Урад (Вялікае Княства Літоўскае)

Урад (старабел.: вряд) — кіраўніцкі апарат і пасады ў Вялікім Княстве Літоўскім. Складаўся з пэўнага штату службоўцаў (ураднікаў), якія беспасярэдне выконвалі функцыі дзяржаўнага і гаспадарчага кіраваньня ў двары і маёнтках вялікага князя, у ваяводзтвах, паветах, маёнтках магнатаў і інш.

Існавалі земскія (дзяржаўныя), прыдворныя, судовыя, прыватнаўласьніцкія ўрады.

У Статуце Вялікага Княства Літоўскага (1588) паняцьце «ўрад» выкарыстоўвалася таксама ў сэнсе суду.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Менск: Беларуская Энцыклапедыя, 2005. — 788 с.: іл. ISBN 985-11-0378-0.