18 студзеня

18 сту́дзеня — 18-ы дзень году паводле Грыгарыянскага календару. Да канца году застаецца 347 дзён (348 у высакосным годзе).

Падзеі

• 1401 — падпісная Віленска-радамская вунія, якая аддавала пажыцьцёвае кіраваньне на Літве князю Вітаўту, з захаваньнем вярхоўнай улады Ягайлы
• 1654 — адбылася Пераяслаўская рада паміж Расеяй і казакамі, пад час паўстаньня Хмяльніцкага
• 1801 — Расея анэксавала ўсходнюю Грузію
• 1864 — заснаваная «Вугорская біржа»
• 1919 — І сусьветная вайна: распачалася Мірная канфэрэнцыя ў Вэрсалі

Нараджэньні

• 1689 — Шарль Люі дэ Мантэск’ё, францускі пісьменьнік, правазнаўца і філёзаф
• 1882 — Алан Аляксандар Мілн, ангельскі пісьменьнік, аўтар аповесьцяў пра Віні-Пуха
• 1892 — Ёсіф Лянгбард, беларускі архітэктар пэрыяду БССР
• 1900 — Віктар Баркоўскі, беларускі філёляг
• 1912 — Пётра Сыч, пісьменьнік, журналіст «Радыё Свабода»
• 1936 — Васіль Сёмуха, беларускі перакладнік
• 1955 — Тацяна Скрыпчанка, беларускі археоляг
• 1959 — Аляксандар Саладуха, беларускі сьпявак, выканаўца папулярнага рэпэртуару
• 1979 — Паўлу Фэрэйра, партугальскі футбаліст

Сьмерці

• 1367 — Пэдру I, кароль Партугаліі
• 1723 — Мацей Юзэф Анцута, дзеяч каталіцкага касьцёлу ў ВКЛ
• 1888 — Генрых Офэнбэрґ, расейскі дыплямат, барон, сапраўдны стацкі дараднік
• 1951 — Эмі Кармайкл, ірляндзкая пратэстанцкая місіянэрка
• 1972 — Яфрэм Карнейчык, беларускі гісторык
• 1982 — Хуан Сяньфань, кітайскі гісторык, антраполяг і прафэсар
• 1984 — Панцеляймон Панамарэнка, кіраўнік савецкай Беларусі
• 2006 — Ян Твардоўскі, ксёндз, польскі паэт
• 2011 — Віталь Тарас, беларускі журналіст, публіцыст
• 2023:
  • Леакадзія Шышэя, удзельніца беларускага пасьляваеннага супраціву, сябра падпольнай слонімскай арганізацыі «Чайка»
  • Дзяніс Манастырскі, украінскі юрыст, палітык, міністар унутраных спраў Украіны

Сьвяты

• Трэцяя куцьця — посная, або галодная вячэра

18 студзеня — сховішча мультымэдыйных матэрыялаў