Сэрбія і Чарнагорыя

	Сэрбія і Чарнагорыя; Државна заједница Србиjа и Црна Гора
Сьцяг	Герб
	Нацыянальны дэвіз: Само слога Србина спасава
	Дзяржаўны гімн: «Xej, словени»
Афіцыйная мова	Сэрбская
Сталіца	Бялград
Найбуйнейшы горад	Бялград
Форма кіраваньня Прэзыдэнт; Старшыня ўраду	рэспубліка; Сьветазар Маравіч; Сьветазар Маравіч
Плошча; • агульная; • адсотак вады	105-е месца ў сьвеце; 102 350 (2006) км²; 0,25%
Насельніцтва; • агульнае (2006); • шчыльнасьць	74-е месца ў сьвеце; 10 832 545; 105,8/км²
Валюта	у Сэрбіі — сэрбскі дынар, у Чарнагорыі — эўра
Часавы пас; • улетку	CET (UTC+1); СEST (UTC+2)
Незалежнасьць; — ад Асманскай імпэрыі; — адасабленьне ад Чарнагорыі	; 1877; 2003
Аўтамабільны знак	SCG
Дамэн верхняга ўзроўню	.yu
Тэлефонны код	+381
	Мапа Сэрбіі і Чарнагорыі

Сэ́рбія і Чарнаго́рыя (па-сэрбску: Србиjа и Црна Гора, скарочана СиЦГ) — былая краіна на паўднёвым усходзе Эўропы, у цэнтральнай частцы Балканскай паўвыспы, якая існавала з 2003 па 2006 год. Краіна зьяўлялася фэдэрацыяй, што складалася зь дзьвюх рэспублік — Сэрбіі і Чарнагорыі, якія да гэтага ўваходзілі ў склад Югаславіі. Рэспублікі ў складзе фэдэрацыі мелі некаторыя супольныя палітычныя інстытуцыі, асобную эканамічную палітыку і валюту. У краіне былі дзьве сталіцы — Бялград і Падгорыца. Сэрбія і Чарнагорыя мела агульныя межы з Босьніяй і Герцагавінай, Харватыяй, Вугоршчынай, Румыніяй, Баўгарыяй, Македоніяй і Альбаніяй. 21 траўня 2006 году ў Чарнагорыі быў праведзены рэфэрэндум, у выніку якога 55,5% насельніцтва выказалася за аддзяленьне ад Сэрбіі і выхад з фэдэрацыі. Дэклярацыя аб незалежнасьці Чарнагорыі прынятая 3 чэрвеня 2006 году, фармальная дэклярацыя аб незалежнасьці Сэрбіі — 5 чэрвеня.