Міхал Валіцкі

Міхал Валіцкі
лац. Michał Valicki
	Партрэт Міхала Валіцкага, 1820.
	; Герб «Лада»
Асабістыя зьвесткі
Нарадзіўся	1746; Наваградзкі павет, Наваградзкае ваяводзтва, Вялікае Княства Літоўскае, Рэч Паспалітая;
Памёр	1828; Вільня, Расейская імпэрыя;
Пахаваны	Бэрнардынскія могілкі[d];
Род	Валіцкія
Дзейнасьць	авантурыст, філянтроп

Міхал Валіцкі (сапр. Міхал Міцкевіч; 1746, Наваградзкі павет — 1828, Вільня) — авантурыст, філянтроп Рэчы Паспалітай.

Будучы прафэсійным гульцом у карты, зарабіў вялізныя грошы, на якія купіў прозьвішча Валіцкі (права належаць да роду), а ў 1787 годзе — пасаду падстолія кароннага ў С. Солтыка. Апроч таго, набыў у Італіі тытул графа.

Біяграфія

М. Валіцкі, па 1800 г.

З дробнага шляхецкага роду Міцкевічаў. Навучаўся ў Менскім езуіцкім калегіюме, працягваў адукацыю ў Магілёве. Працаваў віцэ-рэгентам у судох Менску.

Праз схільнасьць да авантураў і прыгодаў пакінуў працу і пераехаў у Кракаў. Здабыў дасканаласьць у картах і гульні ў більярд. Падтрыманы апекай Францішка Сапегі, выехаў у Вену. Пазьней накіраваўся ў Парыж, дзе набыў грунтоўныя веды ў розных навуках, шмат увагі аддаваў самаадукацыі.

Партрэт Міхала Валіцкага (а не Яўхіма Храптовіча, як лічылася раней)^[1].

Дзеля далучэньня да двара караля Францыі Людовіка XVI набыў у Італіі графскі тытул. Неўзабаве з дапамогай сваёй каханкі княгіні Паліньяк стаў фаварытам каралевы Марыі Антуанэты.

Па вяртаньні ў Рэч Паспалітую атрымаў пацьверджаньне графскага тытулу ад караля і вялікага князя Станіслава Аўгуста Панятоўскага. Сьпярша жыў у Варшаве, пазьней пераехаеў у Пецярбург, дзе ладзіў шыкоўныя прыёмы.

У 1793 годзе набыў палац віцэ-адміністратара ў Горадні, пазьней перабраўся ў фальварак Азёры Гарадзенскага павету. Стварыў там узорную гаспадарку, заснаваў суконную і папяровую мануфактуры.

Партрэт М. Валіцкага аўтарства А. Рагульскага паводле малюнка Францішка Тэгацы. Дрэварыт, 1879.

Падараваў значную частку сваёй калекцыі каштоўных камянёў Віленскаму ўнівэрсытэту. Фундаваў навучаньне ў ім сваякоў Міцкевічаў і Валіцкіх^[2].

Партрэт

Паводле апошніх дасьледаваньняў, у Нацыянальным летувіскім музэі захоўваецца копія партрэта Міхала Валіцкага аўтарства Марціна Янушэвіча з арыгінальнага твору пэндзля Дж. Б. Грасі. Традыцыйна лічылася, што на гэтым партрэце выяўлены Яўхім Храптовіч^[3].

Крыніцы

^ Хадыка А. Разгаданая тайна: партрэт Міхала Валіцкага, мэцэната і гульца // Новы час. № 31 (76), 5—11 лістапада 2007 г.
^ Трусаў І. Валіцкі Міхал // ВКЛ. Энцыкл. — Мн.: 2005 Т. 1. С. 382.
^ Хадыка А. Разгаданая тайна: партрэт Міхала Валіцкага, мэцэната і гульца // «Новы час», № 31 (76), 5—11 лістапада 2007 г.

Літаратура

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
Рублевская Л. Фантастический граф // Советская Белоруссия. № 189 (23089), 8 кастрычніка 2008 г.

[1] Хадыка А. Разгаданая тайна: партрэт Міхала Валіцкага, мэцэната і гульца // Новы час. № 31 (76), 5—11 лістапада 2007 г.

[2] Трусаў І. Валіцкі Міхал // ВКЛ. Энцыкл. — Мн.: 2005 Т. 1. С. 382.

[3] Хадыка А. Разгаданая тайна: партрэт Міхала Валіцкага, мэцэната і гульца // «Новы час», № 31 (76), 5—11 лістапада 2007 г.

[1]

[2]

[3]

Асабістыя зьвесткі
Партрэт Міхала Валіцкага, 1820.
Герб «Лада»
Нарадзіўся	1746 Наваградзкі павет, Наваградзкае ваяводзтва, Вялікае Княства Літоўскае, Рэч Паспалітая
Памёр	1828 Вільня, Расейская імпэрыя
Пахаваны	Бэрнардынскія могілкі^[d]
Род	Валіцкія
Дзейнасьць	авантурыст, філянтроп