Граева

	Граева
	польск. Grajewo
Герб Граева
Краіна:	Польшча
Ваяводзтва:	Падляскае
Павет:	Граеўскі
Гміна:	Граева
Плошча:	18,93 км²;
Насельніцтва:	▼21 395 чал. (31 сакавіка 2021);
Часавы пас:	UTC+1
летні час:	UTC+2
Тэлефонны код:	86
Паштовы індэкс:	19-200
Нумарны знак:	BGR
Геаграфічныя каардынаты:	53°39′0″ пн. ш. 22°27′0″ у. д. / 53.65° пн. ш. 22.45° у. д.Каардынаты: 53°39′0″ пн. ш. 22°27′0″ у. д. / 53.65° пн. ш. 22.45° у. д.
	Граева на мапе Польшчы Граева
	Галерэя здымкаў у Вікісховішчы
	https://www.grajewo.pl/

Гра́ева (па-польску: Grajewo, былая назва — Гра́йва) — места у Падляскім ваяводзтве Польшчы, на рацэ Лык. З 1 студзеня 1999 цэнтар Граеўскага павету, мае статус гміны. З 1975—1998 места прыналежала да Ломжынскага павету. Займае плошчу 18,93 км². Насельніцтва 22 309 чалавек.

Гісторыя

Праваслаўная царква ў Граеве (1910)

23 лістапада 1472 — першая згадка пра мястэчка Грайва, маёмасьць Яна з Белавежы.
1483 — уладальнік загадаў Мацею пабудаваць адзін млын каля двара, а іншы на рацэ Лык.
8 лютага 1478 — заснаваны Касьцёл Сьвятой Тройцы.
1483 — Ян з Белавежы пачаў называць сябе Граеўскім. Наступным уладальнікам места быў таксама Ян Граеўскі які меў тры сына: Станіслава, Гераніма і Бартламея.
1540 — дзякуючы намаганьням Яна і Якуба Граеўскага Жыгімонт Стары надаў Граеву магдэбурскае права.
1692 — места перайшло ў валоданьне Вільчэўскіх.
1794 — у ваколіцах места адбыліся бітвы падчас паўстаньня Тадэвуша Касьцюшкі.
1863 — падчас паўстаньня Кастуся Каліноўскага каля Граева разыграліся вайсковыя дзеяньні.
1864 — места перайшло ў валоданьне Вайчэўскіх.
12 сакавіка 1864 — бітва пад Граевам супраць расейскай акупацыі.
1869 — у выніку рэпрэсій з боку царскай Расеі, з-за паўстаньня Кастуся Каліноўскага Граева страціла права места і атрымала статус населенага пункта ў складзе гміны Багушы.
1873 — пабудавана чыгунка Берасьце-Каралявец.
1939 — Граева налічвала 9500 жыхароў.
1940—1941 — цэнтар раёну Беластоцкай вобласьці БССР.
1941—1944 — пад нямецкай акупацыяй.
1944—1945 — цэнтар Граеўскага раёну Беластоцкай вобласьці БССР.
16 жніўня 1945 — улады СССР перадалі Граева Польскай Народнай Рэспубліцы.