Віталь Рушніцкі
Віта́ль Рушні́цкі (нарадзіўся 17 студзеня 1990 году) — беларускі футбаліст, нападнік пінскага «Стэнлесу».
| Віталь Рушніцкі | ||
| Пэрсанальная інфармацыя | ||
|---|---|---|
| Нарадзіўся | 17 студзеня 1990[1] (34 гады) | |
| Рост | 180 см | |
| Вага | 79 кг[2] | |
| Пазыцыя | нападнік | |
| Клюбная інфармацыя | ||
| Клюб | Стэнлес | |
| Нумар | 9 | |
| Клюбы | ||
| Гады | Клюб | Гульні (галы)¹ |
| 2008—2010 | Крылы Саветаў | 0 (0) |
| 2009 | → Белшына | 8 (1) |
| 2011 | Рэчыца-2014 | 12 (0) |
| 2011 | Смаргонь | 12 (5) |
| 2012 | Шуртан Гузар[d] | 12 (0) |
| 2012 | Смаргонь | 6 (1) |
| 2013 | Полацак | 3 (0) |
| 2014 | Колас-Мэліяратар-Дружба | 19 (11) |
| 2015—2016 | Хваля | 26 (25) |
| 2016—2017 | Слуцак | 17 (1) |
| 2017 | Хваля | 10 (2) |
| 2018 | ЮАС | 5 (0) |
| 2018 | Ліда | 11 (0) |
| 2019—2020 | Стэнлес | 47 (43) |
| 2021 | Хваля | 27 (4) |
| 2022 | Стэнлес | 18 (19) |
| 2023 | Новая Прыпяць | 13 (12) |
| 2023— | Стэнлес | 14 (5) |
| Зборныя | ||
| 2008—2009 | Беларусь (да 19)[d] | 4 (1) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьУ маладосьці трапіў у структуру менскага «Дынама» і ўжо ў веку 15 гадоў пачаў гуляць за дубль. Пазьней прыцягваўся да асноўнага складу, але гэтак і не дэбютаваў у першай камандзе. У пачатку 2008 году далучыўся да расейскіх «Крылаў Саветаў», дзе таксама гуляў за моладзевы склад. Другую палову 2009 году правёў у бабруйскай «Белшыне», пасьля вяртаньня ў Самару перастаў зьяўляцца на полі і пакінуў клюб. У 2011 годзе далучыўся да клюбу беларускай Першай лігі «Ведрыч-97», а ў другой палове сэзону гуляў за «Смаргонь». У 2012 годзе стаў гульцом узбэцкага «Шуртану», які ачольваў беларускі трэнэр Ігар Крывушэнка, а пазьней вярнуўся ў «Смаргонь». Сэзон 2013 году распачаў у «Полацку», аднак неўзабаве ў клюбе пачаліся фінансавыя праблемы, і Віталь разам з большасьцю гульцоў клюбу пакінуў каманду.
У сэзоне 2014 году гуляў у Другой лізе за клюб «Колас-Дружба», з 11 галамі стаў найлепшым бамбардзірам каманды. На наступны год прыяднаўся да пінскай «Хвалі», у складзе якой адзначыўся ў сэзоне 2015 году 12 галоў. Пасьпяхова пачаў сэзон 2016 году, пасьля першай паловы чэмпіянату з 13 галамі ўзначальваў спіс бамбардзіраў Другой лігі. У ліпені 2016 году перайшоў у «Слуцак»[3]. 29 ліпеня дэбютаваў у Найвышэйшай лізе, выйшаўшы ў стартавым складзе ў матчы супраць мазырскай «Славіі» (1:0). Пазьней страціў месца ў першай адзінаццатцы ды часьцей заставаўся на лаўцы запасных. У сэзоне 2017 году працягваў зьяўляцца на полі, выхадзячы на замену. 3 чэрвеня 2017 году забіў свой першы гол у Найвышэйшай лізе, праз хвіліну пасьля выхаду на замену ўлучыўшы мяч у браму «Іслачы», чым забясьпечыў слуцкаму клюбу перамогу зь лікам 2:1. У ліпені 2017 году паводле пагадненьня бакоў пакінуў «Слуцак»[4].
Неўзабаве пасьля зыходу з «Слуцку» вярнуўся ў пінскую «Хвалю»[5], а ў студзені 2018 году ўзмоцніў склад жыткавіцкага ЮАС[6]. У чэрвені 2018 году пакінуў жыткавіцкі клюб[7]. У жніўні 2018 году склаў працоўную дамову з «Лідай»[8], па заканчэньні сэзону 2018 году пакінуў лідзкі клюб. У 2019—2020 гадах гуляў у Другой лізе у складзе пінскага «Стэнлесу», быў найлепшым бамбардзірам каманды.
У студзені 2021 году пачаў трэнавацца з «Хваляй» і ў лютым падпісаў зь ёй кантракт[9]. У сэзоне 2021 году чаргаваў выхады ў стартавым складзе і на замену. У лютым 2022 году па заканчэньні кантракта пакінуў «Хвалю»[10]. Хутка зноў далучыўся да «Стэнлесу», у сакавіку быў афіцыйна прадстаўлены ў якасьці гульца каманды[11]. У сакавіку 2023 году было абвешчана, што Рушніцкі застанецца ў «Стэнлесу» на сэзон 2023 году, аднак у красавіку пакінуў клюб і далучыўся да «Новай Прыпяці» з Альшанаў. У жніўні 2023 году вярнуўся ў «Стэнлес»[12]. У красавіку 2024 году стала вядома, што нападнік застаецца ў пінскай камандзе на новы сэзон[13].
Міжнародная
рэдагавацьГуляў за юнацкія зборныя Беларусі ў кваліфікацыях чэмпіянату Эўропы.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Хваля | 2016 | Другая ліга | 9 | 13 |
| Слуцак | Найвышэйшая ліга | 6 | 0 | |
| 2017 | Найвышэйшая ліга | 11 | 1 | |
| Хваля | Першая ліга | 10 | 2 | |
| ЮАС | 2018 | Першая ліга | 5 | 0 |
| Ліда | 11 | 0 | ||
Крыніцы
рэдагаваць- ^ а б в Vitali Rushnitskiy // Transfermarkt (мн.) — 2000.
- ^ а б https://www.pressball.by/footballstat/vitaly_rushnitsky/
- ^ Голяткин, Кибук и Рушницкий подписали контракты со "Слуцком" (рас.)
- ^ "Слуцк" расстался с Рушницким (рас.)
- ^ Рушницкий вернулся в "Волну" (рас.)
- ^ Рушницкий перешел в ЮАС (рас.)
- ^ 1-я и2-я лиги. Анонс. “Волна”: Кирилко вместо Шульжика (рас.) Архіўная копія ад 2020-08-05 г.
- ^ "Лида" подписала Рушницкого и рассталась с Лозко (рас.)
- ^ Рушницкий вернулся в «Волну» (рас.)
- ^ Виталий Рушницкий и Максим Павловец покинули "Волну" (рас.)
- ^ Виталий Рушницкий снова игрок "Стэнлеса" (рас.)
- ^ Рушницкий вернулся в "Стэнлес" (рас.)
- ^ Экс-гулец «Крылаў Саветаў» Рушніцкі падоўжыў кантракт са «Стэнлесам» з Д3 (бел.)
Вонкавыя спасылкі
рэдагаваць- Статыстыка «ПБ-Инфо» (рас.)