Гэрта Бэрлін

нямецкі футбольны клюб з Бэрліна

«Гэрта» (па-нямецку: Hertha BSC) — нямецкі футбольны клюб з гораду Бэрліну. Заснаваны ў 1892 годзе. Двухразовы чэмпіён Нямеччыны (1930, 1931) і Кубка нямецкай лігі (2001, 2002). Клюб быў адным з заснавальнікаў нямецкай футбольнай асацыяцыі ў Ляйпцыгу ў 1900 годзе. У сэзоне 2007—2008 гадоў, нягледзячы на фініш на 10 месцы, клюб перамог у рэйтынгу «Fair Play» і ўдзельнічаў у Кубку УЭФА 2008—2009 гадоў. Клюб, у сэзоне 2010—2011 гадоў выступаў у Другой Бундэсьлізе, за 3 туры да заканчэньня чэмпіянату «Гэрта» заваявала пуцёўку ў элітны нямецкі дывізіён, але па выніках наступнага сэзону ізноў вылецела ў другі дывізіён.

Гэрта
Hertha BSC Logo 2012.svg
Поўная назва Hertha Berliner Sport-Club von 1892 e.V.
Заснаваны 25 ліпеня 1892
Горад Бэрлін, Нямеччына
Стадыён Алімпіяштадыён
Умяшчальнасьць: 74 475
Прэзыдэнт Вэрнэр Гегенбаўэр[d]
Кіраўнік Міхаэль Прээц[d]
Галоўны трэнэр
Чэмпіянат Бундэсьліга
 · 2021—2022 14 месца
Хатнія колеры
Выязныя колеры
Трэція колеры
herthabsc.de(ням.)(анг.)

ГісторыяРэдагаваць

Раньнія часыРэдагаваць

Футбольны клюб «Гэрта» быў заснаваны 25 ліпеня 1892 году й называўся «БФК Гэрта 92». Маладыя людзі, якія заснавалі клюб доўга разважалі над назвай, пакуль адзін зь іх не ўспомніў, як падарожнічаў з бацькам на параходзе «Гэрта». На трубе ў парахода былі бела-блакітныя палоскі, колеры якіх сталі колерамі формы каманды. А само слова «Гэрта» — варыяцыя слова «Нэртус» (багіня ўрадлівасьці ў старажытнагерманскай міталёгіі). Так што, у назьве клюбу аб’ядналіся мора, у выглядзе парахода, і суша, у выглядзе багіні. Мянушка «Герты» аналягічнага «ювэнтусаўскаму» — старая дама «Die Alte Dame». Прыстаўка BSC, якая азначае Berliner Sport-Club, зьявілася ў 1920 годзе, калі добра выступаючая ў футболе, але бедная фінансава «Гэрта» зьлілася з заможным Бэрлінскім спартовым клюбам.

Утварэньне БундэсьлігіРэдагаваць

Падчас фармаваньня Бундэсьлігі, у 1963 годзе «Гэрта» была найлепшым клюбам Бэрліна й таму аўтаматычна атрымала права ўдзельнічаць у новым спаборніцтве. У першым сваім сэзоне ў Бундэсьлізе «Гэрта» паказала сябе моцным серадняком, але ўжо на наступны сэзон яе ўжо чакала паніжэньне ў клясе з-за спробы подкупу гульцоў, а таксама па нейкіх палітычных матывах. Многія людзі ўсё роўна жадалі бачыць у Бундэсьлізе каманду з Бэрліна й таму на наступны сэзон у Бундэсьлізе абгрунтавалася каманда «Тасманія-1900», якая ў тым сэзоне паказала галоўны антырэкорд Бундэсьлігі, выйграўшы толькі два матчы, чатыры разы згуляўшы ўнічыю й прайграўшы 28 разоў пры розьніцы мячоў 15:108[1]. Пасьля такога буйнога правалу бэрлінцы сталі спрабаваць знайсьці спосаб вярнуць у галоўную лігу краіны «Герту» й у сэзоне 1968—1969 гадоў яны здолелі гэта зрабіць.

Неўзабаве, у 1971 годзе клюб трапіў у фінансавыя непрыемнасьці — утварылася запазычанасьць на суму ў 6 млн марак. Бэрлінцы знайшлі выхад з гэтага становішча шляхам продажу былога стадыёну.

У 1970-х гадох «Гэрта» трывала замацавалася ў Першай Бундэсьлізе. У сэзоне 1974—1975 гадоў бэрлінцы занялі другое месца пасьля мёнхэнглядбаскай «Барусіі». У 1977 і 1979 гадох клюб выйшаў у фінал Кубка Нямеччыны, і ў тым жа 1979 годзе ў паўфінал Кубка УЭФА[2]. Аднак зноў камандзе рушыў усьлед спад і ў сэзоне 1979—1980 гадоў яны вылецелі ў Другую Бундэсьлігу, адкуль вярнуліся толькі ў сэзоне 1990—1991 гадоў, пасьля чаго зноў апусьціліся ў Другую Бундэсьлігу. У 1997 годзе «Гэрта» вярнулася ў Бундэсьлігу.

Апошнія гадыРэдагаваць

У 2001 і 2002 гадох, «Гэрта» заваявала Кубак Лігі Нямеччыны. У 2006 годзе каманда здолела перамагчы Кубак Інтэртота. У сэзоне 2008—2009 гадоў «Гэрта» заняла 4-е месца й атрымала права выступаць у эўракубках, але праз год вылецела ў Другую Бундэсьлігу. Сэзон 2011—2012 гадоў бэрлінцы пачалі сэзон у першай па значнасьці лізе.

СкладРэдагаваць

Актуальны на 11 лютага 2022 году
Пазыцыя Імя Год нараджэньня
1   Бр Аляксандар Шволяў 1992
2   Аб Пэтэр Пэкарык 1986
3   Аб Фрэдрык Андрэ Б’ёркан 1998
4   Аб Дэдрык Баята (капітан) 1990
5   Аб Нікляс Штарк 1995
6   ПА Уладзімер Дарыда 1990
7   Нап Даві Зэльке 1995
8   ПА Суат Сэрдар 1997
10   ПА Юрген Экеленкамп 2000
11   Нап Мізіян Маоліда 1999
12   Бр Нільс Кёрбэр 1996
13   Аб Люкас Клюнтэр 1996
14   Нап Ісгак Бэльфадыль 1992
17   Аб Максімілян Мітэльштэт 1997
18   ПА Сант’яга Аскасыбар 1997
Пазыцыя Імя Год нараджэньня
19   Нап Стэван Ёвэтыч 1989
20   Аб Марк-Олівэр Кемпф 1995
21   Аб Марвін Плятэнгарт 1992
22   Бр Рунэ Ярстэйн 1984
23   Нап Марка Рыхтэр 1997
27   ПА Кевін-Прынс Баатэнг 1987
28   Нап Келіян Нсона 2002
29   ПА Люка Тузар 1997
30   Нап Лі Дон-Чун 1997
31   Аб Мартан Дардаі 2002
32   Бр Олівэр Крыстынсэн 1999
36   Нап Рувэн Вэртмюлер 2001
40   ПА Ёнас Міхэльбрынк 2001
44   Аб Лінус Гехтэр 2004
46   Нап Антон Кадэ 2004

КрыніцыРэдагаваць

  1. ^ «Tasmania Berlin-Gropiusstadt». Abseits Guide to Germany.
  2. ^ «Hertha BSC Berlin». Abseits Guide to Germany.

Вонкавыя спасылкіРэдагаваць

  Гэрта Бэрлінсховішча мультымэдыйных матэрыялаў