Тамбоўская вобласьць

	Тамбоўская вобласьць
	Тамбовская область
Герб	; Сьцяг
Гімн	Развітанне славянкі[d]
Агульныя зьвесткі
Краіна	Расея
Статус	вобласьць
Уваходзіць у	Цэнтральная фэдэральная акруга; Цэнтральна-Чарназёмны эканамічны раён
Адміністрацыйны цэнтар	Тамбоў
Дата ўтварэньня	27 верасьня 1937
Губэрнатар	Алег Бецін
Насельніцтва (2010);	1 092 396 (48-е месца)
Шчыльнасьць	31,7 чал./км²
Плошча	34 462 км² (63-е месца)
Месцазнаходжаньне Тамбоўскай вобласьці
Мэдыя-зьвесткі
Часавы пас	GMT +4
Код ISO 3166-2	RU-TAM
Код аўтам. нумароў	68
	Афіцыйны сайт
	Дадатковыя мультымэдыйныя матэрыялы

Тамбо́ўская во́бласьць (па-расейску: Тамбовская область) — вобласьць у эўрапейскай частцы Расеі. Адміністрацыйны цэнтар — места Тамбоў. Вобласьць уваходзіць у Цэнтральную фэдэральную акругу, мяжуе з Разанскай, Пензенскай, Саратаўскай, Ліпецкай, Варонескай абласьцямі. Створана як вобласьць РСФСР 27 верасьня 1937 году.

Геаграфія

Тамбоўская вобласьць ляжыць у паўднёвай частцы Ўсходне-Эўрапейскай раўніны, у цэнтральнай частцы Окаўска-Данской раўніны.

Карысныя выкапні

Вобласьць багата на ільмэнітавыя, рутылавыя, цырконіевыя пяскі з 4% утрыманьнем мэталаў і магчыма прамысловым утрыманьнем золата. Таксама ў вобласьць ёсьць фасфарыты, будаўнічыя матэрыялы, мінэральныя фарбы, торф.

Гідраграфія

Па тэрыторыі вобласьці працякае каля 1400 рэкаў, рэчак і ручаёў. Найбольш значныя рэкі — Цна (басэйн Волгі), Варона, Біцюг, Варонеж і Савала (басэйн Дону). Водныя рэсурсы ўключаюць таксама каля 900 сажалак і вадасховішчаў з агульным аб’ёмам вады ў 534,5 млн м³.

Гісторыя

Найстаражытным насельніцтвам Тамбоўшчыны была мардва-мокша, якая сфармавалася як народнасьць зь мясцовых этнічных групаў з VI стагодзьдзя нашай эры. Першыя расейскія перасяленцы зьявіліся тут яшчэ ў дамангольскі час, але канчатковае засяленьне адбылося ў XVII стагодзьдзі. Для абароны рубяжоў поўдня Расеі ад набегаў татараў і далейшага асваеньня Чарназем’я, расейскі ўрад будаваў гарады-крэпасьці, як то Казлоў у 1635 годзе й Тамбоў у 1636 годзе. Яны надзейна перакрывалі асноўныя шляхі набегаў качэўнікаў на расейскія землі й адкрылі магчымасьць для хуткага засяленьня краю.

Насельніцтва

Згодна з Усерасейскім перапісам насельніцтва 2010 году ў вобласьці пражываюць 1 092 396 чалавек. Большасьць насельніцтва складаюць расейцы (97,0%). Другой паводле колькасьці нацыянальнай групай зьяўляюцца ўкраінцы (0,7%).

Эканоміка

Прамысловасьць

У вобласьці разьвіты машынабудаваньне, вытворчасьць хімічнага абсталяваньня, камплектуючых дэталяў і запасных частак да аўтамабіляў і трактароў, абсталяваньне для тэкстыльнай прамысловасьці, прыборабудаваньне, хімічная, лёгкая, харчовая прамысловасьць.

Сельская гаспадарка

Асноўныя культуры сельскай гаспадаркі складаюць збожжавыя культуры, цукровыя буракі, сланечнік, кармавыя культуры, бульба. Добра разьвіта садоўніцтва. На базе перапрацоўкі збожжа й бульбы вырабляюць сьпірт, крухмал і патаку. Жывёлагадоўля вобласьці спэцыялізуецца на гадоўлі буйной рагатай жывёлы малочна-мяснога напрамку.

Крыніцы

^ Предварительные итоги Всероссийской переписи населения 2010 года.

Вонкавыя спасылкі

Тамбоўская вобласьць — сховішча мультымэдыйных матэрыялаў

[1] Предварительные итоги Всероссийской переписи населения 2010 года.

[1]