Медна (Берасьцейская вобласьць)
Ме́дна[2] — вёска ў Дурыцкім сельсавеце Берасьцейскага раёну Берасьцейскае вобласьці за 20 км на поўдзень ад места Берасьце, на азёрах Мяднянскае й Страдзецкае ды рацэ Спанаўка (прыток ракі Заходні Буг). Знаходзіцца на тэрыторыі біясфэрнага рэзэрвату «Прыбужанскае Палесьсе».
| Медна | |
| трансьліт. Miedna | |
| |
| Краіна: | Беларусь |
| Вобласьць: | Берасьцейская |
| Раён: | Берасьцейскі |
| Сельсавет: | Дурыцкі |
| Вышыня: | 161[1] м н. у. м. |
| Насельніцтва: | 1000 чал. (2015) |
| Часавы пас: | UTC+3 |
| Тэлефонны код: | +375 162 |
| Паштовы індэкс: | 225014 |
| Нумарны знак: | 1 |
| Геаграфічныя каардынаты: | 51°52′1″ пн. ш. 23°44′24″ у. д. / 51.86694° пн. ш. 23.74° у. д.Каардынаты: 51°52′1″ пн. ш. 23°44′24″ у. д. / 51.86694° пн. ш. 23.74° у. д. |
Медна на мапе Беларусі ±   Медна | |
 Галерэя здымкаў у Вікісховішчы
| |
Гісторыя
рэдагавацьПаводле пісьмовых крыніцаў Медна ведама з XVI стагодзьдзя як маёнтак — шляхецкая ўласнасьць у Берасьцейскім павеце Троцкага, з 1566 году — Берасьцейскага ваяводзтва ВКЛ.
Пасьля 3-га падзелу Рэчы Паспалітае (1795) у складзе Расейскае імпэрыі, у Слонімскай, з 1797 году — у Літоўскай, з 1801 году — у Гарадзенскай губэрнях.
У 1849 годзе вёска — цэнтар аднайменнага маёнтку, якім валодаў граф Браніцкі. У гэтым жа годзе на сродкі мясцовых жыхароў ды аканома маёнтку Кавалеўскага пабудаваная драўляная праваслаўная царква.
У 1886 годзе сяло — цэнтар Мяднянскае воласьці. Працаваў валасны сельскі фэльчарскі пункт, разьмяшчаліся ўчасткі: міравых пасярэднікаў, судова-міравой акругі, судовых сокаў. Раз у год дзейнічаў прызыўны ўчастак па воінскай павіннасьці. Участак паліцэйскіх ураднікаў Мяднянскае воласьці знаходзіўся ў вёсцы Чэрні. У воласьці налічвалася 8 сельскагаспадарчых таварыстваў.
Паводле Рыскае мірнае дамовы 1921 году ў складзе Польшчы — рэзідэнцыя муніцыпалітэту Медна Берасьцейскага павету Палескага ваяводзтва.
У Другую сусьветную вайну з 1939 году знаходзіцца ў складзе БССР. 25 лютага 1943 году нямецка-фашысцкія захопнікі спалілі вёску (212 двароў), загубілі 126 мясцовых жыхароў (пасьля пажару захаваліся толькі два жылых дамы: адзін з іх стаіць да сёньняшняе пары, другі згарэў ад удару маланкі). Усяго за гады нямецкае акупацыі ў Медна зьнішчаны 316 чалавек.
У 2010 годзе Медна набыла статус «аграгарадку»[3].
Насельніцтва
рэдагаваць- 132 двары, 835 жыхароў (1876)
- 452 жыхары (1886)
- 105 двароў, 623 жыхары (1897)
- 67 двароў, 473 жыхары (30.9.1921)
- 220 двароў, 1100 жыхароў (1940)
- 801 жыхар (1959)
- 901 жыхар (1970)
- 332 гаспадаркі, 908 жыхароў (1997)
- 934 жыхары (1999)
- 355 гаспадарак, 968 жыхароў (2005)
- 912 жыхароў (2010)
- 1000 жыхароў (2015)
Катайконім (назоў жыхароў): мяднюк (м.р.), мяднючка альбо мяднянка (ж.р.)
Інфраструктура
рэдагаваць- Птушкафабрыка
- Дзіцячы садок
- Сярэдняя агульнаадукацыйная школа
- Участковая лякарня
- Фармацыя
- Аддзяленьне сувязі
- Публічная бібліятэка
- Культурніцкі клюб
- Музэй народнае пашаны
- Чатыры крамы (тры харчовыя і адна прамысловых тавараў)
- Дзьве летнія кавярні
- Лазьнева-пральны камбінат
- Вайсковы мініпалігон
- Пракат катамаранаў і рыбалоўных вудаў
- Аддзяленьне «Беларусбанку»
- Царква Сьвятога Перамяненьня Гасподняга
- Дом малітвы эвангельскіх хрысьціян-баптыстаў
- Могілкі
Адукацыя
рэдагавацьУ аграгарадку працуе дзіцячы садок і сярэдняя агульнаадукацыйная школа з вывучэньнем намецкай мовы[4]
У сярэдняй школе працуе адзіны ў Беларусі настаўнік са стратай зроку, які выкладае вучням грамадазнаўства[5].
Увесну 2017 року сярэдняя школка аг. Медна апынулася ў цэнтры гучнага скандалу: бацька аднаго з вучняў абвінаваціў Вячаслава Бая настаўніка матэматыкі, настаўніка фізікі й інфарматыкі Андрэя Пальчука, намесьніка па вучэбнай частцы Ірыну Вальчук ў абразах i катаваньнях малалетніх вучняў, а дырэктара ўстановы адукацыі Дзьмітрыя Растаргуева ў замоўчваньні дадзеных супрацьпраўных дзей[6].
Эканоміка
рэдагавацьЦэнтар адкрытага акцыянэрнага таварыству «Птушкафабрыка Медна»[7]. Прадпрыемства вырабляе птушкагадоўчую прадукцыю, у асартымэнце якой — мяса куранят бройлераў поўнага трыбушэньня, субпрадукты птушкі, паўфабрыкаты. Птушкафабрыка была створаная ў 1971 годзе. У склад прадпрыемства ўваходзяць два вытворчыя ўчасткі: «Медна» і «Знаменка», а таксама рыбгас «Дуброва». Сёньня тут працуюць 320 чалавек, у тым ліку жыхары аграмястэчкаў Медна, Знаменка, вёскі Страдзеч ды іншых.
У аграмястэчку месьціцца аддзяленьне №100/194 «Беларусбанку».[8]
Транспарт
рэдагавацьПраз адлегласьць чыгункі (8 км да найбліжэйшае станцыі Знаменка), асноўныя транспартныя сувязі ажыцьцяўляюцца па аўтадарозе Брадзяцін — Знаменка прыгараднымі аўтобусамі Берасьцейскага аўтобуснага парку №1 ды прыватнымі маршрутнымі таксі.
Прырода
рэдагавацьАграгарадок Медна ўваходзіць у адзіную ў Эўропе раўнінную трохбаковую ахоўную тэрыторыю — біясфэрны рэзэрват «Прыбужанскае Палесьсе», — якой у 2004 годзе ўручаны дыплём ЮНЭСКО.
З поўдня мястэчка акаймаванае дзюнамі; у ягоных межах знаходзяцца злучаныя каналам Мяднянскае й Страдзецкае азёры, ад першага з каторых бярэ пачатак рака Спанаўка — прыток ракі Заходні Буг.
У лясным масіве на ўездзе ў аграмястэчка Медна месьціцца Берасьцейская зона дагонкі й нацягваньня паляўнічых сабак.
 Вонкавыя відэафайлы
| |
|---|---|
|
|
Фільм аб Прыбужанскім Палесьсі «Берасьцейскі арыенцір — да зорак»[9] |
Рэлігія
рэдагавацьУ мястэчку назіраецца вялікая рэлігійная разнастайнасьць, прадстаўленая 18 канфэсіямі, якія належаць да ўсіх буйных сусьветных рэлігіяў (юдаізм, хрысьціянства, іслам, будызм).
Памятныя мясьціны
рэдагаваць- На могілках паўднёвае ўскраіны аграгарадку дзеіць Царква Сьвятога Перамяненьня Гасподняга — помнік народнага дойлідзтва канца XVIII стагодзьдзя (драўляная, пабудаваная ў 1848 годзе).
Крыніцы
рэдагаваць- ^ Медно Фото Планета (рас.)
- ^ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 82
- ^ Пастанова Берасьцейскае раённае Рады дэпутатаў ад 29.12.2010 № 35 «Аб пераўтварэньні некаторых населеных пунктаў Берасьцескага раёну ў аграмястэчкі»
- ^ Афіцыяльны сайт сярэдняе агульнаадукацыйнае школы аг. Медна
- ^ Незрячий учитель сельской школы: "Я своих учеников не вижу, но различаю по голосам"(недаступная спасылка)
- ^ Школа пожаловалась в милицию на родителя, который заявил об истязании детей
- ^ Птушкафабрыка Меднаўская
- ^ Аддзяленьні Беларусбанку
- ^ Зямля беларуская
Літаратура
рэдагаваць- Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.