Аляксей Хадневіч
Аляксей Хадневіч (нарадзіўся 2 лістапада 1987 году) — беларускі футбаліст, нападнік. На сёньня працуе трэнэрам у петрыкаўскім «Шахцёры».
| Аляксей Хадневіч | ||
| Пэрсанальная інфармацыя | ||
|---|---|---|
| Нарадзіўся | 2 лістапада 1987[1] (37 гадоў) | |
| Рост | 194 см | |
| Вага | 87 кг | |
| Пазыцыя | нападнік | |
| Клюбная інфармацыя | ||
| Клюб | Колас Ігумен[d] | |
| Нумар | 9 | |
| Клюбы | ||
| Гады | Клюб | Гульні (галы)¹ |
| 2008 | Адзінства | 24 (19) |
| 2009—2010 | Рудзенск[d] | 38 (9) |
| 2010 | СКВІЧ | 8 (0) |
| 2011 | Рудзенск[d] | 16 (2) |
| 2011 | Гарадзея | 7 (1) |
| 2012 | Энэргетык-БДУ | 16 (13) |
| 2012 | Адзінства | 18 (12) |
| 2013—2015 | Энэргетык-БДУ | 43 (30) |
| 2013 | СКВІЧ | 12 (0) |
| 2014 | → Дняпро Магілёў | 4 (0) |
| 2015 | Смалявічы | 13 (12) |
| 2016—2017 | Ворша | 54 (30) |
| 2018 | Крумкачы | 24 (11) |
| 2019 | Узда | 26 (30) |
| 2020 | Шахцёр Петрыкаў | 23 (30) |
| 2021—2022 | Астравец | 46 (67) |
| 2023— | Колас Ігумен[d] | 11 (10) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец менскай «Зоркі-БДУ», выступаў таксама за рэзэрвовыя каманды «Дарыды» і МТЗ-РІПА. У 2008 годзе далучыўся да койданаўскай «Лівадыі», разам зь якой стаў найлепшым бамбардзірам Другой лігі. На наступны год перайшоў у «Рудзенск», якому дапамог перамагчы ў Другой лізе і выйсьці ў Першую лігу. У другой палове сэзону 2010 году гуляў за менскі СКВІЧ, які заняў у Першай лізе другое месца, але ў стыкавых матчах за месца ў Найвышэйшай лізе саступіў жодзінскаму «Тарпэда». У пачатку 2011 году зноў гуляў за «Рудзенск», пасьля перайшоў у «Гарадзею», дзе ня здолеў замацавацца ў асноўным складзе. Сэзон 2012 году зноў пачынаў у Другой лізе ў складзе койданаўскай «Лівадыі», а пасьля далучыўся да «Зоркі-БДУ». У першай палове 2013 году паўторна далучыўся да СКВІЧа, аднак каманда была аўтсайдарам Першай лігі, і пасьля першай паловы сэзону вярнуўся ў «Зорку-БДУ». У сэзоне 2014 году сталічны клюб атрымаў месца ў Першай лізе, а Хадневіч стаў адным з асноўных гульцоў каманды.
У жніўні 2014 году поруч з таварышам па «Зорцы» Сяргеем Русецкім на правах арэнды далучыўся да магілёўскага «Дняпра»[2], у складзе якога дэбютаваў у Найвышэйшай лізе. Аднак у першай камандзе клюбу замацавацца ня здолеў, а каманда паводле вынікаў сэзона страціла месца ў галоўным дывізіёне і выбыла ў Першую лігу. З 2015 году зноў пачаў гуляць за «Зорку-БДУ», а ў жніўні таго ж году далучыўся да «Смалявічаў-СТІ»[3]. У пачатку 2016 году стаў гульцом «Воршы»[4], дзе выступаў на працягу двух гадоў.
У пачатку 2018 году трэнаваўся з «Крумкачамі», аднак клюб не атрымаў ліцэнзію на сэзон 2018 году. Тым ня менш, у красавіку ўзмоцніў склад каманды, якая заявілся ў Другую лігу[5]. Забіў за сэзон 11 галоў і дапамог камандзе прабіцца ў Першую лігу, аднак сам у лютым 2019 году пакінуў каманду[6]. Сэзон 2019 пачаў у складзе «Узды»[7], з 30 галамі стаў найлепшым бамбардзірам Другой лігі.
У пачатку 2020 году далучыўся да петрыкаўскага «Шахцёра» ў Другой лізе. Быў асноўным нападнікам каманды, дапамог ёй выйсьці ў Першую лігу. Па заканчэньні сэзону 2020 году пакінуў «Шахцёр». У сакавіку 2021 году стаў гульцом «Астраўца»[8][9], якому паводле вынікаў сэзону 2021 году дапамог перамагчы ў Другой лізе, а сам зноў стаў найлепшым бамбардзірам турніру. У 2022 годзе гуляў за «Астравец» у Першай лізе, а па заканчэньні сэзону пакінуў клюб[10]. У 2023 годзе выступаў за ігуменскі «Колас».
У сакавіку 2024 году ўвайшоў у трэнэрскі штаб петрыкаўскага «Шахцёра»[11][12].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Зорка-БДУ | 2015 | Першая ліга | 15 | 7 |
| Смалявічы-СТІ | 13 | 12 | ||
| Ворша | 2016 | Першая ліга | 25 | 16/–4 |
| 2017 | Першая ліга | 29 | 14 | |
| Крумкачы | 2018 | Другая ліга | 24 | 11 |
| Узда | 2019 | 26 | 30 | |
| Шахцёр Петрыкаў | 2020 | 23 | 31 | |
| Астравец | 2021 | 24 | 59 | |
| 2022 | Першая ліга | 24 | 8 | |
Крыніцы
рэдагаваць- ^ а б в Aleksey Khodnevich // Transfermarkt (мн.) — 2000.
- ^ «Днепр» арендовал Русецкого и Ходневича (рас.)
- ^ Юзвович, Ходневич и Кухаренок стали игроками "Смолевичей-СТИ" (рас.)
- ^ Гигевич, Ходневич и еще пять игроков пополнили состав "Орши" (рас.)
- ^ Ходневич сменил "Оршу" на НФК "Крумкачы" (рас.)
- ^ Ходневич покинул НФК (рас.)
- ^ «Узда». Информация о команде — 29-й чемпионат Беларуси (2019) (рас.)
- ^ Алексей Ходневич и Алексей Кашевский — игроки ФК «Островец». ФК «Астравец».
- ^ Букаткин, Кашевский и Ходневич продолжат свои карьеры в "Островце" (рас.)
- ^ "Островец" и "Молодечно-2018" сохраняют составы, "Слоним-2017" обновляется (рас.)
- ^ Петриковский "Шахтер" усилил тренерский штаб новым специалистом (рас.)
- ^ Дмитрий Данилевич возглавил "Шахтер-2" (рас.)
Вонкавыя спасылкі
рэдагаваць- Профіль на сайце kick-off.by (рас.)
- Статыстыка «ПБ-Инфо» (рас.)