Журналіст

Журналісты

Журналі́ст — той, хто займаецца журналістыкай: стварае інфармацыйнае напаўненьне для СМІ шляхам збору, асэнсаваньня і выкладаньня для аўдыторыі інфармацыі пра які-небудзь факты. Яму могуць дапамагаць тэлеапэратар альбо фатограф, якіх таксама лічуць журналістамі.

Журналіст — гэта чалавек, які выступае пасярэднікам паміж грамадзкімі інстытутамі і грамадзтвам, ажыцьцяўляе сувязь паміж імі празь які-небудзь інфармацыйны канал (тэлебачаньне, радыё, інтэрнэт, друкаваныя СМІ).

Віды журналістаў

Журналістаў падзяляюць па відах: рэпартэры, аглядальнікі, камэнтатары, вядоўцы праграм і іншыя.

Прафэсійная рызыка

Праца журналіста непрадказальная, нельга прадбачыць, што адбудзецца ў наступную хвіліну. Таксама вартая ўвагі высокая асабістая рызыка журналістаў па розных прычынах: войны, палітычныя фактары, крымінал і г. д. Топ-20 краін, небясьпечных для занятку журналістыкай:

• 1.Ірак: 127
• 2.Альжыр: 60
• 3.Расея: 47
• 4.Калюмбія: 40
• 5.Філіпіны: 32
• 6.Індыя: 22
• 7.Самалі: 22
• 8.Босьнія і Герцагавіна: 19
• 9.Турэччына: 19
• 10.Пакістан: 19
• 11.Аўганістан: 17
• 12.Руанда: 16
• 13.Сьера-Леонэ: 16
• 14.Таджыкістан: 16
• 15.Бразылія: 15
• 16.Шры-Ланка: 14
• 17.Мэксыка: 14
• 18.Банглядэш: 12
• 19.Ангола: 8
• 20.Югаславія: 8

Глядзіце таксама

• Журналістыка
• Дзелавы журналіст

Вонкавыя спасылкі

Журналіст — сховішча мультымэдыйных матэрыялаў