Царква Сьвятой Тройцы (Гарадок)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Сьвятой Тройцы.

Помнік гісторыі
Царква Сьвятой Тройцы
Траецкая царква
Краіна	Беларусь
Вёска	Гарадок
Каардынаты	54°9′5.31″ пн. ш. 26°55′18.40″ у. д. / 54.151475° пн. ш. 26.9217778° у. д. / 54.151475; 26.9217778Каардынаты: 54°9′5.31″ пн. ш. 26°55′18.40″ у. д. / 54.151475° пн. ш. 26.9217778° у. д. / 54.151475; 26.9217778
Канфэсія	Беларускі экзархат
Эпархія	Маладэчанская япархія^[d]
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Царква Сьвятой Тройцы — помнік гісторыі другой паловы XIX стагодзьдзя (мураўёўка) у Гарадку. Знаходзіцца ў паўднёвай частцы гістарычнага мястэчка, на Маладэчанскай вуліцы. Дзее. Твор архітэктуры расейскай эклектыкі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Гарадку збудавалі ў 1884 годзе на месцы драўлянай царквы Сьвятога Пасаду.

За савецкім часам царкву зачынілі. У 1990-я гады будынак аднавілі.

Архітэктура

Прыклад сынадальнага кірунку эклектычнай царкоўнай архітэктуры Расейскай імпэрыі. Будынак 4-часткавай аб’ёмна-прасторавай кампазыцыі: 2-ярусная званіца (васьмярык на чацьверыку), прастакутная ў пляне трапезная, кубападобны асноўны аб’ём, паўкруглая апсыда. Галоўны і бакавыя ўваходы маюць выгляд прастакутных праёмаў з аркавымі парталамі. Аркавыя аконныя праёмы ў ліштвах з кілепадобнымі броўкамі.

Унутраная прастора перакрывалася скляпеньнямі (не захаваліся), над трапезнай месьцяцца драўляныя хоры^[1].