Сяргей Сматрычэнка

Сяргей Сматрычэнка (нар. 27 сакавіка 1977, Віцебск) — беларускі філёляг-славіст, перакладчык, рэдактар.

Сяргей Сматрычэнка
Род дзейнасьці Перакладнік
Дата нараджэньня 27 сакавіка 1977 (47 гадоў)
Месца нараджэньня Віцебск, Беларуская ССР, СССР
Грамадзянства Беларусь
Месца вучобы
Занятак перакладнік, пісьменьнік, славіст, багеміст
Навуковая сфэра багемістыка[1], славістыка[d][1] і пераклад[1]
Месца працы
Жонка Жанаты
Дзеці Дачка
Сайт smatrycenka.livejournal.com

Навучаўся ў Беларускім гуманітарным ліцэі імя Якуба Коласа, дзе зацікавіўся чэскаю моваю[2]. Скончыў філялягічны факультэт БДУ. Пасьля сканчэньня выкладаў тамака чэскую і славацкую мовы. Пасьля 2 гады працаваў асыстэнтам у Інстытуце славістыкі Венскага ўнівэрсытэту.

Напрыканцы 1990-х пачаў супрацоўнічаць з часопісам «ARCHE», у розны час працаваў у газэце «Наша Ніва», Беларускім ПЭН-цэнтры і інш. Заснавальнік і куратар кніжнай сэрыі «Чэшская калекцыя» ў выдавецтве Ігара Логвінава. Суарганізатар некалькіх міжнародных літаратурных акцыяў, у тым ліку фэстывалю «Месяц аўтарскага чытання-2007» з удзелам 30 беларускіх пісьменьнікаў у чэскім Брне.

Укладальнік і перакладчык «Анталогіі беларускага апавядання» па-чэску. Публікуецца найперш у беларускіх, чэскіх і славацкіх пэрыядычных выданьнях. Сярод аўтараў, перакладзеных на беларускую мову, — Яхім Топал, Ёзэф Топал, Міхал Вівэг, Мілан Кундэра, Багуміл Грабал, Вацлаў Гавэл, Мілаш Урбан, Эва Кантуркава, Вацлаў Чэрны і інш.

Пераклады рэдагаваць

Крыніцы рэдагаваць

Вонкавыя спасылкі рэдагаваць