Аляксей Кабычкін

Аляксей Кабычкін
	Аляксей Кабычкін
Імя пры нараджэньні	Аляксей Пахомавіч Кабычкін
Род дзейнасьці	Юрыст, Журналіст
Дата нараджэньня	1891
Дата сьмерці	25 сакавіка 1958
Месца сьмерці	Кан, Францыя
Прычына сьмерці	Рак
Адукацыя	Юрыспрудэнцыя
Месца вучобы	Маскоўскі дзяржаўны ўнівэрсытэт

Аляксе́й Кабычкін(нар. 1891, Слуцак — † 25 сакавіка 1958, Кан, Францыя) — беларускі палітычны, грамадзкі й вайсковы дзеяч. Удзельнік Слуцкага збройнага чыну.

Жыцьцяпіс рэдагаваць

Скончыў Слуцкую мужчынскую клясычную гімназію й юрыдычны факультэт Маскоўскага ўнівэрсытэту. Да беларускага руху далучыўся падчас першае расейскае рэвалюцыі 1905-1907 гг., удзельнічаў у беларускім маладзёвым гуртку ў гімназіі, дзе вучыўся. Да паўстаньня Кабычкін служыў у белай арміі Дзянікіна, зьведаў эвакуацыю арміі з Адэсы, праз Югаславію прабіраўся ў Слуцак. Уваходзіў у склад вайсковага трыбуналу Слуцкага антыбальшавіцкага збройнага чыну 1920 году.

З 1921 году ў Вільні, Баранавічах і Лідзе, зьяўляўся рэдактарам беларускіх газэтаў («Наша думка» і «Беларуская хата». Супрацоўнічаў з удзельнікам Слуцкага збройнага чыну Арсенам Паўлюкевічам адным з лідараў Часовай беларускай рады. 15 лютага 1925 году абраны сакратаром управы Часовай беларускай рады. Пасьля таго як ў жніўні 1926 году перастала выдавацца «Беларускае слова», 7 кастрычніка 1926 года выйшаў першы нумар «Беларуская хаты» пад рэдакцыяй Аляксея Кабычкіна^[1]^[2].

Арыштаваны ў Баранавічах польскай паліцыяй у 1928 годзе па справе Яўстафія Сяляха па падазрэньні ў супрацы з савецкай выведкай, аднак яго вызвалілі з-за адсутнасьці прамых доказаў супрацоўніцтва. Ён змог пераканаць сьледзтва ў тым, што яму не была вядома аб дзейнасьці яго брата Міхаіла й Яўстафія на карысьць АДПУ^[3].

Падчас Другое сусьветнай вайны Аляксей Кабычкін працаваў у Лідзкім гарадзкім судзе. З канца лета 1944 году ў заходняй частцы Нямеччыны. У лета 1945 г. трапіў у лягер для рэпатрыянтаў у месьце Куфштайн (па-нямецку: Kufstein ) у Аўстрыі, цудам выратаваўся ад дэпартацыі. Апошнія гады дажываў у Францыі, у 1956 годзе пераехаў у места Кан, дзе й памёр у шпіталі ад раку ў гадавіну абвяшчэньня незалежнасьці Беларусі — 25 сакавіка 1958 г.

Крыніцы рэдагаваць

^ Чарнякевіч, Андрэй. Беларускія паланафілы і Грамада. 1925 - пачатак 1927 г. // Гістарычны альманах : навуковы гістарычны і краязнаўчы часопіс. — 2006. — № 12. — С. 76, 77.
^ Чарнякевіч, Андрэй. Беларуская Часовая Рада і яе месца і роля ў беларускім нацыяналіным руху ў Польшчы сярэдзіны 1920-х гадоў. / рэдкалегія: Коўкель І. І. і інш. // Грамадскія рухі і палітычныя партыі ў Беларусі (апошняя чвэрць ХІХ – пачатак ХХІ ст.) : матэрыялы Рэсп. навук. канф. (Гродна, 23-24 кастр. 2008 г.). — Гродна: ГрДУ, 2009. — С. 284—291. — ISBN 978-985-515-200-3.
^ Аляксандар Горны. Яўстафій Сялях — савецкі агент у беларускім руху (1925—1928). // Беларускі гістарычны зборнік. — Białystok: Беларускае гістарычнае таварыства, 2016. — № 46. — С. 221—236. — ISSN 1232-7468.

Кнігапіс рэдагаваць

Кабычкін, Аляксей. Слуцкае паўстаньне. (З успамінаў удзельніка). // Бацькаўшчына : орган беларускай нацыянальна-вызвольнай думкі. — 7 студзеня 1953. — № 132—133. — С. 3, 4.
Кабычкін, Аляксей. Водгукі гадавіны Слуцкага чыну. Мюнхэн (Заходняя Нямеччына). // Бацькаўшчына : орган беларускай нацыянальна-вызвольнай думкі. — 11 сьнежня 1955. — № 280. — С. 3, 4.
Кабычкін, Аляксей. Слуцкае паўстаньне. (З успамінаў удзельніка). / укладальнік, падрыхтоўка тэкстаў, ілюстрацыяў, аўтары заўваг й каментарыяў, паказальнікі: Аляксандра Гесь, Уладзімер Ляхоўскі, Уладзімер Міхнюк; прадмова Уладзімера Ляхоўскага // Слуцкі Збройны Чын ў дакумэнтах і ўспамінах : Бібліятэка часопіса «Беларускі гістарычны агляд». — Менск: Медысонт, 2006. — С. 202—207. — ISBN 985-6530-37-7.

Літаратура рэдагаваць

Кароткі нарыс беларускага пытаньня = Sztab generalny. Krótki zarys zagadnienia białoruskiego. Warszawa, 31 stycznia 1928 r. / Пераклад з польскай, прадмова, рэдакцыя: Андрэй Вашкевіч, Алесь Пашкевіч, Андрэй Чарнякевіч. — Менск: Логвінаў, І. П., 2008. — С. 294—308. — 396 с. — (Кнігарня Наша Ніва). — ISBN 978-985-6901-22-8
Слуцкі Збройны Чын ў дакумэнтах і ўспамінах / укладальнік, падрыхтоўка тэкстаў, ілюстрацыяў, аўтары заўваг й каментарыяў, паказальнікі: Аляксандра Гесь, Уладзімер Ляхоўскі, Уладзімер Міхнюк; прадмова Уладзімера Ляхоўскага. — Менск: Медысонт, 2006. — 399 с. — (Бібліятэка часопіса «Беларускі гістарычны агляд»). — 200 ас. — ISBN 985-6530-37-7

Вонкавыя спасылкі рэдагаваць

Кабычкін, Аляксей (18 верасьня 2018) Слуцкае паўстанне. (З успамінаў удзельніка). Pawet

[1] Чарнякевіч, Андрэй. Беларускія паланафілы і Грамада. 1925 - пачатак 1927 г. // Гістарычны альманах : навуковы гістарычны і краязнаўчы часопіс. — 2006. — № 12. — С. 76, 77.

[2] Чарнякевіч, Андрэй. Беларуская Часовая Рада і яе месца і роля ў беларускім нацыяналіным руху ў Польшчы сярэдзіны 1920-х гадоў. / рэдкалегія: Коўкель І. І. і інш. // Грамадскія рухі і палітычныя партыі ў Беларусі (апошняя чвэрць ХІХ – пачатак ХХІ ст.) : матэрыялы Рэсп. навук. канф. (Гродна, 23-24 кастр. 2008 г.). — Гродна: ГрДУ, 2009. — С. 284—291. — ISBN 978-985-515-200-3.

[3] Аляксандар Горны. Яўстафій Сялях — савецкі агент у беларускім руху (1925—1928). // Беларускі гістарычны зборнік. — Białystok: Беларускае гістарычнае таварыства, 2016. — № 46. — С. 221—236. — ISSN 1232-7468.

[1]

[2]

[3]