Рэчыца-2014 (футбольны клюб)

беларускі футбольны клюб

«Рэчыца-2014» — беларускі футбольны клюб з Рэчыцы. Заснаваны ў 1946 годзе і расфармаваны ў 2015 годзе. У 1992—1996 гадах гуляў у найвышэйшым дывізіёне чэмпіянату Беларусі.

Рэчыца-2014
Заснаваны 1946
Расфармаваны 2015
Горад Рэчыца, Беларусь
Стадыён Цэнтральны
Умяшчальнасьць: 3550
Чэмпіянат Першая ліга чэмпіянату Беларусі па футболе
 · 2015 Першая ліга, 16 месца (паніжэньне)
Хатнія колеры
Выязныя колеры
Афіцыйны сайт

Гісторыя рэдагаваць

 
Лягатып «Ведрычу-97»

Выступаў пад назвамі: «Дняпровец» (1952), «Дняпро» (1962—1976), «Нафтавік» (1977—1979), «Спадарожнік» (1980—1991), «Ведрыч» (1992—1996), «Ведрыч-97» (1997—2013), у 2014—2015 гадах меў назву «Рэчыца-2014»[1]. У 1991 годзе клюб стаў апошнім пераможцам другой лігі чэмпіянату БССР (другі дывізіён) і атрымаў павышэньне.

У 19921996 гадох гуляў у першай лізе чэмпіянату Беларусі, якая на той момант была галоўным спаборніцтвам Беларусі, потым апусьціўся дывізіёнам ніжэй. Найвышэйшым дасягненьнем для клюбу лічыцца 8-е месца ў 1992 годзе. У 20002001 гадох вярнуўся ў эліту, а з 2002 году гуляе ў першай лізе. Паводле вынікаў сэзону 2004 году атрымаў права гуляць у вышэйшай лізе, але адмовіўся і застаўся ў другім паводле рангу дывізіёне беларускага футболу.

Сэзон 2013 году пачаўся для каманды няўдала. «Ведрыч-97» у першых пяці турах ня здолеў забіць ніводнага голу і апынуўся ў канцы табліцы. Улетку быў звольнены галоўны трэнэр Леанід Савіцкі. Пад кіраўніцтвам Міхаіла Ерамчука, а потым Аляксандра Бразевіча, які чарговы раз вяртаўся да клюбу, рэчычане пачалі набіраць пункты. Гэтаму садзейначала і паляпшэньне фінансавага становішча каманды, дзякуючы чаму ў клюб прыйшлі некалькі гульцоў з вышэйшай лігі. «Ведрыч-97» падняўся да сярэдзіны табліцы, але няўдалы фініш пакінуў каманду на 11 месцы.

У лютым 2014 году клюб, які доўгі час быў вядомы пад назвай «Ведрыч-97», зьмяніў форму ўласнасьці і стаў менавацца «Рэчыца-2014»[2]. У сакавіку 2014 году была зацьвержана новая эмблема клюбу з выявай «Пагоні»[3]. Сэзон каманда пачала добра, адразу апынуўшыся сярод лідэраў чэмпіянату. Шэраг няўдачаў у пачатку другога кола, аднак, адкінуў рэчычан у сярэдзіну табліцы, і яны выключылыся з барацьбы за прызавыя месцы. Тым ня менш, добры фініш дазволіў камандзе ўзьняцца на пятае месца, якое стала найлепшым у чэмпіянаце за 10 апошніх гадоў. У 2015 годзе каманда заняла апошняе месца ў першай лізе і вылецела ў другую лігу, пасьля чаго клюб быў расфармаваны.

Дасягненьні рэдагаваць

Статыстыка рэдагаваць

Чэмпіянат рэдагаваць

Сэзон Ліга Месца Г В Н П РМ Пкт
2012 Першая 7 28 9 12 7 40–24 39
2013 Першая 11 30 9 12 9 47–36 39
2014 Першая 5 30 13 7 10 41–36 46
2015 Першая 16   30 2 5 23 14–66 11

Кубак рэдагаваць

Сэзон Раўнд Г В Н П РМ
2012—2013 1/16 2 1 0 1 2–2
2013—2014 1/16 2 1 0 1 11–4
2014—2015 1/16 1 0 0 1 0–1
2015—2016 1/16 3 1 1 1 3–7

Галоўныя трэнэры рэдагаваць

Крыніцы рэдагаваць

Вонкавыя спасылкі рэдагаваць