Калёрыя

Пажыўнае рэчыва	Калёрыяў на грам
Цукар	4 кілякалёрыі
Пратэін	4 кілякалёрыі
Тлушч	9 кілякалёрыяў
Сьпірт	7 кілякалёрыяў

Калё́рыя (кал, cal) — пазасыстэмная адзінка колькасьці працы і энэргіі, роўная колькасьці цеплыні, неабходнай для награваньня 1 мл вады на 1 °C пры стандартным атмасфэрным ціску 101,325 кПа. У залежнасьці ад прыманай эталённай тэмпэратуры вады, існуе некалькі зьлёгку розных азначэньняў калёрыі.

1 кал_м = 4,1868 Дж (1 Дж = 0.23885 кал_м) Міжнародная калёрыя, 1956г.

1 кал_т = 4,184 Дж (1 Дж = 0.23901 кал_т) Тэрмахімічная калёрыя

1 кал₁₅ = 4,18580 Дж (1 Дж = 0.23890 кал₁₅) Калёрыя пры 15 °С

Выкарыстоўваецца галоўным чынам для адзнакі калярыйнасьці (энэргетычнай каштоўнасьці) харчовых прадуктаў, а вытворная ад калёрыі адзінка вымярэньня колькасьці цеплавой энэргіі — гігакалёрыя (10⁹ калёрый) выкарыстоўваецца для адзнакі ў цеплаэнэргетыцы, сыстэмах апалу, камунальнай гаспадарцы.

Пад калярыйнасьцю ежы разумеецца колькасьць энэргіі, якое вылучаецца пры поўным засвойваньні ежы ў арганізьме.

Вонкавыя спасылкі

Калёрыя — сховішча мультымэдыйных матэрыялаў

• Хімічная энцыкляпэдыя ISBN 5-85270-008-8
• Пералік велічыні працы паміж рознымі адзінкамі вымярэньня, у т. л. пазасыстэмнымі