоў для «Белкарт» у Расеі ў выніку спалучэньня з аплатнай сыстэмай «Мір», пра якое дамовіліся ў лютым 2019 году. Выдаткі «Белкарт» на сынхранізаваньне аплаты склалі 180 000 эўра. Пры гэтым, плацяжы празь беларускія карткі ў Расеі сталі даступнымі і анлайн, але без грашовага пераводу між карткамі беларускай і расейскай аплатных сыстэмаў[28]. На кастрычнік 2022 году «Банкаўскі працэсінгавы цэнтар» абслугоўваў звыш 9,2 млн аплатных картка праз 74 200 падлучаных прадпрыемстваў гандлю і паслугаў, 125 000 аплатных тэрміналаў, каля 2400 банкаматаў і каля 1700 інфакіёскаў[29]. На травень 2023 год ураду Беларусі належала 38 % паёў «БПЦ»[30].
Крыніцы
рэдагаваць- ^ ААТ «Банкаўскі працэсінгавы цэнтар» (рас.) // ТАА «БізІнспэкт», 2022 г. Праверана 27 кастрычніка 2022 г.
- ^ Схема праезду (рас.) // ААТ «Банкаўскі працэсінгавы цэнтар», 2022 г. Праверана 27 кастрычніка 2022 г.
- ^ Усе банкі Беларусі да ІІ квартала 2023 года будуць эмітаваць карткі БЕЛКАРТ // Беларускае тэлеграфнае агенцтва, 18 кастрычніка 2022 г. Праверана 27 кастрычніка 2022 г.
- ^ https://zviazda.by/be/news/20190524/1558709652-bankauski-pracesingavy-centr-ab-byaspechnym-vykarystanni-placezhnyh-kartak
- ^ https://blr.belta.by/economics/view/platsezhnuju-sistemu-belkart-daluchats-da-bankauskaga-pratsesingavaga-tsentra-87632-2020/
- ^ Аб прадпрыемстве (рас.) // ААТ «Банкаўскі працэсінгавы цэнтар», 2022 г. Праверана 27 кастрычніка 2022 г.
- ^ Менск і абласныя аддзяленьні (рас.) // ААТ «Банкаўскі працэсінгавы цэнтар», 2022 г. Праверана 27 кастрычніка 2022 г.
- ^ «БелКарт» папярэджвае аб магчымасьці махлярства па картках на Новы год // Газэта «Наша ніва», 29 сьнежня 2011 г. Праверана 27 кастрычніка 2022 г.
- ^ а б «Банкаўскі працэсінгавы цэнтар» фіксуе рост папулярнасьці бескантактавых плацяжоў // Беларускае тэлеграфнае агенцтва, 3 красавіка 2019 г. Праверана 27 кастрычніка 2022 г.
- ^ Сяргей Куркач. Сыстэма «БелКарт» атрымала асобны юрыдычны статус // Газэта «Зьвязда», 20 жніўня 2013 г. Праверана 27 кастрычніка 2022 г.
- ^ Ноччу 10 ліпеня могуць не працаваць карткі некаторых беларускіх банкаў // Беларускае тэлеграфнае агенцтва, 9 ліпеня 2014 г. Праверана 27 кастрычніка 2022 г.
- ^ Збоі пры прымяненьні банкаўскіх картак магчымы ў Беларусі ноччу і раніцай 19 сакавіка // БелТА, 15 сакавіка 2016 г. Праверана 27 кастрычніка 2022 г.
- ^ У Беларусі ўкаранёна праграма па спыненьні махлярства з банкаўскімі карткамі ў момант аўтарызацыі // БелТА, 21 чэрвеня 2016 г. Архіўная копія ад 21 чэрвеня 2016 г. Праверана 27 кастрычніка 2022 г.
- ^ У Беларусі ўкаранілі сыстэму, якая будзе блякаваць падазроныя апэрацыі па картках // Газэта «Наша ніва», 21 чэрвеня 2016 г. Праверана 27 кастрычніка 2022 г.
- ^ «БПЦ» папярэдзіў пра магчымыя збоі ў рабоце картак уначы 23 лістапада // Радыё «Спадарожнік», 14 кастрычніка 2016 г. Праверана 27 кастрычніка 2022 г.
- ^ Банкаўскія карткі могуць не працаваць у Беларусі ўначы 28 мая // БелТА, 23 траўня 2017 г. Праверана 27 кастрычніка 2022 г.
- ^ Зранку 6 лютага ў Беларусі могуць не працаваць банкаўскія карткі // «Эўрапейскае радыё для Беларусі», 5 лютага 2018 г. Праверана 27 кастрычніка 2022 г.
- ^ Зробім безнаяўныя апэрацыі бясьпечнымі // Зьвязда : газэта. — 25 траўня 2019. — № 96 (28963). — С. 4. — ISSN 1990-763x.
- ^ Банкаўскія карткі могуць не працаваць у ноч на 16 сакавіка // Газэта «Наша ніва», 12 сакавіка 2019 г. Праверана 27 кастрычніка 2022 г.
- ^ «Банкаўскі працэсінгавы цэнтар» павялічыў ліміт па бескантактавых картках без уводу ПІН-кода да Br80 // БелТА, 9 красавіка 2020 г. Архіўная копія ад 9 красавіка 2020 г. Праверана 27 кастрычніка 2022 г.
- ^ Карткі некаторых банкаў могуць не працаваць уначы 18 красавіка // БелТА, 16 красавіка 2020 г. Праверана 27 кастрычніка 2022 г.
- ^ У банкаматах «Беларусбанка» можна будзе здымаць наяўныя бяз карткі // Газэта «Зьвязда», 23 красавіка 2020 г. Праверана 27 кастрычніка 2022 г.
- ^ Плацежную сістэму «Белкарт» далучаць да «Банкаўскага працэсінгавага цэнтру» // БелТА, 13 траўня 2020 г. Праверана 27 кастрычніка 2022 г.
- ^ 16 лютага некаторыя банкаматы і тэрміналы могуць не працаваць // Газэта «Зьвязда», 15 лютага 2021 г. Праверана 27 кастрычніка 2022 г.
- ^ «Банкаўскі працэсінгавы цэнтар» правядзе тэхработы ноччу 27 сакавіка // БелТА, 23 сакавіка 2021 г. Праверана 27 кастрычніка 2022 г.
- ^ Карткі некаторых банкаў могуць не працаваць у ноч на 22 красавіка // Газэта «Зьвязда», 20 красавіка 2021 г. Праверана 27 кастрычніка 2022 г.
- ^ У Беларусі запусьцілі дадатак бескантактавай аплаты «Белкарт Пэй» // БелТА, 11 жніўня 2022 г. Архіўная копія ад 12 жніўня 2022 г. Праверана 27 кастрычніка 2022 г.
- ^ Сыстэмы «Белкарт» і «Мір» поўнасьцю інтэгравалі // Радыё «Спадарожнік», 18 кастрычніка 2022 г. Праверана 27 кастрычніка 2022 г.
- ^ Магчымасьць поўнага абслугоўваньня кліентаў па картках «Віза» адноўлена // Беларускае тэлеграфнае агенцтва, 24 кастрычніка 2022 г. Праверана 26 кастрычніка 2022 г.
- ^ Беларуская плацежная сыстэма расьце на фоне санкцый – Нацбанк // Радыё «Спадарожнік», 20 траўня 2023 г. Праверана 20 траўня 2023 г.
Вонкавыя спасылкі
рэдагаваць- Зваротная сувязь (рас.) // ААТ «Банкаўскі працэсінгавы цэнтар», 2022 г. Праверана 27 кастрычніка 2022 г.
- Электронныя звароты (рас.)
- «Банкаўскі працэсінгавы цэнтар» // Газэта «Зьвязда», 25 траўня 2019 г. Праверана 27 кастрычніка 2022 г.
- ААТ «Банкаўскі працэсінгавы цэнтар» // Радыё «Спадарожнік», 28 красавіка 2018 г. Праверана 27 кастрычніка 2022 г.
- «Банкаўскі працэсінгавы цэнтар» // Беларускае радыё «Рацыя», 9 красавіка 2020 г. Праверана 27 кастрычніка 2022 г.
 |
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |