Дарвін Нуньес

**Дарвін Нуньес**
	Дарвін Нуньес
	;
Пэрсанальная інфармацыя
Нарадзіўся	24 чэрвеня 1999 (25 гадоў); Артыгас, Уругвай;
Рост	187 см
Вага	81 кг
Пазыцыя	нападнік
Клюбная інфармацыя
Клюб	Лівэрпул
Нумар	9
Клюбы
Зборныя
	¹ Колькасьць гульняў і галоў за прафэсійны клюб лічыцца толькі; для нацыянальнай лігі, адкарэктавана на; 14 верасьня 2024. ; ² Колькасьць гульняў і галоў за нацыянальную зборную; ў афіцыйных матчах, адкарэктавана на; 14 ліпеня 2024.;

Дарвін Габрыель Нуньес Рыбэйра (па-гішпанску: Darwin Gabriel Núñez Ribeiro; нар. 24 чэрвеня 1999 году) — уругвайскі футбаліст, нападнік ангельскага клюбу «Лівэрпул» і нацыянальнай зборнай Уругваю.

Кар’ера

Клюбная

Пачатак

22 лістапада 2017 году дэбютаваў у «Пэньяролі», калі выйшаў на зьмену Максі Радрыгесу ў другой паловы матчу супраць сталічнага «Рывэр Плэйту»^[2]. У наступным месяцы атрымаў пашкоджаньне і выбыў на нейкі час. Свой першы гол Нуньес здабыў 13 кастрычніка 2018 году, пацэліўшы першы гол сутрэчы ў браму «Фэніксу» (2:0)^[3]. 14 ліпеня 2019 году зарабіў першы хет-трык у матчы супраць «Бостан Рывэр» (4:0)^[4]. Пасьля таго як нападнік зарэкамэндаваў сябе, гульца рупліва прыдбала «Альмэрыя», якая на той момант выступала ў другім дывізіёне гішпанскага першынства. Паводле чутак, Нуньес каштаваў каля 6 млн эўра, але выдаткі былі акупленыя, бо ў дэбютным сэзоне ўругваец здабыў 16 галоў на свой рахунак за 30 гульняў.

«Бэнфіка»

Нуньес у кашулі «Бэнфікі» ў матчы Лігі чэмпіёнаў супраць «Барсэлёны».

4 верасьня 2020 году Нуньес падпісаў пяцігадовы кантракт з партугальскім клюбам «Бэнфіка», які заплаціў рэкордныя грошы ў памеры 24 млн эўра. Гэты трансфэр стаўся самым буйным паводле сумы для «Альмэрыі», а таксама для Сэгунды. Паводле дамоўленасьці «Альмэрыя» атрымала мажлівасьць зарабіць 20% ад будучага продажу футбаліста^[5]. Праз адзінаццаць дзён уругваец дэбютаваў у клюбе ў матчы супраць грэцкага ПАОКу ў трэцім кваліфікацыйным раўндзе Лігі чэмпіёнаў 2020—2021 гадоў^[6]. Пачаў гулец няблага, зарабіўшы пяць асыстэнцкіх пунктаў у чатырох матчах партугальскай Прымэйры, а таксама здабыўшы хет-трык у матчы Лігі Эўропы супраць польскага «Леху» (4:2). Тым ня менш, пасьля паўзы, выкліканай пандэміяй каранавірусу, уругваец на працягу сэзону змагаўся з рознымі траўмамі і не забіваў чатыры месяцы^[7].

У траўні 2021 году Нуньес перанёс апэрацыю на правым калене, прымусіўшы яго прамінуць першыя месяцы сэзону 2021—2022 гадоў^[8]. Павярнуўся гулец 21 жніўня, замяніўшы Эвэртана на 72-й хвіліне, у пераможным матчы супраць «Жыл Вісэнці» (2:0). Пасьля дубляў у матчах супраць «Санта-Клары» і «Баавішты» нападнік быў абраны гульцом месяцу Прымэйры ў верасьні^[9]. 29 верасьня галеадор адзначыўся дублем і ў Лізе чэмпіёнаў, вынікова стрэліўшы ў браму «Барсэлёны». Наступныя месяцы былі такія ж плённыя. Нуньес адзначыўся хет-трыкам у браму «Бэленэнсішу» ў лістападзе, а ў наступным месяцы столькі ж галоў забіў у браму «Фамалікану». Гулец зарабіў на свой рахунак 26 галоў у матчах чэмпіянату, стаўшы найлепшым бамбардзірам першынства і ўвайшоўшы ў сымбалічную зборную турніры. Тым ня менш, «Бэнфіка» фінішавала толькі на трэцім месцы. У Лізе чэмпіёнаў клюб дасягнуў чвэрцьфіналу, дзе саступіў «Лівэрпулу». Нуньес улучыў мяч у браму ангельцаў у кожным матчы з двубою, у выніку перасягнуўшы клюбны рэкорд паводле колькасьці галоў у сэзоне за «Бэнфіку», які быў усталяваны раней Нуну Гомішам^[10].

«Лівэрпул»

13 чэрвеня 2022 году «Бэнфіка» дасягнула пагадненьня з клюбам Прэм’ер-лігі «Лівэрпулам» аб пераходзе Нуньеса да ангельцаў за 75 млн эўра плюс 25 млн эўра ў дадатак^[11]. 30 ліпеня нападнік дэбютаваў за «чырвоных» ў пераможным матчы Супэркубка Ангельшчыны супраць «Манчэстэр Сіці» (3:1). 6 жніўня ён забіў свой першы гол у складзе лівэрпульцаў у дэбютным матчы Прэм’ер-лігі супраць «Фулгэма», які скончыўся ўнічыю 2:2.

Міжнародная

У верасьні 2019 году Нуньес быў выкліканы да складу нацыянальнай зборнай Уругваю на таварыскія матчы супраць зборных Коста-Рыкі і ЗША. Але дэбютаваў нападнік 16 кастрычніка ў нічыйным матчы супраць зборнай Пэру. У гэтай сустрэчы Нуньес забіў адзіны гол сваёй каманды праз пяць хвілінаў па сваім зьяўленьні на пляцоўцы^[12]. Як плянавалася, нападнік мусіў быў згуляць на Кубку Амэрыкі 2021 году, але праз траўму быў вымушаны прапусьціць турнір^[13].

Дасягненьні

«Пэньяроль»:

Чэмпіён Уругваю: 2017, 2018

«Лівэрпул»:

Уладальнік Кубка футбольнай лігі: 2024
Уладальнік Супэркубка Ангельшчыны: 2022

Крыніцы

^ ^а ^б ^в Darwin Núñez // Transfermarkt (мн.) — 2000.
^ «Clausura: River Plate derrotó 2–1 a Peñarol en el Saroldi y le quitó el invicto». Fútbol.
^ «Clausura: Peñarol le ganó 2–0 a Fénix con goles de Darwin Núñez y Giovanni González». Fútbol.
^ «Peñarol le ganó 4–0 a Boston River por la primera fecha del Torneo Intermedio 2019». Teledoce.
^ «El Almería y el Benfica firman el traspaso definitivo de Darwin Núñez». UD Almería.
^ Pereira, António Pedro (15.09.2020). «PAOK 2–1 BENFICA. KO no jogo um». Diário de Notícias
^ «Darwin fintou a pobreza, as lesões e as críticas antes de brilhar na Champions». Diário de Noticias
^ «Benfica: Darwin Nuñez operado ao joelho». Maisfutebol
^ Oliveira, Diogo Cardoso (14.10.2021). «Darwin Núñez, do Benfica, eleito melhor jogador do mês». Público
^ «Darwin é o melhor marcador do Benfica numa edição da Champions». Maisfutebol
^ «Oficial: transferência de Darwin comunicada à CMVM». SL Benfica.
^ Sánchez, Guillermo (16.10.2019). «El debut soñado de Darwin Núñez con Uruguay». Marca.
^ «Darwin Núñez sufre a la distance y acompaña a la seleccion desde las redes». El Observador.

Вонкавыя спасылкі

Профіль (анг.) на Transfermarkt
Профіль (анг.) на Soccerway
Профіль (анг.) на Worldfootball

[_22c5a391e408f2f0-1] а ^б ^в Darwin Núñez // Transfermarkt (мн.) — 2000.

[2] «Clausura: River Plate derrotó 2–1 a Peñarol en el Saroldi y le quitó el invicto». Fútbol.

[3] «Clausura: Peñarol le ganó 2–0 a Fénix con goles de Darwin Núñez y Giovanni González». Fútbol.

[4] «Peñarol le ganó 4–0 a Boston River por la primera fecha del Torneo Intermedio 2019». Teledoce.

[5] «El Almería y el Benfica firman el traspaso definitivo de Darwin Núñez». UD Almería.

[6] Pereira, António Pedro (15.09.2020). «PAOK 2–1 BENFICA. KO no jogo um». Diário de Notícias

[7] «Darwin fintou a pobreza, as lesões e as críticas antes de brilhar na Champions». Diário de Noticias

[8] «Benfica: Darwin Nuñez operado ao joelho». Maisfutebol

[9] Oliveira, Diogo Cardoso (14.10.2021). «Darwin Núñez, do Benfica, eleito melhor jogador do mês». Público

[10] «Darwin é o melhor marcador do Benfica numa edição da Champions». Maisfutebol

[11] «Oficial: transferência de Darwin comunicada à CMVM». SL Benfica.

[12] Sánchez, Guillermo (16.10.2019). «El debut soñado de Darwin Núñez con Uruguay». Marca.

[13] «Darwin Núñez sufre a la distance y acompaña a la seleccion desde las redes». El Observador.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

Пэрсанальная інфармацыя
Дарвін Нуньес

Нарадзіўся	24 чэрвеня 1999(1999-06-24)^[1] (25 гадоў) Артыгас, Уругвай
Рост	187 см
Вага	81 кг
Пазыцыя	нападнік
Клюбная інфармацыя
Клюб	Лівэрпул
Нумар	9
Клюбы
Гады	Клюб	Гульні (галы)¹
2017—2019 2019—2020 2020—2022 2022—	Пэньяроль Альмэрыя Бэнфіка Лівэрпул	15 (4) 32 (16) 57 (32) 68 (20)
Зборныя
2019—	Уругвай	29 (13)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 14 верасьня 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 14 ліпеня 2024.