Павал Часноўскі
Павал Часноўскі (нар. 4 сакавіка 1986 году, Менск, БССР) — колішні беларускі футбаліст і трэнэр. Гуляў на пазыцыі брамніка. У цяперашні час працуе трэнэрам брамнікаў у «Менску».
| Павал Часноўскі | ||
| Пэрсанальная інфармацыя | ||
|---|---|---|
| Нарадзіўся | 4 сакавіка 1986[1][2] (38 гадоў) | |
| Рост | 193 см[3] | |
| Вага | 89 кг[3] | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2001 | Менск-2 | 12 (0) |
| 2002—2004 | БАТЭ | 0 (0) |
| 2005—2007 | Партызан Менск | 0 (0) |
| 2007—2009 | Віцебск | 43 (0) |
| 2009—2010 | Вэнтсьпілс | 5 (0) |
| 2010 | → Транзыт[d] | 4 (0) |
| 2011 | БАТЭ | 4 (0) |
| 2012—2015 | Тарпэда-БелАЗ | 81 (0) |
| 2016 | Гарадзея | 30 (0) |
| 2017 | Менск | 29 (0) |
| 2018—2021 | Шахцёр Салігорск | 15 (0) |
| Зборныя | ||
| 2004 | Беларусь (да 19)[d] | 4 (0) |
| 2005—2009 | Беларусь (да 21) | 29 (0) |
Кар’ера
рэдагавацьКлюбная
рэдагавацьПершым клюбам гульца зьяўляецца менская «Зьмена», першым трэнэрам — С. Кашкан[4]. Гуляў за дубль барысаўскага БАТЭ й менскага МТЗ-РІПА. У вышэйшай лізе чэмпіянату Беларусі дэбютаваў у 2007 годзе, гуляючы за «Віцебск» годзе, дзе стаў асноўным брамнікам. У сярэдзіне сэзону 2009 году зьехаў у латвійскі клюб «Вэнтсьпілс», за які выступаў у групавым раўндзе Лігі Эўропы, дзе правёў дзьве выязныя гульні супраць нямецкай «Гэрты» (1:1) і нідэрлядзкага «Гээрэнвээну» (0:5), у якіх прапусьціў агулам 6 мячоў. Некаторы час правёў у арэндзе ў латвійскім клюбе «Транзыт». Пасьля заканчэньня кантракту з «Вэнтсьпілам» Павал пакінуў Латвію, не зважаючы на тое, што вэнтсьпілскі клюб выказаў жаданьне да падаўжэньня супрацоўніцтва зь беларускім брамнікам[5]. Павал матываваў сваё рашэньне наяўнасьцю вялікай колькасьці легіянэраў у камандзе зь дзейным лімітам на замежнікаў у матчах чэмпіянату Латвіі ў 5 гульцоў, нявызначанай палітыкай клюбу й слабым узроўнем клюбнага футболу Латвіі[5]. Адразу пасьля сканчэньня кантракту цікавасьць да Часноўскага пачалі праяўляць клюбы з Польшчы, Кіпру й Ізраілю[5]. У канцы траўня 2011 году Павал далучыўся да табару БАТЭ, разам зь якім браў удзел у матчах Лігі чэмпіёнаў, аднак, на поле гэтак ніводнага разу не зьявіўся, правёўшы толькі чатыры матчы ў клюбе, падчас выступаў асноўнага брамніка каманды Аляксандара Гутара на моладзевым чэмпіянаце Эўропы. Да таго ж доўгі час гулец не гуляў з-за траўмы.
У студзені 2012 году Павал стаў гульцом «Тарпэда-БелАЗ», дзе яму было даверана месца асноўнага брамніка клюбу. На пачатку сэзону 2013 году стартаваў трохматчавай «сухой» сэрыяй, якая аднак скончылася ў чацьвертым туры ў гульні супраць салігорскага «Шахцёра»[6]. У ліпені 2013 году атрымаў траўму, празь якую выбыў да лістапада. У пачатку сэзону 2014 году асноўным брамнікам жодзінскага клюбу быў Васіль Хамутоўскі, але ў жніўні 2014 году Часноўскі вярнуў сваё месца ў браме. У студзені 2015 году падоўжыў кантракт з «Тарпэда-БелАЗ»[7]. У сэзоне 2015 году замацаваўся ў якасьці першага брамніка жодзінцаў. У студзені 2016 году пакінуў клюб[8]. У студзені 2016 году перайшоў у клюб «Гарадзея»[9], які на той час быў дэбютантам Найвышэйшай лігі. У студзені 2017 году падпісаў кантракт з клюбам «Менск»[10]. У лютым 2018 году перайшоў у салігорскі «Шахцёр»[11]. У складзе «Гарадзеі» быў асноўным брамнікам, у сэзоне 2016 году правёўшы ад пачатку да канца ўсе 30 матчаў чэмпіянату. У студзені 2017 году па заканчэньні кантракту пакінуў «Гарадзею»[12] і неўзабаве далучыўся да «Менску»[13], дзе таксама стаў першым брамнікам. У сьнежні 2017 году пакінуў сталічны клюб[14].
У пачатаку 2018 году далучыўся да салігорскага «Шахцёра» і ў лютым падпісаў кантракт[15]. Стаў другім брамнікам каманды пасьля Андрэя Клімовіча. У сэзоне 2018 году згуляў у двух матчах чэмпіянату Беларусі і ў адным кубкавым. У студзені 2019 году падоўжыў кантракт з салігорскім клюбам[16]. З жніўня 2019 году, пасьля пераходу Клімовіча ў расейскі «Арэнбург», стаў асноўным брамнікам салігорскай каманды. У кастрычніку 2019 году падоўжыў кантракт да канца 2021 году[17]. У сэзоне 2020 году быў другім брамнікам пасьля Аляксандра Гутара. У 2021 годзе, пасьля таго як клюб папоўніў Сяргей Чэрнік, быў выведзены з асноўнага складу, аднак застаўся ў «Шахцёры» ў складзе дубля. Па заканчэньні сэзону 2021 году завяршыў кар’еру.
Міжнародная
рэдагавацьПавал гуляў за юнацкія й моладзевыя каманды зборнай Беларусі. У 2010 годзе атрымаў выклік у склад нацыянальнай каманды, але гэтак не дэбютаваў у матчых зборных.
Трэнэрская праца
рэдагавацьПасьля завяршэньня кар’еры пачаў працаваць у салігорскім «Шахцёры» трэнэрам брамнікаў юнацкіх камандаў. У пачатку 2023 году стаў трэнэрам брамнікаў у асноўнай камандзе салігарчанаў. У студзені 2024 году пакінуў «Шахцёр»[18] і хутка далучыўся да трэнэрскага штабу «Менску»[19]. У сьнежні 2023 году атрымаў трэнэрскую ліцэнзію катэгорыі B[20].
Дасягненьні
рэдагавацьБАТЭ:
- Чэмпіён Беларусі: 2011
«Шахцёр»:
- Чэмпіён Беларусі: 2020
- Срэбны прызэр чэмпіянату Беларусі: 2018
- Бронзавы прызэр чэмпіянату Беларусі: 2019
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Тарпэда-БелАЗ | 2015 | Найвышэйшая ліга | 25 | –28 |
| Гарадзея | 2016 | Найвышэйшая ліга | 30 | –39 |
| Менск | 2017 | Найвышэйшая ліга | 29 | –39 |
| Шахцёр Салігорск | 2018 | Найвышэйшая ліга | 2 | –1 |
Крыніцы
рэдагаваць- ^ а б в Pavel Chesnovskiy // Transfermarkt (мн.) — 2000.
- ^ а б в Pavel Chasnowski // FBref (мн.)
- ^ а б в г https://www.teams.by/-/player-191/
- ^ Биография Павел Чесновский. footballtop.ru
- ^ а б в Павел Чесновский: Интерес ко мне проявляют клубы из Польши, Кипра и Израиля. football.by
- ^ Павел Чесновский: «Сейчас нам никак нельзя зацикливаться на поражении»(недаступная спасылка). Афіцыйны сайт «Тарпэда-БелАЗ»
- ^ "Торпедо-БелАЗ" продлил соглашения с четырьмя игроками (рас.)
- ^ Чесновский покинул «Торпедо-БелАЗ» (рас.)
- ^ Павел Чесновский стал игроком "Городеи" (рас.)
- ^ Павел Чесновский подписал контракт с «Минском» (рас.)
- ^ «Шахтер» подписал экс-голкипера «Минска» (рас.)
- ^ Павел Чесновский покинул "Городею" (рас.)
- ^ Павел Чесновский подписал контракт с "Минском" (рас.)
- ^ Омельянчук, Чесновский и Трубило покинули «Минск» (рас.)
- ^ "Шахтер" подписал экс-голкипера "Минска" (рас.)
- ^ Чесновский продлил контракт с "Шахтером" (рас.)
- ^ "Шахтер" до конца 2021 года продлил контракт с Чесновским (рас.)
- ^ "Шахтер" лишился тренера вратарей (рас.)
- ^ Игорь Шитов, Павел Чесновский и Андрей Короткевич вошли в тренерский штаб "Минска" (рас.)
- ^ Александр Глеб, Владимир Бушма, Павел Рыбак и другие получили тренерскую лицензию "В" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль (ням.) на сайце Transfermarkt
- Профіль (анг.) на сайце Soccerway
- Профіль (анг.) на сайце Worldfootball