Куліч
Кулі́ч (грэц. κόλλιξ — кругляк) — сьвяточны акруглы хлеб, які падаюць на Вялікдзень.
| Куліч | |
 | |
| Іншыя назвы | велікодны куліч |
|---|---|
| Тып | хлеб |
| Нацыянальная страва | армянская, баўгарская, беларуская, грузінская, македонская, малдоўская, расейская, румынская, сэрбская, украінская |
| Паходжаньне | |
| Рэгіён | Балканы, Каўказ, Усходняя Эўропа |
| Дата зьяўленьня | I стагодзьдзе |
| Час прыгатаваньня | 4 гадзіны |
| Асноўны складнік | мука |
| Распаўсюджаныя складнікі | малако, масла, яйкі, ванілін і дрожджы |
| Энэргетычная каштоўнасьць (у 100 г) | 278 ккал (1164 кДж) |
| Харчовая каштоўнасьць (у 100 г) | |
| Падобныя стравы | велікодная бабка, паска |
Склад
рэдагавацьДля прыгатаваньня велікоднага[2] куліча на 4 кг мукі найвышэйшага гатунку патрабуецца 10—15 яек, 2 літры малака, 800 грамаў цукру, 350 грамаў чайнага масла (невялікай тлустасьці), 10 грамаў ваніліну і 1 шклянка дражджэй[3].
Прыгатаваньне
рэдагаваць
Муку варта двойчы прасеяць празь сіта. Затым малако саграюць амаль да кіпеньня. Памешваючы, усыпаюць у яго 2 шклянкі мукі і 1 шклянку сьвежых дражджэй. Рошчыну пакідаюць сьпець пад ручніком на гадзіну. Як рошчына падымецца, замешваюць цеста і дадаюць астатнюю муку, 10 узьбітых бялкоў, 5 цэлых яек, растопленае масла, цукар і ванілін. Таксама можна дадаць карыцу, мак, мігдалы, разынкі і цукаты. Цеста месяць каля гадзіны сухімі рукамі да тугасьці, пакуль не перастане прыліпаць да стала. Гатовае цеста раскладаюць па змазаных маслам формах. Іх дно і сьценкі пракладаюць пякарскай паперай. Формы запаўняюць цестам на 1/3, пасьля чаго пакідаюць пастаяць яшчэ гадзіну перад выпяканьнем, каб куліч вырас. Пры афармленьні кулічоў зьверху выкладаюць зь цеста кветкі, каласкі і птушак, а на галоўны куліч — крыж. Перад выпечкай кулічы змазваюць яечным бялком, каб атрымалася залацістая скарынка. Духоўку даводзяць да +220°C, пасьля чаго кулічы выпякаюць 35—40 хвілінаў. Калі залішне румяніцца ніз, на дно духоўкі ставяць міску з вадой. Калі верх — кулічы накрываюць змочанай у вадзе пякарскай паперай. Гатоўнасьць правяраюць драўлянай палачкай. Гатовы куліч зьверху прысыпаюць кменам, макам, глазурай з цукру або каляровай пасыпкай[3].
Крыніцы
рэдагаваць- ^ а б https://tvbesedka.com/article/vsie_pro_kulich_traditsii_istoriia_vozniknovieniia_chto_simvoliziruiet_359
- ^ Юрась Бушлякоў, Вінцук Вячорка, Зьміцер Санько. Два правапісныя стандарты // Беларускі клясычны правапіс. Збор правілаў. Сучасная нармалізацыя / рэд. Зьміцер Саўка. — Вільня: 2005. — 160 с.
- ^ а б Соф’я Размысла. Рэцэпт Велікоднага куліча // Алеся : часопіс. — Красавік 2021. — № 4. — ISSN 0131-8055.
| Гэта — накід артыкула. Вы можаце дапамагчы Вікіпэдыі, пашырыўшы яго. |