Пшамыслаў Тытань
Пшамыслаў Тытань (па-польску: Przemysław Tytoń; нарадзіўся 4 студзеня 1987 году, Замасьць, Польшча) — польскі футбаліст, брамнік нідэрляндзкага клюбу «Твэнтэ». Былы гулец нацыянальнай зборнай Польшчы.
| Пшамыслаў Тытань | ||
| ||
| Пэрсанальная інфармацыя | ||
|---|---|---|
| Нарадзіўся | 4 студзеня 1987[1] (37 гадоў) | |
| Рост | 195 см | |
| Вага | 80 кг | |
| Пазыцыя | брамнік | |
| Клюбная інфармацыя | ||
| Клюб | Твэнтэ | |
| Нумар | 22 | |
| Клюбы | ||
| Гады | Клюб | Гульні (галы)¹ |
| 2005—2007 2007—2012 2011—2015 2014—2015 2015—2016 2016—2018 2019—2022 2022 2022— |
Гурнік Лэнчна Рода ПСВ Эйндговэн → Эльчэ (арэнда) Штутгарт Дэпартыва Цынцынаці Аякс Твэнтэ |
20 (0) 50 (0) 24 (0) 32 (0) 30 (0) 15 (0) 43 (0) 0 (0) 3 (0) |
| Зборныя | ||
| 2010—2016 | Польшча | 14 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьРаньнія гады
рэдагавацьПшамыслаў нарадзіўся ў горадзе Замасьць. Сваю прафэсійную кар’еру ён пачаў у родным горадзе, у камандзе «Гэтман» у 2004 годзе. У пачатку 2005 году футбаліст папоўніў склад каманды «Гурнік» з Лэнчны. Увосень 2007 году Тытонь заключыў пяцігадовае пагадненьне зь нідэрляндзкай «Родай». Дэбютаваў у складзе каманды 29 сакавіка 2008 году, у матчы супраць «Гэраклесу» з Альмэлё, які скончыўся нулявой нічыёй. Паводле вынікаў сэзону 2010—2011 гадоў Тытань стаў другім пасьля Маартэна Стэкеленбурга ў сьпісе найлепшых брамнікаў Эрэдывізіі. Улетку 2011 году гулец атрымаў прапанову аб пераходзе ад бэльгійскага «Генку», але ня прыняў яе.
ПСВ Эйндговэн
рэдагаваць16 жніўня Пшамыслаў быў аддадзены ў гадавую арэнду ў клюб ПСВ, а 20 студзеня 2012 году зь ім быў падпісаны чатырохгадовы кантракт[3]. Дэбютаваў у складзе ПСВ 11 верасьня 2011 году, у гульні супраць «ВВВ-Вэнлё», у якой прапусьціў тры мячы, а сустрэча сконылася зь лікам 3:3.
18 верасьня, у сваім другім матчы за эйндговэнскі клюб з амстэрдамскім «Аяксам» (2:2), на 44 хвіліне сустрэчы, пры ліку 1:0 на карысьць гаспадароў, Тытань сутыкнуўся са сваім аднаклюбнікам Тымаці Дэрэйкам, у выніку чаго атрымаў сур’ёзнае страсеньне мозгу, але рэнтген паказаў адсутнасьць расколінаў або дэфэктаў шыі й чэрапа[4].
8 красавіка 2012 году Тытань разам з ПСВ выйграў першы ў сваёй прафэсійнай кар’еры сур’ёзны трафэй — Кубак Нідэрляндаў, абыграўшы ў фінале «Гэраклес» зь лікам 3:0.
Міжнародная кар’ера
рэдагавацьВыступаў за юнацкую й моладзевую зборныя Польшчы. 29 траўня 2010 году, у матчы супраць зборнай Фінляндыі, які скончылася зь лікам 0:0, Тытань дэбютаваў у складзе першай зборнай Польшчы. 27 траўня 2012 году футбаліст быў уключаны ў канчатковую заяўку зборнай Польшчы на чэмпіянат Эўропы 2012 году[5]. 8 чэрвеня, у матчы адкрыцьця чэмпіянату Эўропы супраць зборнай Грэцыі, Пшамыслаў выйшаў на замену на 70-й хвіліне замест Мацея Рыбуса пасьля таго, як Войцех Шчэнсны быў выдалены з поля, і адбіў пэнальці ад Ёргаса Карагуніса.
Дасягненьні
рэдагавацьПСВ:
- Уладальнік Кубка Нідэрляндаў: 2012
- Уладальнік Супэркубка Нідэрляндаў: 2012
«Аякс»:
- Чэмпіён Нідэрляндаў: 2022
Крыніцы
рэдагаваць- ^ а б в Przemyslaw Tyton // As (гішп.) — Madrid: PRISA, 1967. — ISSN 1888-6671
- ^ а б 90minut.pl (пол.) — 2003.
- ^ PSV neemt Tyton definitief over van Roda JC. nusport.nl
- ^ Атака на вратаря. sports.ru
- ^ Сборная Польши огласила состав на Евро-2012. sports.ru
Вонкавыя спасылкі
рэдагаваць- Профіль на афіцыйным сайце ПСВ Эйндговэн
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Профіль на сайце uefa.com
- Профіль на сайце sports.ru