Крыштап Міхал Сапега
Крыштап Міхал Сапега (10 жніўня 1607, Ружаны — 17 жніўня 1631) — дзяржаўны дзяяч Вялікага Княства Літоўскага. Падстолі (з 1630) і пісар вялікі літоўскі (з 1631),
.jpg) Крыштап Міхал Сапега | |
 Герб Ліс | |
| Падстолі вялікі літоўскі | |
|---|---|
| 1630 — 1631 | |
| Папярэднік | Крыштап Мікалаевіч Сапега |
| Наступнік | Гедэон Міхал Трызна |
| Асабістыя зьвесткі | |
| Нарадзіўся | 10 жніўня 1607[1][2] |
| Памёр | 17 жніўня 1631[1][2] (24 гады) |
| Пахаваны | |
| Род | Сапегі |
| Бацькі | Леў Сапега[2] Альжбэта Сапега[d][2] |
| Дзейнасьць | пісьменьнік |
Біяграфія
рэдагавацьЗ чарэйска-ружанскай лініі магнацкага роду Сапегаў гербу Ліс, сын Льва, канцлера вялікага літоўскага, і Альжбеты з Радзівілаў. Меў братоў Яна Станіслава і Казімера Льва.
Навучаўся ў Віленскай акадэміі, разам з братам Казімерам Львом працягваў адукацыю за мяжой у Мюнхэне і Інгальштаце.
У 1624 годзе захварэў на сухоты, што прымусіла братоў вярнуцца дадому. Па непрацяглым лячэньні выехаў па навучаньне ў Лёвэнскі ўнівэрсытэт, наведаў Брусэль, Балёньню (1628 год) і Падую (1629 год). Аднак абвастрэньне хваробы прымусіла яго вярнуцца дадому.
Абіраўся паслом на соймы 1629 і 1630 гадоў. У 1630 годзе атрымаў ўрад падстолія, у сакавіку 1631 году — пісара вялікага літоўскага.
Заўчасна памёр ад сухотаў. На ажаніўся, нашчадкаў не пакінуў.
Займаўся гістарычнай і літаратурнай дзейнасьцю, быў аўтарам гісторыі пра Дзьмітрыя-Самазванца «Opowiedzenie dziejów Dymitra cara» (рукапіс загінуў) і працы «Theses politicae ex Aristotelis libris de republica» (Лёвэн, 1627 год).
Крыніцы
рэдагаваць- ^ а б Krzysztof Mikołaj Sapieha // Польскі біяграфічны інтэрнэт-слоўнік (пол.)
- ^ а б в г д е Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 57. — 586 с. — ISBN 978-985-7025-75-6
Літаратура
рэдагаваць- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0