Тарпэда Менск
«Тарпэда» — беларускі футбольны клюб з гораду Менску, заснаваны ў 1947 годзе. Пасьля першага кола сэзону 2019 году адмовіўся ад удзелу ў Найвышэйшай лізе чэмпіянату Беларусі. Афіцыйны гімн клюбу напісаны гуртом «Чырвоным па Белым (ЧпБ)»[1].
| Тарпэда Менск | |||||
 | |||||
| Поўная назва | Футбольны клюб «Тарпэда Менск» | ||||
|---|---|---|---|---|---|
| Заснаваны | 1947 | ||||
| Горад | Менск, Беларусь | ||||
| Стадыён |
Тарпэда Умяшчальнасьць: 5200 | ||||
| Чэмпіянат | Другая ліга | ||||
| · 2022 | 3 месца (Менск) | ||||
| |||||
| Афіцыйны сайт | |||||
Гісторыя
рэдагаваць_stadium_in_Minsk_2.jpg)
Клюб быў заснаваны 26 жніўня 1947 году[2]. У савецкія часы клюб гуляў у чэмпіянаце БССР, пяць разоў аўтазаводцы атрымлівалі ў ім перамогу. З 1992 году «Тарпэда» ўдзельнічала ў Найвышэйшай лізе чэмпіянату Беларусі. Найбольшы посьпех клюб меў у пачатку 2000-х, калі двойчы атрымаў чацьвертае месца. У 2005 годзе клюб з-за фінансавых цяжкасьцяў перайшоў у другую лігу, у якой адразу перамог. Але адразу пасьля гэтага «Тарпэда» спыніла сваё існаваньне. База клюбу была перададзена новаму клюбу, які ўтварыўся на аснове менскай «Зьмены» — ФК «Менск».
Першае адраджэньне
рэдагавацьУ 2007 годзе клюб быў адроджаны аматарамі і заявіўся ў чэмпіянат Менску (чацьверты ўзровень беларускіх ліг). У лютым 2014 году клюб атрымаў пасьведчаньне аб дзяржаўнай рэгістрацыі[3]. У красавіку 2014 году «Тарпэда» папоўніла склад удзельнікаў другой лігі[4].
У ліпені 2015 году стала вядома аб пачатку супрацоўніцтва «Тарпэда» з расейскай кампаніяй «Мірком»[5]. Неўзабаве да складу «Тарпэда» далучыўся шэраг моцных для ўзроўня Другой лігі гульцоў, і сталічная каманда здолела выйсьці ў фінальны этап, апынуўшыся вышэй за аднаго з галоўных фаварытаў сэзону — пінскую «Хвалю». У фінальным этапе «Тарпэда» таксама выступала пасьпяхова і ўжо за два туры да фінішу гарантавала выхад у Першую лігу. Параза ў апошнім туры, аднак, адкінула менчукоў на выніковы трэці радок. Гэтым дружына гарантавала сабе права на ўдзел у першай лізе ў 2016 годзе.
У Першай лізе каманда значна абнавіла склад, запрасіўшы ў склад у асноўным маладых гульцоў, якія не праходзілі ў склад клюбаў Найвышэйшай лігі. Галоўным трэнэрам быў прызначаны Павал Бацюта. Аднак, каманда хутка апусьцілася ў канец турнірнай табліцы, пасьля чаго ўлетку галоўным трэнэрам замест Бацюты стаў Андрэй Пышнік, а каманда папоўнілася шэрагам новых футбалістаў. У выніку, «Тарпэда» здолела ўзьняцца ў табліцы на 9-ы радок пры 14 удзельніках.
_01.jpg)
Перад сэзонам 2018 году Беларуская фэдэрацыя футболу адмовілася разглядаць дакумэнты клюбу «Крумкачы» на атрыманьне ліцэнзіі на ўдзел у найвышэйшай лізе, у выніку іх месца заняло «Тарпэда», якое заняла трэцяе месца ў першай лізе ў сэзоне 2017 году[6].
У сэзоне 2019 году пасьля неблагога пачатку, калі менчукі здабылі перамогу над «Іслаччу» і нічыю зь «Віцебскам», справы ў каманды пайшлі горш, бо яна апынулася ў канцы табліцы. У траўні 2019 году асноўны спонсар «Тарпэда», Міхаіл Міраненкаў, адмовіўся ад фінансаваньня каманды, і амаль два месяцы яна існавала бяз грошай. У ліпені футбалісты сталі масава пакідаць клюб, аднак дырэктар Андрэй Салангін намагаўся знайсьці фінансаваньне і магчымасьць працягнуць выступы ў чэмпіянаце. У двух апошніх матчах, як то 28 ліпеня ў Кубку Беларусі супраць «Клецку» і 3 жніўня супраць БАТЭ, «Тарпэда» было скамплектаванае пераважна з гульцоў моладзевага складу, а дасьведчанымі гульцамі былі толькі капітан Сяргей Лынько і малдаўскі легіянэр Яўген Аанча, які да таго папоўніў быў склад. Пасьля сканчэньня першага кола сэзону 2019 году каманда адмовілася ад далейшага ўдзелу ў найвышэйшай лізе чэмпіянату Беларусі, ва ўсіх астатніх матчах камандзе былі залічаныя тэхнічныя паразы[7].
Другое адраджэньне
рэдагавацьУ красавіку 2020 году «Тарпэда» плянавала заявіцца ў Другую лігу[8], аднак ня трапіла ў канчатковы сьпіс удзельнікаў[9]. Клюбныя каманды працягвалі выступаць на аматарскім і юнацкім узроўнях. У пачатку сэзону 2021 году фан-рух клюбу адмовіўся падтрымліваць клюб, пакуль у краіне працягваюцца палітычныя судовыя справы, зьбіцьцё і забойства людей за ўласныя меркаваньні[10].
У сакавіку 2022 году «Тарпэда» далучылася да ліку ўдзельнікаў Другой лігі[11]. У дывізіёне гораду Менску каманда доўгі час рухалася ўверсе табліцы, аднак у выніку саступіла асноўным канкурэнтам, заняла трэцяе месца і ня здолела выйсьці ў фінальны этап.
Папярэднія назвы
рэдагаваць- 1947—1998: «Тарпэда»
- 1999—2002: «Тарпэда-МАЗ»
- 2003—2005: «Тарпэда-СКА»
- з 2007: «Тарпэда»
Дасягненьні
рэдагавацьБССР
рэдагаваць- Пераможца чэмпіянату БССР: 1947, 1962, 1966, 1967, 1969
Беларусь
рэдагаваць- Пераможца другой лігі чэмпіянату Беларусі: 2005
- Фіналіст Кубка Беларусі: 1999—2000
- Найлепшае дасягненьне ў найвышэйшай лізе — 4 месца (2002, 2003)
- Пераможца аматарскага Кубка Менску: 2008, 2009
Статыстыка выступленьняў
рэдагавацьЧэмпіянат і Кубак Беларусі
рэдагаваць| Сэзон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1992 | Першая (Д1) | 10 | 15 | 5 | 3 | 7 | 15–17 | 13 | Чвэрцьфінал | |
| 1992—1993 | Першая (Д1) | 9 | 32 | 10 | 10 | 12 | 29–33 | 30 | 1/16 фіналу | |
| 1993—1994 | Першая (Д1) | 6 | 30 | 9 | 15 | 6 | 18–18 | 33 | Чвэрцьфінал | |
| 1994—1995 | Першая (Д1) | 6 | 30 | 11 | 10 | 9 | 36–29 | 32 | 1/8 фіналу | |
| 1995 | Першая (Д1) | 9 | 15 | 5 | 3 | 7 | 12–27 | 18 | 1/16 фіналу | |
| 1996 | Першая (Д1) | 12 | 30 | 7 | 8 | 15 | 32–53 | 29 | 1/8 фіналу | |
| 1997 | Першая (Д1) | 8 | 30 | 12 | 6 | 12 | 45–43 | 42 | 1/8 фіналу | |
| 1998 | Найвышэйшая (Д1) | 7 | 28 | 12 | 8 | 8 | 44–22 | 44 | Паўфінал | Зьмена назваў ліг |
| 1999 | Найвышэйшая (Д1) | 10 | 30 | 10 | 5 | 15 | 31–47 | 35 | Фіналіст | |
| 2000 | Найвышэйшая (Д1) | 8 | 30 | 13 | 10 | 7 | 45–28 | 49 | 1/8 фіналу | |
| 2001 | Найвышэйшая (Д1) | 8 | 26 | 10 | 7 | 9 | 31–32 | 37 | 1/8 фіналу | |
| 2002 | Найвышэйшая (Д1) | 4 | 26 | 15 | 6 | 5 | 30–16 | 51 | 1/8 фіналу | |
| 2003 | Найвышэйшая (Д1) | 4 | 30 | 19 | 7 | 4 | 54–20 | 64 | 1/16 фіналу | |
| 2004 | Найвышэйшая (Д1) | 6 | 30 | 13 | 7 | 10 | 37–31 | 46 | 1/8 фіналу | Адмова й пераход у другую лігу |
| 2005 | Другая (Д3) | 1 | 26 | 22 | 4 | 0 | 75–9 | 70 | 1/32 фіналу | ▲ Выхад у першую лігу |
| 2006 | Клюб спыніў існаваньне | |||||||||
| 2007 | Чэмпіянат Менску (Д4) | 5 | 20 | 8 | 3 | 9 | 37–42 | 27 | ||
| 2008 | Чэмпіянат Менску (Д4) | 5 | 14 | 4 | 3 | 7 | 19–33 | 15 | ||
| 2009 | Чэмпіянат Менску (Д4) | 3 | 1/32 фіналу | |||||||
| 2010 | Чэмпіянат Менску (Д4) | 4 | 18 | 10 | 2 | 6 | 35–17 | 32 | 1/32 фіналу | |
| 2011 | Чэмпіянат Менску (Д4) | 1 | ||||||||
| 2012 | Чэмпіянат Менску (Д4) | 3 | 14 | 7 | 2 | 5 | 25–20 | 23 | ||
| 2013 | Чэмпіянат Менску (Д4) | 9 | 22 | 7 | 4 | 11 | 36–38 | 25 | ||
| 2014 | Другая — Б (Д3) | 12 | 24 | 8 | 7 | 9 | 32–30 | 31 | 1/64 фіналу | |
| 2015 | Другая — Б (Д3) | 3 | 26 | 15 | 6 | 5 | 44–20 | 51 | 1/32 фіналу | ▲ Выхад у першую лігу |
| 2016 | Першая (Д2) | 9 | 26 | 9 | 6 | 11 | 35–36 | 33 | 1/16 фіналу | |
| 2017 | Першая (Д2) | 3 | 30 | 17 | 6 | 7 | 60–29 | 57 | 1/16 фіналу | |
| 2018 | Найвышэйшая (Д1) | 14 | 30 | 6 | 6 | 18 | 20–41 | 24 | 1/8 фіналу | |
| 2019 | Найвышэйшая (Д1) | 16 | 30 | 1 | 3 | 26 | 4–63 | 6 | 1/8 фіналу | |
| 2022 | Другая — Менск (Д3) | 3 | 16 | 10 | 3 | 3 | 29–16 | 33 | 1/64 фіналу | |
| 2023 | Другая — Менск (Д3) | 1/128 фіналу | ||||||||
Галоўныя трэнэры
рэдагаваць- Мікалай Бранфілаў (2014—2015)
- Павал Бацюта (сакавік — чэрвень 2016 году)[12]
- Андрэй Пышнік (чэрвень 2016 году — сьнежань 2017 году)[13]
- Сяргей Кабельскі (студзень — чэрвень 2018 году)[14]
- Леанід Лагун (чэрвень — жнівень 2018 году)[15]
- Уладзімер Нявінскі (жнівень 2018 году — жнівень 2019 году)[16]
Крыніцы і заўвагі
рэдагаваць- ^ Афіцыйны гімн клюбу — «Загінуўшы клюб»
- ^ Минскому «Торпедо» исполнилось 70 лет (рас.)
- ^ Официально зарегистрирован СОО «Футбольный клуб Торпедо Минск»
- ^ Бюро исполкома БФФ утвердило состав участников и календарь второй лиги
- ^ Минское "Торпедо" объявило о начале сотрудничества с российской компанией
- ^ Минское «Торпедо» сыграет в высшей лиге (рас.)
- ^ Минское «Торпедо» отказалось от участия в чемпионате страны в высшей лиге (рас.)
- ^ Стал известен список команд второй лиги: в заявке минское «Торпедо» и «Днепр», «Андердог» – под вопросом
- ^ Утвержден формат проведения чемпионата страны во второй лиге
- ^ Фанаты белорусских футбольных клубов массово объявляют о бойкоте матчей (рас.) TUT.BY Праверана 2021-02-28 г. Архіўная копія ад 28 лютага 2021 г.
- ^ Футбол. Минское "Торпедо" сыграет во второй лиге чемпионата Беларуси-2022. Клуб профинансируют болельщики Праверана 15 красавіка 2022 г. Архіўная копія ад 25 сакавіка 2022 г.
- ^ Павел Батюто возглавил минское «Торпедо» (рас.)
- ^ Минское «Торпедо» возглавил Андрей Пышник (рас.)
- ^ Минское «Торпедо» возглавил Сергей Кабельский (рас.)
- ^ Минское «Торпедо» уволило Кабельского. Лагун возглавил команду (рас.)
- ^ Минское «Торпедо» вновь сменило главного тренера. На пост заступил Владимир Невинский (рас.)