Домінік Собаслаі

**Домінік Собаслаі**
	Домінік Собаслаі
Пэрсанальная інфармацыя
Нарадзіўся	25 кастрычніка 2000 (24 гады); Сэкешфэхэрвар, Вугоршчына;
Рост	182 см
Вага	74 кг
Пазыцыя	паўабаронца
Клюбная інфармацыя
Клюб	Лівэрпул
Нумар	8
Клюбы
Зборныя
	¹ Колькасьць гульняў і галоў за прафэсійны клюб лічыцца толькі; для нацыянальнай лігі, адкарэктавана на; 24 лістапада 2024. ; ² Колькасьць гульняў і галоў за нацыянальную зборную; ў афіцыйных матчах, адкарэктавана на; 19 лістапада 2024.;

Домінік Собаслаі (па-вугорску: Dominik Szoboszlai; нар. 25 кастрычніка 2000 году) — вугорскі футбаліст, паўабаронца ангельскага клюбу «Лівэрпул» і нацыянальнай зборнай Вугоршчыны.

Кар’ера

Клюбная

Гулец хутка быў запрыкмечаны скаўтамі, дзякуючы чаму трапіў у аўстрыйскі клюб «Ліфэрынг» у сэзоне 2017—2018 гадоў. Дэбютаваў у прафэсійным футболе 21 ліпеня 2017 году ў матчы супраць «Капфэнбэргу». Першым голам адзначыўся 4 жніўня, улучыўшы мяч у браму «Бляў-Вайсу». Такі пачатак вымусіў зальцбурскі «Рэд Бул» падцягнуць футбаліста да свайго складу яшчэ цягам сэзону. 27 траўня 2018 году Собаслаі дэбютаваў у аўстрыйскай Бундэсьлізе ў матчы супраць сталічнай «Аўстрыі».

Наступны сэзон гулец абараняў колеры як «Ліфэрынгу», гэтак і «Рэд Булу», але зь цягам часу замацаваўся менавіта ў зальцбурскім клюбе. 17 верасьня 2019 году паўабаронца ўлучыў свой першы гол у Лізе чэмпіёнаў, пакрыўдзіўшы бэльгійскі «Генк». 10 чэрвеня 2020 году вугорац учыніў хет-трык у браму грацкага «Штурма»^[3]. Паводле вынікаў сэзону 2019—2020 гадоў гулец, маючы на рахунку 9 галоў і 14 галявых перадачаў у матчах чэмпіянату, быў прызнаны найлепшым футбалістам сэзону^[4]. 17 сьнежня 2020 году быў аб’яўлена аб пераходзе гульца ў нямецкі «РБ Ляйпцыг». З футбалістам быў узгоднены кантракт да чэрвеня 2025 году. Гэты трансфэр каштаваў немцам 20 мільёнаў эўра, што зрабіла Собаслаі найдаражэйшым праданым вугорцам у гісторыі. Гулец адразу замацаваўся ў асноўным складзе каманды, двойчы здабыўшы зь ёй Кубак Нямеччыны.

2 ліпеня 2023 году гулец падпісаў дамову зь «Лівэрпулам», узгодніўшы пяцігадовы кантракт. За пераход ангельцы мусілі выплаціць «РБ Ляйпцыг» 60 мільёнаў фунтаў^[5]^[6]. Собаслаі стаў толькі трэцім вугорцам за ўсю гісторыю клюб^[7]. 13 жніўня паўабаронца дэбютаваў у складзе новага клюбу ў стартавай гульні сэзону 2023—2024 гадоў, калі ягоная каманда згуляла ўнічыю з «Чэлсі» зь лікам 1:1^[8]. 19 жніўня вугорац згуляў першую гульню на Энфілдзе ў матчы супраць «Борнмуту». 3 верасьня гулец забіў свой першы гол у кашулі ангельскага клюбу ў пераможнай гульні Прэм’ер-лігі супраць «Астан Вілы» (3:0). Хутка стаў ключавым футбалістам каманды, ствараючы найбольшую колькасьць галявых момантаў каманды. На пачатку 2024 году атрымаў пашкоджаньне, праз што прапусьціў частку сэзону.

Міжнародная

Гулец у кашулі нацыянальнай зборнай у 2021 годзе.

Собаслаі выклікаўся да складу зборных краіны розных узростаў. Пры гэтым гулец быў капітанам, як юнацкай, гэтак і юніёрскай зборных Вугоршчыны.

У чэрвені 2017 году атрымаў свой першы выклік у нацыянальную зборную Вугоршчыны на таварыскі матч супраць зборнай Расеі і адборачны матч чэмпіянату сьвету 2018 году супраць зборнай Андоры^[9], аднак на полі не зьяўляўся. Запачаткаваў выступы ў нацыянальнай камандзе 21 сакавіка 2019 году ў адборачным матчы чэмпіянату Эўропы 2020 году супраць зборнай Славаччыны, выйшаўшы на замену на 54-й хвіліне замест Ласла Кляйнгайсьлера^[10]. Свой першы гол забіў тым жа славакам з штрафнога ўдара.

Дасягненьні

«Рэд Бул»:

Чэмпіён Аўстрыі: 2018, 2019, 2020, 2021
Уладальнік Кубка Аўстрыі: 2019, 2020, 2021

Крыніцы

^ ^а ^б ^в ^г ^д Dominik Szoboszlai // Transfermarkt (мн.) — 2000.
^ ^а ^б ^в Dominik Szoboszlai // Salzburgwiki (ням.)
^ «Légiósok: Szoboszlai triplázott, a Salzburg öt gólig jutott a Sturm ellen». Nemzeti Sport.
^ «Légiósok: Szoboszlait választották meg az idény legjobbjának». Nemzeti Sport.
^ «Liverpool complete signing of Dominik Szoboszlai». Liverpool FC.
^ «Dominik Szoboszlai: Liverpool sign RB Leipzig midfielder for £60m». BBC Sport.
^ «FACTFILE: All you need to know about Dominik Szoboszlai». Liverpool FC.
^ «Confirmed Liverpool line-up v Chelsea». Liverpool FC.
^ «Válogatott: Szoboszlait valóban behívta Storck – megvan a légióskeret!». Nemzeti Sport.
^ «Slovakia v Hungary game report». UEFA.

Вонкавыя спасылкі

Профіль (анг.) на Transfermarkt
Профіль (анг.) на Soccerway
Профіль (анг.) на Worldfootball

[_a82b3547b7870de0-1] а ^б ^в ^г ^д Dominik Szoboszlai // Transfermarkt (мн.) — 2000.

[_c1692c122130ff0c-2] а ^б ^в Dominik Szoboszlai // Salzburgwiki (ням.)

[3] «Légiósok: Szoboszlai triplázott, a Salzburg öt gólig jutott a Sturm ellen». Nemzeti Sport.

[4] «Légiósok: Szoboszlait választották meg az idény legjobbjának». Nemzeti Sport.

[5] «Liverpool complete signing of Dominik Szoboszlai». Liverpool FC.

[6] «Dominik Szoboszlai: Liverpool sign RB Leipzig midfielder for £60m». BBC Sport.

[7] «FACTFILE: All you need to know about Dominik Szoboszlai». Liverpool FC.

[8] «Confirmed Liverpool line-up v Chelsea». Liverpool FC.

[9] «Válogatott: Szoboszlait valóban behívta Storck – megvan a légióskeret!». Nemzeti Sport.

[10] «Slovakia v Hungary game report». UEFA.

[1]

[2]

[3]

[4]

[5]

[6]

[7]

[8]

[9]

[10]

Пэрсанальная інфармацыя
Домінік Собаслаі

Нарадзіўся	25 кастрычніка 2000(2000-10-25)^[1]^[2] (24 гады) Сэкешфэхэрвар, Вугоршчына^[1]
Рост	182 см
Вага	74 кг
Пазыцыя	паўабаронца
Клюбная інфармацыя
Клюб	Лівэрпул
Нумар	8
Клюбы
Гады	Клюб	Гульні (галы)¹
2017—2018 2018—2021 2021—2023 2023—	Ліфэрынг Рэд Бул РБ Ляйпцыг Лівэрпул	42 (16) 56 (16) 62 (12) 45 (4)
Зборныя
2019—	Вугоршчына	51 (15)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 24 лістапада 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 19 лістапада 2024.