Юры Тышкевіч (біскуп)
Юры Тышкевіч (1596, мястэчка Вішцянец — 7 студзеня 1656, Домнаў у Прусіі) — рэлігійны й дзяржаўны дзяяч Вялікага Княства Літоўскага. Біскуп жамойцкі (1634—1649) і віленскі (ад 1649)
.jpg) Юры Тышкевіч | |
 Герб «Ляліва» | |
| Асабістыя зьвесткі | |
|---|---|
| Нарадзіўся | 1596[1][2] |
| Памёр | 7 студзеня 1656 або 17 студзеня 1656[3] |
| Пахаваны | |
| Род | Тышкевічы |
| Бацькі | Ян Яўстах Тышкевіч Соф’я з Вішнявецкіх[d] |
| Дзейнасьць | каталіцкі сьвятар |
Біяграфія Рэдагаваць
З лагойскай лініі роду Тышкевічаў гербу «Ляліва», сын Яна Яўстаха, ваяводы берасьцейскага, і Соф’і зь Вішнявецкіх. Меў братоў Антонія Яна, Казімера, Крыштапа і Фэліцыяна.
Навучаўся ў езуіцкіх акадэміях у Вільні, Любліне, Познані й Кракаве. Канонік кракаўскі, ад 1626 віленскі. Ад 17 траўня 1627 біскуп тытулярны Мэтонэ й суфраган віленскі. Ад 19 сьнежня 1633 ардынары жамойцкі, біскуп — ад 25 чэрвеня 1634.
Дбаў пра разьвіцьцё школьніцтва на Жамойці, праводзіў візытацыю дыяцэзіі, чатыры разы праводзіў дыяцэзіяльныя сыноды (1636, 1639, 1643, 1647). У 1637 стварыў кальварыю ў мястэчку, названым Жамойцкая Кальварыя, заснаваў там кляштар дамініканаў. У 1632 кансэкраваў касьцёл дамініканаў у Сейнах.
У 1638 быў легатам караля і вялікага князя Ўладзіслава Вазы да папы Урбана VIII, ад якога атрымаў тытул прэлата дамовага. У 1644 кіраваў каталіцкай дэлегацыяй у Торуні на Colloquium Charitativum — дыскусіі пратэстантаў і каталікоў пра яднаньне вызнаньняў.
Ад 9 сьнежня 1649[4] біскуп віленскі, зладзіў сынод дыяцэзіяльны, правёў візытацыю парафіяў. У вайну са Швэцыяй знаходзіўся ў Караляўцы.
Галерэя Рэдагаваць
- Іканаграфія Юрыя Тышкевіча
-
Невядомы мастак, XVII ст.
-
Невядомы мастак, XVII ст.
-
Е. Фальк, XVII ст.
-
Е. Фальк, XVII ст.
-
Невядомы мастак, XVIII ст.
-
Невядомы мастак, XIX ст.
-
Я. Шырма, каля 1873 г.
-
Надмагільле. Невядомы мастак, XIX ст.
_(2).jpg)
.jpg)
.jpg)
_(2).jpg)
.jpg)
.jpg)
.jpg)
_(3).jpg)
Крыніцы Рэдагаваць
- ^ Jerzy Tyszkiewicz // NUKAT — 2002.
- ^ Jerzy Tyszkiewicz // MAK (пол.)
- ^ Wurzbach D. C. v. Tyszkiewicz, Georg (gest. 1656) (ням.) // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 48. — S. 197.
- ^ Hierarchia Catholica medii et recentioris aevi. T. IV. — Regensberg, 1935. S. 370.
Літаратура Рэдагаваць
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
- Nitecki P. Biskupi Kościoła w Polsce: w latach 965—1999 // Słownik biograficzny. Wyd. 2. — Warszawa, 2000. ISBN 83-211-1311-7. — S. 458—459.
- Wileński słownik biograficzny. — Bydgoszcz, 2002. ISBN 83-87865-28-1. — S. 412.