Начніца Натэрэра

Начніца Натэрэра (Myotis nattereri) — від рукакрылых сысуноў сямейства вечарнікавых (Vespertilionidae). Раней да гэтага віду адносілі начніцу амурскую ды начніцу закаўкаскую.

Начніца Натэрэра
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Рукакрылыя (Chiroptera)
Сямейства	Вечарнікавыя (Vespertilionidae)
Род	Начніца (Myotis)
Від	Начніца Натэрэра
Бінамінальная намэнклятура
Myotis nattereri (Kuhl, 1817)
Арэал
Арэал — чырвоны
Начніца Натэрэра на Віківідах  Начніца Натэрэра ў Вікісховішчы ITIS 632037 ·

Вонкавы выгляд

Даўжыня цела 44–51 мм, размах крылаў 24,5–28 см, вага 5–9,5 г. Верх карычнявата-шэры. Ніз ад светла-шэрага да белага. Вушы параўнальна невялікія; звычайна яны не дасягаюць 20 міліметраў.

Распаўсюджваньне

Сустракаецца ў Эўропе (Албанія, Аўстрыя, Беларусь, Бэльгія, Босьнія і Гэрцагавіна, Баўгарыя, Вугоршчына, Вялікабрытанія, Грэцыя, Данія, Ірляндыя, Латвія, Ліхтэнштэйн, Літва, Люксэмбург, Нарвэгія, Нямеччына, Нідэрлянды, Паўночная Македонія, Польшча, Расія, Румынія, Сэрбія, Славакія, Швэцыя, Швэйцарыя, Украіна, Фінляндыя, Францыя, Харватыя, Чарнагорыя, Чэхія, Эстонія) і Турэччыні.

Лад жыцьця

Myotis nattereri утварае радзільныя калёніі (30–80[200] асобін) ў дуплах дрэў, у прасторах пад друзлай карой і ў скрынях для кажаноў, але таксама ў шчылінах будынкаў і мастоў, і часта ў стайнях для буйной рагатай жывёлы. Ён упадае ў спячку ў падземных месцах пражываньня (пячорах, скляпах і шахтах). Сілкуецца двухкрылымі, дробнымі лускакрылымі і жукамі.

Вонкавыя спасылкі

• Russo, D. & Cistrone, L. 2023. Myotis nattereri. The IUCN  (анг.)