Аляксандар Рыбак

Аляксандар Рыбак
	Аляксандар Рыбак
	А. Рыбак на прэс-канфэрэнцыі «Эўрабачаньня».
Дата нараджэньня	13 траўня 1986 (38 гадоў)
Месца нараджэньня	Менск, БССР, СССР
Грамадзянства	Нарвэґія
Месца вучобы	Barratt Due Institute of Music[d]; Калумбійскі каледж[d];
Прафэсія	музыка, сьпявак, кампазытар
Гады дзейнасьці	ад 1991
Псэўданімы	Alexander Rybak
Жанры	поп, клясыка, фольк
Вакал	лірычны тэнар[d]
Інструмэнты	скрыпка
Псэўданімы	Alexander Rybak
Гурты	Сымфанічны моладзевы аркестар «Унг Сымфоні» (Ung Symfoni)
Супрацоўніцтва	М. Харкет
Лэйблы	Universal Music Group
Узнагароды	Spellemann Award of the year[d] (2009) Конкурс песьні Эўрабачаньне (2009)
Сайт	Аляксандар Рыбак / Myspace
	Аляксандар Рыбак у Вікісховішчы

Вікіпэдыя мае артыкулы пра іншых асобаў з прозьвішчам Рыбак (неадназначнасьць).

Алякса́ндар І́гаравіч Рыба́к (нарв. Alexander Rybak; 1986, Менск, цяпер Беларусь) — нарвэскі скрыпач, сьпявак, кампазытар і актор беларускага паходжаньня, пераможца конкурсу песьні «Эўрабачаньне-2009» у Маскве.

Дзяцінства

Сын скрыпача Ігара Аляксандравіча (нарадзіўся ў 1954) і піяністкі Натальлі Валянцінаўны (нарадзілася ў 1959) Рыбакоў.

З раньніх гадоў выхоўваўся на фальклёры і клясычнай музыцы, зь дзяцінства ён успамінае «Купалінку» і інш. беларускія народныя песьні. Бацька і першы настаўнік Аляксандра — Ігар Рыбак — працаваў у музычным ансамблі ў Віцебску; надаваў сыну час, каб пазаймацца зь ім музыкай. Схільнасьць да мастацтва ў Аляксандра выявілася рана — па ўспамінах яго бацькі, калі сыну было 3 гады, аднойчы падчас прагулкі ў лесе ён засьпяваў песьню ўласнага складаньня. Зь пяці гадоў пачаў гуляць на скрыпцы і фартэпіяна, складаць песьні і сьпяваць.

У 6 гадоў Аляксандар разам з бацькамі пераехаў у Нарвэґію, куды яго бацькі запрасілі працаваць; затым на паўгода вярнуўся ў Менск, вучыцца пачаў у школе пры Беларускай дзяржаўнай акадэміі музыкі. У Нарвэґіі сям’я пасялілася ў прыгарадзе Осла — г. Нэсодэн (фюльку Акерсхус). Аляксандар скончыў кансэрваторыю ў Осьлё.

Творчасьць

У 2004 быў узнагароджаны прызам Андэрса Ярэса ў вобласьці культуры. Дайшоў да паўфіналу ў нарвэскім варыянце «Фабрыкі зорак» — шоў «Ідал». У 2006 выйграў конкурс «Вялікі шанец» тэлекампаніі NRK з уласнай песьняй «Foolin'». Супрацоўнічаў са шматлікімі акторамі, у тым ліку лідэрам гурту a-ha Мортэнам Харкетам і Арвэ Тэлефсэнам, выступаў з адным з самых вядомых у сьвеце скрыпачоў Пінхасам Цукерманам. У 2007 годзе граў ролю скрыпача ў пастаноўцы нарвэскага тэатру Oslo Nye Teater мюзыклу «Скрыпач на даху», за што атрымаў Heddaprisen. З гэтым мюзыклам гастраляваў у Эўропе, Амэрыцы, Кітаі. Здымаўся ў ролі Леві ў фільме «Ёган» рэжысэра Грэтэ Салямонсэна.

Працуе канцэртмайстрам у найбуйнейшым у Нарвэґіі сымфанічным моладзевым аркестры «Унг Сымфоні» (Ung Symfoni), у плянах — здымкі ў тэлестужцы. Сваімі кумірамі ў музыцы сьпявак называе Моцарта, The Beatles і Стынга.^[3]

У 2009 годзе выйграў са сваёй песьняй у стылі фольк «Fairytale» нарвэскі нацыянальны адбор (Melodi Grand Prix 2009), атрымаў 700 тысячаў галасоў тэлегледачоў, і быў абраны прадстаўніком Нарвэґіі на «конкурсе Эўрабачаньне-2009», а затым стаў пераможцам гэтага конкурсу. Акампанаваў яму фолькавы танцавальны гурт Frikar. Рыбак набраў 387 балаў, усталяваўшы новы рэкорд. Папярэдні прыналежаў фінскаму гурту «Лордзі» — 292 бала — і быў усталяваны ў 2006 годзе. Яшчэ да конкурсу Аляксандар сказаў, што калі пераможа, то палова гэтай перамогі будзе прыналежаць Беларусі.

Па вяртаньні ў Нарвэґію сьпявак працягнуў працаваць над альбомам. 1 чэрвеня 2009 году выйшаў дэбютны альбом Аляксандра Рыбака «Fairytales» («Казкі»). Аляксандар хутка адправіцца на гастролі ў шматлікія краіны, у тым ліку і ў Беларусь.

Сувязі з Радзімай

Нягледзячы на тое, што Аляксандар пасьля пераезду ў Нарвэґію не бываў на радзіме, ён і яго бацькі захоўваюць сувязі зь Беларусьсю. Бабулі і дзядулі жывуць у Менску і Віцебску, а дзядзька Аляксандра па бацьку, журналіст, жыве ў Маскве. Кнігі на беларускай ці расейскай мовах Аляксандар цяпер чытае рэдка, але выконвае песьні свайго бацькі на вершы Максіма Багдановіча.^[4] Лічыць, што родная культура паўплывала на фармаваньне яго музычных густаў^[5].

29 траўня 2009 году А. Рыбак удзельнічаў у журы конкурсу «Новыя галасы Беларусі» ў Менску.^[6] Яго запрасілі на 18 Міжнародны фэст мастацтваў «Славянскі базар у Віцебску»^[7]. Пра сваё вандраваньне ў Беларусь Аляксандар сказаў, што лепш выступіць з канцэртам у маленькай краіне, дзе ўсе цябе любяць і чакаюць, чым у вялікай, дзе цябе ніхто ня ведае.^[8]

У верасьні 2011 г. запісаў сваю беларускамоўную вэрсію сваёй песьні «Небасхіл Эўропы» (анг. Europe's Skies), зь якой у 2009 г. перамог на «Эўрабачаньні», для музычнай складанкі «Будзьма! Тузін. Перазагрузка-2»^[9]. На сьнежань 2015 г. у амэрыканскай сацыяльнай сетцы «Фэйсбук» яго старонка была 2-ай найбольш упадабанай у Беларусі з больш як 842 тыс. упадабаньняў^[10].

Дыскаграфія

Альбомы

Год	Альбом	Пазыцыі ў чартах
Год	Альбом	NOR	RUS
2009	Fairytales Дэбютны Студыйны Альбом Рэліз: 1 чэрвеня 2009^[11] (Расея) Лэйбл: EMI, Universal Music Group Жанр: Поп-музыка	1	1
2010	No Boundaries Студыйны альбом Рэліз: 14 чэрвеня 2010 Лэйбл: Universal Music Group Жанр: Поп-музыка	7	-

Сынглы

Год	Сынгл	Пазыцыі ў чартах^[12]
Год	Сынгл	NOR	SWE	GRE	RUS
2009	«Fairytale»	1	4	1	74

Папярэднік Марыя Гаўкас Сторэнг	Нарвэгія на конкурсе песьні Эўрабачаньне 2009	Наступнік Дзідрык Солі-Танген
Папярэднік Дзіма Білан	Пераможца конкурсу песьні «Эўрабачаньне» 2009	Наступнік Лена Маер-Ляндрут

Крыніцы

^ Alexander Rybak // TikTok (нарв.) — 2016.
^ https://www.tiktok.com/@alexrybakofficial/video/6960590893829065985
^ Аляксандар Рыбак у дзень нараджэньня спадзяецца зьесьці торт у перапынках паміж рэпэтыцыямі на «Эўрабачаньне-2009»
^ Ігар Рыбак: «Саша з задавальненьнем выконвае песьні на вершы Багдановіча» // Puls.by
^ Аляксандар Рыбак: У маёй песьні чуваць, што я зь Беларусі // Эўрарадыё, 24 красавіка 2009 г. Праверана 2 сьнежня 2015 г.
^ Саша Рыбак патрапіў у журы конкурсу «Новыя галасы Беларусі» (відэа, фота) (рас.) // CTV.BY
^ Аляксандра Рыбака запрашаюць на «Славянскі базар» (рас.)
^ Аляксандр Рыбак: я вельмі хочу ў Віцебск (рас.) // CTV.BY
^ Сяргей Будкін, «Тузін гітоў». Аляксандар Рыбак засьпяваў па-беларуску // Газэта «Наша ніва», 19 верасьня 2011 г. Праверана 2 сьнежня 2015 г.
^ Статыстыка Фэйсбук-старонак у Беларусі (анг.) // Грамадзкія пекары(en), 2015 г. Праверана 2 сьнежня 2015 г.
^ Universal Music Russia
^ Alexander Rybak - Music Charts

Вонкавыя спасылкі

Alexanderrybak.com — афіцыйны сайт, перанакіроўваецца на старонку Рыбака ў сэрвісе Myspace
Афіцыйны канал Аляксандра Рыбака(недаступная спасылка) на YouTube
Аляксандар Рыбак «Fairytale». Відэазапіс выступу на «Эўрабачаньні-2009»
Даніл Стрыжак. Аляксандр Рыбак: «Я баяўся, што беларусы на мяне пакрыўдзяцца» // Эўрарадыё, 17 траўня 2009 г. Праверана 2 сьнежня 2015 г.

[_377e2c67efe55c56-1] Alexander Rybak // TikTok (нарв.) — 2016.

[_b5f750687ac66163-2] ttps://www.tiktok.com/@alexrybakofficial/video/6960590893829065985

[3] Аляксандар Рыбак у дзень нараджэньня спадзяецца зьесьці торт у перапынках паміж рэпэтыцыямі на «Эўрабачаньне-2009»

[4] Ігар Рыбак: «Саша з задавальненьнем выконвае песьні на вершы Багдановіча» // Puls.by

[5] Аляксандар Рыбак: У маёй песьні чуваць, што я зь Беларусі // Эўрарадыё, 24 красавіка 2009 г. Праверана 2 сьнежня 2015 г.

[6] Саша Рыбак патрапіў у журы конкурсу «Новыя галасы Беларусі» (відэа, фота) (рас.) // CTV.BY

[7] Аляксандра Рыбака запрашаюць на «Славянскі базар» (рас.)

[8] Аляксандр Рыбак: я вельмі хочу ў Віцебск (рас.) // CTV.BY

[9] Сяргей Будкін, «Тузін гітоў». Аляксандар Рыбак засьпяваў па-беларуску // Газэта «Наша ніва», 19 верасьня 2011 г. Праверана 2 сьнежня 2015 г.

[10] Статыстыка Фэйсбук-старонак у Беларусі (анг.) // Грамадзкія пекары(en), 2015 г. Праверана 2 сьнежня 2015 г.

[11] Universal Music Russia

[12] Alexander Rybak - Music Charts

[1]

[2]

[3]

[4]

[5]

[6]

[7]

[8]

[9]

[10]

[11]

[12]